تفسير احلام السبت 5\4\2014 باذن الله

حلم رقم 1 

انا حلمت انى كنت ماسكه فلوس بتاعى محوشاها وكنت بعدها

حلم رقم 2

حلمت يا احلى ماما نجية كاني كنت ماشية فى عربية فى طريق ووقفت فى نقطة تفتيش ولاقيت ظباط بيفتشوا شنطتي وكان بيصوروني بالكاميرا ولاقوا معايا 10 بطايق شخصية  لشباب ماعرفهماش وكان معايا جواز سفري حد قريبي راح و طلعوهلي وبعدين لاقيت انسان اعرفه وكان معجب بي واقف بيتكلم مع امي  كانه تعبان وهي هتاخده للدكتور ولكنه كان لابس دبلة فى ايده مع اني الحمدالله متدينة وانسة.

حلم رقم 3 
السﻻم عليكم انا كتبت حلمى امبارح فيوم الجمعه وبشوفو انهردا ملقتهوش ياريت تفسريهولى 
خلمت انى فشقه معرفهاش ومعايا اختى وامى ومرات خالى وحماتى تبقى برضو مرات خالى التانى وبنتها اللى هى اخت جوزى ورايحين نعمل عمره وانا بدور على عبايه البسها عشان اروح العمره بيها ومش عندى حيت البس بتاعت اخت جوزى لقيتها قصيره وضيقه عليا مع انها اطول واتخن منى فضلو يتريقو عليا قلعتها وبعدين شوفت فجاه حماتى عالسرير مريضه بعد ماكانت كويسه وجايه معانا بس على هيئه وش جدتى ام امى اللى هى تبقى حماتها برضو عى وشها بس انا فبالى انها حماتى ووشها تعبان جدا ونايمه عالسرير وبنتها بتقول دى تعبانه جدا وشكلها هتموت ومش هتيجى معانا وبتبص لبنتها وبتقولها انا جعانه عيزه اكل راخت بنتها قلتلى قومى اعمليلها ساندوتش روحت انا واختى المطبخ نعملها ساندوتش خرجت اديهولها لقيتهم مش موجودين والعزا تحت فى حوش العمره وماما ومرات خالى التانى واخت جوزى قعدين وﻻبسين اسود 
للعلم حضرتك حماتى توفت من 3 شهور وهى فالعمره بس ملحقتش تكملها وحت من فتره لبنتها فالحلم برضو بتقولها انا جعانه هاتى لقمه وخدت تلاجه المايه اللى فشقتى اتصدقو بيها على روحها وجدتى كمان متوفيه من زمان

حلم ٦

حلمت اني مع بنات خالتي ببيتنا القديم نتحدث ونضحك ثم خالتي نادتني فسلمت عليها و بعدها كاني بمكان مع رجل طويل وضعيف  ومزاجي تحسن جدا وكانه يقرب لي ثم في الشارع طلبت من هلي ان اذهب معه وكنت امسك ذراعه سعيدة فوافقوا فقلت اولا ارى وجهه فوجدت شكله ليس وسيم وقالت جدتي لن اتركك بدون محرم وجاؤوا جميع خالاتي معنا بالسيارة وامي وشعرت بالضيق وقلت لهم لن اركب اذن. ثم بعد ان ركبت كان يقود السيارة ثم وكانه يلف بقوة للشارع الاخر والشارع العكس والسيارات تكاد ان تصدمنا وانا خائفة ثم كانه يلف بقوة وقلت له خفف السرعه وسيارة الاسعاف تكاد ان تصدمنا لكن بسرعه نجونا وكان الجميع رفض الركوب معه و بالسيارة كانت هناك امراة عجوز تريد الدخول وانا ارفض ثم دخلت بعد موافقة اهلي وكانت تضع شيئا ما بالصندوق ثم انا غضبت جدا لانه ممكن به سحر وطردتها ثم هذا الرجل قال لي انا ساخرج ثم خادمتنا تكلمت معها وكنا واقفين بشارع مظلم ننتظر سيارة لنركب بها.

الحلم رقم7
اختى حلمت خير ان شاء الله 
ان كان لينا فلوس عند اخوالنا وجابولنا بيها ارض روحنا نشوف الارض راحت بسرعه الارض دى اتبنت بيت جميل جدا وواسع وكان البيت ده اربع اوض كبيره وصاله كبيره ومطبخ وحمام حلوين والمفروض ان البيت ده بتاعنا فاختى قالت لماما نبنيه دور واحد كفايه هيكون حلو علينا ماما قالتلها لا احنا هنبنيه دور كمان فبصت للبيت وقالت لماما احنا نعمل جمعيه ونبيضه وبعدين نعمل جمعيه ونعمل سيراميك فبتقول لخالى هنكوى هدومنا فين قالها المكوجى تحت البيت فقالتله كمان طاب كويس يعنى مش هتعب فى الكوى لما احب اكوى حاجه هبقى انزلها للمكوجى بسرعه والبيت كان فى منطقه حلوى وشارع جميل وكل ده اتعمل بسرعه جدا وكنا فرحانين جدا بالبيت الجديد 
مع العلم ان اختى انسه

الحلم رقم 8
ازيك يا ماما انا صاحبة الرؤيتين دول
الحلم رقم 3
السلام عليكم يا ماما

بصى انا هقولك كل حاجه انا كنت مرتبطه بواحد واتقدم لاهلى ورفضوه وبعدين اهله خطبوا له واحده غصب عنه المهم يا ماما هو كلمنى وعاوزنى اكتب كتابى عليه من ورا اهلى ويحط الكل قصاد الامر الواقع ولما رفضت بشده هددنى بانه مسجل لى ولما حلفته يسمعنى حاجه رفض بشده وقالى هسمعك كل حاجه قصاد ابوكى وهفضحك فى شغلك وانا يا ماما والله ماقادره انام ابداااا وخايفه يكون مسجلى بجد واتفضح

المهم انا صليت ركعتين حاجه وسالت ربنا يبين لى هو مسجل لى ولا لاء

حلمت حلم تلات اجزاء اول جزء حلمت ان فى بحر اتفتح والميه بتاعته سابت فى المدينه وميته جت شارعنا وعملت مجرايه من اول الشارع قدام كل البيوت عرضها حوالى متر واحنا باب بيتنا كان مفتوح ولقيت ابن اختى عنده 4 سنين اسمه محمد طالع يجرى على الميه فانا خفت عليه يغرق لان الميه محدش كان هيقدر يمشى فيها بدون ما يتبل او لو كان طفل ممكن يغرق وكان مدير الشغل بتاعى وهو مسيحى هو راجل مسن وشعره كله ابيض واقف قصاد الباب جوه بيتنا ولقيت الميه لونها اصفر كأن فيها رمله وكانت بتجرى بسرعه متوسطه وفى القاع سمك تقريبا مش بيتحرك وعلى الوش طافى 3 او 4 سمكات بس هم اقل من اللى فى القاع بكتييييير وانا مسكت واحده منهم كانت كبيره شويه بس هى ماكانتش بتتحرك و لا كانت ريحتها متعفنه بس بالظبط بالظبط كانت زى السمك اللى بنشتريه طازه عشان نطبخه

والجزء التانى اننا كنا مسافرين وشايفه العربيه عليها شيله كتير شنط واكياس كاننا رايحين مصيف او مكان بعيد وانا دخلت اجيب حاجه من على التلاجه وحسيت انى مزنوقه وما دخلتش الحمام دخلت اعملها فى المنور عشان قريب منى وتحت السلم وكدا كدا محدش هيشوفنى  وقعدت على الارض اعمل حمام بس عملت حمام عفوا ميه بس لقيت نفسى بعمل ميه كتييييييييييير وقلت ياه هو انا كنت مزنوقه للدرجه دى ولقيت اختى  جايه عليا  شفتها داخله من الباب واحنا فى العادى عادى يعنى مش بنكسف من بعض بس مادخلتش عليا المنور الجزء دا خلص قبل ما تدخل

الجزء التالت لقيتنى ببص على كوبرى من فوق المفروض كله حديد بس الكوبرى دا كان مقطوم وهم مصلحينه بانهم عاملين الجزء الوسطانى المقطوم من الخشب بس معمول بعنايه جدا كأن الكوبرى كله حته واحده والجزء دا خشب بس كان خشب مش متلون لسه جديد يعنى

بالله عليكى يا ماما بالله عليكى قوليلى مسجل لى ولا لاء

انا عمرى 29 سنه وانسه
حبيبتى الجزء الاول  اولا  اوعى تخفى و تضعفى امامه  وقفى فى وجهه بشدة  فهو شخص ندل  واهلك  على حق عندما رفضوه  هو ميستهلكيش وميستهلش التضحية ومش هيصونك  لانه لم يصن حبك  وثقتك فيه كيد طمعان فيك فى شئ  انهريه بشدة ولا تخافى  فرؤيتك توضح ن فيه خوف وقلق من تجاهك  ونكد  ولكن هتنتصرى ان شاء الله نصركبير وهتعدى الامور بهدوء  اما الجزء الثانى انت شايلة هم تقيل  لكن ربنا هيقضى حاجتك  وهتعدى معك على خير ان شاء الله  اما الجزء التالت انت هتضعفى شوية   وانا بقول لك اوعى تضعفى واوعى تنكسرى فربنا يصلح حالك ان شاء الله  انت عارفة الفضيحة الكبيرة لو كتبتى كتابك  من وراء اهلى اتكسرى ابوك  وامك واخواتك  وهتركبى شخص ندل عليه  اوعى وقفى شامخة امامه  وانهريه وقولى له نجوم السما اقرب لك  وهو مش هيقدر يعمل لك شئ  والله وان عمل هيجد من يؤدبه  لاخافى والله معك

ربنا يريحك يا ماما بالله عليكى انا عاوزه اعرف حاجه هو فعلا مسجل لى ولا لاء؟؟
حبيبتى هو انسان كذاب  وخسيس  لا تخافى مفيش تسجيل ولا شئ   وربنا معك


بعدها هو كان مدينى ميعاد محدد لو ما عملتش اللى هو عاوزه هيجى البيت ويفضحنى والميعاد دا عدى الحمد لله وماجاش هو فرحه كمان اخر الاسبوع دا
المهم يا ماما انا كنت بدعى ربنا كتييييييييييييير جداااااااااا انه ينجينى منه وبعدين لما عدى اليوم اللى كان محدده طلبت من ربنا انه يبين لى فى رؤيا بعد ما صليت قضاء حاجه انه يورينى هل الموضوع انتهى وعدى على كدا ولا لا قدر الله هو بيرتب لى بأذى
المهم انا حلمت انى ببص على كوبرى كان قدامى وكنت انا على الارض والكوبرى مكنش كبير كان حجمه متوسط كأنه جسر صغير وكان تحت الكوبرى دا وبيعدى جمبى فى نفس الوقت نهر صغير ميته هاديه ولونها كان واضح زى الميه العاديه بتاعتنا
ولقيتنى راكبه عربيه وقاعده جمبى والدتى الله يرحمها وكان شكلها زى ما تكون بتفكر فى حاجه وساكته كدا
دا معناه ايه يا ماما بالله عليكى
انا عمرى 29 سنه وانسه والرؤيا كانت قبل الفجر
حبيبتى اولا هذا الندل لم يوجد معه تسجيلات او شئ ولكنه كان يهدف ان يستغلك فى شئ ممكن مادى والحمد الله ظهر على حقيقته والامور هتعدى على خير باذن الله وربنا  هيبعد عنك الخوف وهيرزقك بالامان ان شاء الله وخلاص الموضوع عدى على خير لاتخافى والله يرحم والدتك ويغفر لها
المهم يا امى انا والله حاسه بندم وذنب رهييييييييييييب انى كنت على علاقه بيه ومخنوقه جدا
وحلمت ان فى ناس زى عصابه بتجرى ورايا وانا كنت ببص على عماره كانت بعيده شويه بس انا كنت واقفه على سطح بيت واسع جداااااا زى ما يكون اسمنت يعنى سطح بيت مبنى جديد وهو اسمنت ومالوش سور السطح بتاع البيت اللى كنت واقفه عليه وكنت قريبه من مستوى ارتفاع العماره  دى رغم انها بعيد وهى كانت فى وشى بس ماكانتش متشطبه كانت على الطوب الاحمر وكانت خمس ادوار وكنت بدعى واقول يارب اتفضح عشان خالد (اللى هو يعنى بيهددنى ) يكون من نصيبى
بالله عليكى تقوليلى تفسيره ايه ياااااارب يكون خير

حلم رقم 9

جوز اختي حلم انه هو ومراته كانو خارجين وبعد كده مراته كانت عايزه تدخل الحمام وبعد كده شافو بيت قالها تعالي ادخلي فيه الحمام بس البيت ده ماكانش فيه حد ولما مراته دخلت الحمام شافت خفاش بياكل في فار فقامت ندهته قالها افتحي عليه السيفون وهو يموت ولما فتحته راح الخفاش طأر وراهم وهما فضلو يجرو عالسلم ويوطو عشان ما يجيش عليهم وفي الاخر سابهم

جوز اختى ملتزم فى الصلاة الحمدلله واختى بردوا وهما عندهم ولد عنده سنة واربع شهور و بيشتغل ظابط جيش

حلم رقم 9
حلمت ياماما ان اخي الكبير وهو غير متزوج وساكن بفرنسا انو اجى على البيت ومعو صاحبه وانا نازلة من سلم العمارة من فوق لقيتو هو وصاحبه واقفيت على باب العمارة بصيت لقيت باب البيت مفتوح والنور مولع والبيت مكركب وطالعة من البيت ثلاث سحليات يجرو كان اخي جابهم على بيتنا مع كتير كتب وكراسات كانهم تبعو من ايام الدراسة حتى اني فتحت واحد لقيتو مكتوب بالفرنسي بخط جميل وانا كنت مفكرة ان كراستو من الابتدائي بعد شوي اجت امي واختي على البيت قلتلهم شفتو اخي شو عمل جاب سحليات على البيت وخلى باب الشقة مفتوح تلاقي الجيران شافو بيتنا المكركب.