تفسير احلام السبت 19\4\2014 باذن الله

الحلم رقم 1
حلمت اللهم اجعله خير ان احنا بنعمل عزا لبابا الله يرحمه بس كان فى شقه غير بتاعتنا وكانت جميله اوى وواسعه اوى لدرجه انى كنت مبهوره بوسعها وكانت شبه شقه العرايس الجداد والعفش والموبليا بتاعت الشقه جديده وكان فى الشقه برويز كتير والشقه فخمه اوى وكان متجمع فيها كتير من قريبنا فانا قلت لواحده انا مش فكراه هى الشقه يتاعت مين قلتلها ديه شقه السعودى(ده واحد قريبنا) فهى قالتلى لاء ده شقه بتتاجر لمده شهر علشان الناس تعمل فيها تقريبا قالت المناسبات او العزا مش فاكره فبعدين قلت فى بالى ده اكيد اجارها يجى الف ونص بس مش مشكله احنا مش اللى هندفع اكيد قريبنا هما اللى هيدفعوا وبعدين دخلت وافقت فى اوضه وكان فيها انتريه وكان على الحياطه بروزات كتير اوى ومكتوب فيها حاجه كده زى الله اكبر وكلام زى قرانى او اسلامى وكان فيه واحده وجوزها واقفين لقتها بتقولى انتى كنت قاعده جمب جوزى زى ما تكونى خاطبته فانا قلت انا اساسا مقعدتش جمب جوزها وبعدين افتكرت ان جوزها كان بيبصلى جامد قلت اه يبقى انا لما قاعده وهو كان بيبص فعشان كده قالت كده فالراجل ده ومرات كانوا بيقولوا حاجه راحت اختى وكان معاها بنات تانى اقعدوا يضحكوا بصوت عالى فانا بصيت لاختى جامد اوى علشان ضحكت واحنا فى عزا راحت احتى فهمت بصتى وسكتت وبعدين دخلت اوضه النوم بتاعت الشقه ديه لقيت فيها سرير وسراحه وعليها مكياجات وكريمات زى ما تكون غرفه عروسه جديده ومتعلق صوره لواحده وكانها صاحبه الشقه وكانت متصوره وفى الصوره صباع روج فانا قلت اده الصباع الروج ده زى اللى عندنا فى الحقيقه  وبعدين شفت نفسى بغسل غسيل بس اغلب الغسيل ده كان طرح بس انا شفت طرحه بمبى وزرقه وطرح سوده اكتر من واحده (هما عندنا فى الحقيقه )ووغسلت اندر بتاعى كمان وبعد كده كنت عايزه انشرهم فاختى قالتلى رحى انشريهم عند جارتنا اسمها ام صفاء فانا قلتلها لاء انا انشرهم عندنا احسن بس الهدوم فضلت فى الجردل منشرتهمش وبعدين لقيت واحد قربنا بيقولى علشان ابوكى يطلع او يدفن لازم نجيب 300 شخص علشان نعرفه نطلعه رحت قلت اخوى يبقى يجيبهم بس هو كان عايز ناس احياء مش ميتين علشان قالى لازم يناموا جمبه علشان يطلع وشاورلى انهم بناموا بالطول رحت قلت الشقه مش هتكفى راح قالى لاء الشقه واسعه اوى وهتكفى 
انا اسفه يا ماما على الاطاله  ومعلوماتى انا انسه واختى اللى فى الحلماللى ضحكت  انسه واكبر منى والراجل ومراته مش عارفاهم وباقى الحلم اخواتى وقريبنا الستات 

حلم رقم 2 
السﻻم عليكم انا حلمت انى فحمام عند جدتى الله يرحمها فبيتها سامعه صوت اخو زوجى برا بيتكلم وكنت بشيل الاولويز اللى كنت ﻻبساها ورميتها فالتواليت ما انى كنت حامل فالحلم وبعد مارميتها شديت الكومبنيشن بس رجعت قولت كدا البﻻعه هتتسد وببص عالبﻻعه ﻻقيتها مفتوحه قولت جوايا دا اخو جوزى شكلو لسه مسلكها وشايفه المايه اللى شدتها بتنزل فيها وبعدين شوفت بنتى جوا كأن هى اللى اتشدت مش الولويز رجعت فماصوره البﻻعه وشوفتها مفتحه عينها وبتبصلى روحت بصيت لبطنى قولت ايه دا انا لسه حامل هى جت ازاى ولسه بفكر اسحبها لقيتها اتسحبت مع المايه وانا واقفه مش عرفه اتصرف ومش فاهمه بس ياماما نجيه انا صاحيه بعيط ومش قدره انسى نظره بنتى ليا قبل ماتتسحب جوا وصعب عليا انى سبتها وللعلم انا مش حامل عندى بس بنوته مكملتش سنتين  واسفه عالحلم ازا كان مقرف مش عرفه دا اضغاث احﻻم وﻻ ايه

حلم رقم 3
ماما انا حلمت ان انا مع ماما فى بيتنا القديم و فى ابراص كتير خارجه من الحمام و بقت فى الشقه كلها و فى كبير و صغير و انا كنت برشهم ببيروسول و ماما بتقولى متخافيش و كانت بتقتلهم

انا متوسطه التدين متزوجه و عندى ولد عنده 5 شهور

4

انهاردة برده الحمد لله قمت على منام مرتاحة منه اوووووى بعد ما صليت الفجر امبارح وقعدت ادعى ربنا انى افرح ويبشرنى خير 

شفت خير اللهم اجعله خير انى لابسة فستان سواريه احمر جميل اوى وجسمى فيه شكله حلو وبحضر فرح واحدة اعرفها اسمها رغدة الموافى ( هى متزوجة اصلا ولسه مخلفة كمان قريب ) المهم كنت فى الحلم بحضر كتب كتابها وهى كانت لابسة فستان عروسة ومكانش فيه دوشة وكان فى ايدها بوكيه ورد ابيض كده فجت تحدفه على مجموعة البنات اللى واقفة وانا فى وسطهم فروحت لقفاه ولحقاه ونجحت من وسط البنات انى امسكه وبقيت فرحانة بيه اوووووى وكان بوكيه ورد ابيض وجميل ولقيت اصحابى قاعدين يقولولى مبروك يا ايناس هتبقى بعدها ان شاء الله ماعدا مرات خالى لقيتها بتقوللى لا انتى طالما مسكتى البوكيه يبقى العروسة دى هتطلق وده فال وحش فانا قعدت اقولها اخص عليكى يامرات خالى ليه بتقولى الكلام الوحش ده وخدت البوكيه ومشيت وانا زعلانة وروحت قعدت على كرسى بيه وكان جنبى كرسى فاضى فقعدت ابص للكرسى الفاضى واقول يا ترى مين اللى هييجى يقعد جنبى عليه انا مش عايزة واحد مش كويس فلقيت شاب زى القمر ولابس لبس ظابط وحاطط الكاب تحت دراعه ( نفس شكل الظابط اللى حلمت بيه امبارح برده !! ) وبيقوللى ينفع انا اقعد ففرحت بيه اوووووى وقلتله طبعا اتفضل وافقت على طول وراح قاعد جنبى فى المكان الفاضى وهو لما قعد من هنا سمعت صوت رصاص وضرب نار فظيع وناس زى ما يكون جاية عايزة تضربنا بالرصاص وتموتنا فانا روحت مقلعاه كل حاجة على بدلته العسكرية من نجوم وزراير وكله وقلتله لو شافوك بيها هيموتوك وهو راح واخد شنطتى وحاجتى وراح شايل حاجتى اللى كنت خايفة عليها تضيع واحنا بنجرى من ضرب النار وراح واخدنى ومعدى بيا البر التانى من النيل لاننا المكان اللى كنا فيه كان ع النيل وفعلا شال حاجتى وخدنى للبر التانى وبقينا فى امان من ضرب النار اللى كان مترصدنا ده .... بس كده