تفسير احلام السبت 8\3\2014 باذن الله

حلم رقم 1

ازيك يا احلى ماما نجية يارب تكوني بخير ان شاءالله انا حلمت بعد صلاة  الفجر  اني كاني فى الشارع بالعب مع كلب صغير اسود كانه الكلب بتاعي  و وبعدين كان فى ناس ستات  مش مصريين كانوا جايين عندنا  البيت عشان يسلموني 2 جوزات سفر لاثنين ستات واحدة منهم اسمها فرح وانا استلمت الجوزات  ومضيت على ورقة الاستلام رغم ان الاول  كنت خايفة منهم و ماكنتش عايزاة افتحلهم الباب  مع العلم اني متدينة الحمدالله وانسة

3
ازيك يا ماما نجية يارب تكوني بخير وسلامة 
الحلم ده لماما  
حلمت انها لابسة فستان رمادي جميل وعليه برونز كتيير وعاملة ميك اب كامل وكانت واقفة بتشتري بوط وبتنقي ما بين بوطين واحد بمبي وواحد رمادي والاتنين بكعب عالي فاشترت البوط الرمادي عشان هيليق مع الفستان اكترولبسته  والكعب كان حوالي عشرة سم بس ماما كانت ماشية بيه زي الريشة   بعدين وماما ماشية في المكان اللي ساكنين فيه بنات خالي وكل الناس اللي هناك احنا نعرفهم بقوا عمالين يبصوا لماما علي جمالها وجمال الفستان وبعدين وهي ماشية الفستان من ورا بلزق فجأة اللزق اتفك فكانت ماشية ورا ماما واحدة جارتها في بيت جدتي وكانت مدارياها   فماما قالتلها اقفلي الفستان بسرعة فقفلته بسرعة ومحدش شاف اي حاجة ولا حد عرف ان الفستان اتفتح
وخلص الحلم علي كدة مع العلم اني انسة

الحلم رقم6      السلام عليكم ورحمة الله وبركاته خالتي نجية نمت البارحة الجمعة اني كنت داهبة الى عرس ابن خالتي الدي في الحفيفة هو على ابواب اجتياز الباكالوريا هذا العام وكان هناك باص ياخذنا الى العرس  وفبل ان ياتي هذا الباص وجدت نفسي على جبل انا ومعي شابين من عصر القديم واحد يقول انه على دين محمد والاخر يقول انا المسيح وكان قصده انه علي دين المسيح فقلت لهما انتم مؤمنون وامسكت الشاب الدي علي دين محمد صلي الله عليه وسلم بيدي اليمين ومسكت الدي على دين المسيح بيدي الشمال وانا كذالك فجات وجدت نفسي عند المفبرة انتصر الباص الدذي ياخدنا الى العرس وعندما رايت المفبرة لم ارد الذهاب ى العرس معهم وبدات اجول في المفبرة ورايت غرف كثير بها نار ونساء فيها معدمهم شابات وكانهم يعاقبون بعد موتهم وبدات فتات منهم تريد ان تدخلني فيها لكنني نجوت من قبضتها وكنت ابسة ثياب الحجاب ابيض من راسي حت قدمين وكاني ملاك كنت انضر اليهم وهم يحترقون وكان قلبي يتقطع لهذا المنضر وفجات خرجت سابة من تلك الغرفة محجبة وقالت لي ان ادعو لها فقلت نعم سوف ادعو الله لك رغم اني لا اعرفك ان يرحمكم جميعا وطلبت من الله اللهم ارحمهم جميعا وكنت ابكي بحرقة شديدة وادعو دعوت لكل من هم هناك ودعوت لوالديا ومن كنو في المبرة ورايت ابي واقفا امامي دعوت له بكل ما ؤوتيت من فوة الله ان يرخمه ويغفر له وقلت له الان صرت كالورقة البيضاء لان دعائي غسله من الدنوب فكنت ابكي وابكي وعاد الباص لنفلي وجدت امراة عجوز تضهر عليها نضرة الوقار فرحة بي على ماكنت اقوم به ورجعت الى العرس وكان قد فاتني قالو لي العرس كان البارحة ولم اجد في البيت مايدل على انه كان هناك عرس واستفقت من انوم محتارة ومتعبة من هول مارايت وفي نفس الوقت مرتاحة ارجوك فسري لي هذا وسلام

الحلم رقم 8
انا حلمت  ان عمتى تعبانة  وان احنا روحنا نزورها ف بيتهم عشان نطمن عليها بس ف الحلم كان بيت عمتى كان  بيت بنت عم بابا  وكان الشارع ضلمة  ومفيش نور خالص وانا كنت مستغربة من كدة جدا اية الضلمة دى يعنى المهم طلعنا عشان نطمن عليهم وبيتهم مش مترتب وكانوا قعدين ف البلكونة وبردوة الدنيا ضلمة   المهم احنا عرفنا عمتى وجوزها واولادها من صوتهم وكنا مش شايفين وشوشهم بسبب الضلمة  اطمنا ع عمتى ونزلنا وروحنا نركب عربيتنا  وكانت العربية راكنة ف جراج قديم  بابا كان بيركن ف قبل ما نعزل  والدنيا كانت ضلمة بردوة  فاحنا واحنا راكبين العربية لقيت جوز عمتى  جايب بنتة ف ايد وابنة ف ايد وجاى نحيتنا وكان لابس قفطان ابيض فبابا قال جاى لية ما احنا لسة نازلين من عندهم هى سيرة  فماما قال اطلع بالعربية وطنشوا ونعمل مش شيفينوا بس مش لاحقنا نطلع بالعربية وكان هو وصلنا يعنى وقعد يكلم مع بابا وماما مرة واحدة المكان اتحول لشقتنا حاليا وبالظبط  اتحول لاوضتى  فكنت انا واخويا اللى اصغر منى  اخويا واقف ع الجامع اللى تحت بيتنا وبيبصلى فوق وانا ع الشباك  فاحنا ف الوقت دة عرفنا ان جوز عمتى جاى ليا ولاخويا  فقولنا عاوزين نهرب منة قيبل ما ييجى فاخويا بيقولى نطى بسعة قبل ما ييجى مش هيحصلك حاجة فانا كنت خايفة فاخويا لما لقانى خايفة كدة  قالى تعالى نبدل انا وانتى وفعلا بدلنا بقة هو ع الشباك وانا تحت ع الجامع فكان المفروض هو ينط قبل ما جوز عمتى ييجى عشان نهرب منة  وانا كنت خايفة علية وحاسة انة هيجرالة حاجة حاولت اول ما ينط  اروح انا مسكاة بايدى عشان مش يقع ع الارض بس معرفتش ووقع ع الجامع لقيت رقبتة اكسرت ومش بينطق  ودماغة بتنزل دم  فانا بصيتلة واتصدمت وقعدت اصوت بس صوتى مش طالع لان صوتى كان راح م الصدمة ومش قادرة  اتكلم عشان مفيش صوت وعمالة اعيط ولاقيت بابا وماما  واخواتى عرفوا الموضوع وبقوا يصوتوا  وفجاءة لقيتة قام عادى وبقة مفهوش حاجة

اخويا هو ف موضوع الجيش هيدخلة ان شاء الله ومرتبط بواحدة  وناوى يقرى فاتحتها قريب وانا انسة

الحلم 9
انا حلمت ان انا واخواتي وبابا وماما روحنا بيت جدتى وكان ف عماتى واولادهم والعيلة يعنى ووسط الزحمة دى لاقيت عمة م عماتى ومعاها بنتها الكبيرة فانا ف الحلم مكلمتهاش ولا هى ولا بنتها الكبيرة وعمتى ليها بنت صغيرة كمان بس مكنتش موجودة ف الحلم علشان بتجيب حاجات المهم مكلمتش بنت عمتى الكبيرة وحاولوا يصالحوا ما بينا لحد ما اتصالحنا بس اتصالحت معاها شكلا بس انما من جوايا لا  فماما عطتنى فلوس انا واختى قالتلى انزلى هاتى حاجات حلوة من الراجل اللى تحت فنزلت انا واختى وجت معانا بنت عمتى الكبيرة واحنا نازلين م سلالم البيت قبلنا بنت عمتى الصغيرة واول ما شفتنا شاورت بايديها كانها بتقول اية اللى جابكم فانا اضيقت وقولتلها اية اللى بتعملى دة فوجئت انها رفعت جزمتها ف وشى  فكنت هتخانق معاها بس اختى وبنت عمتى الكبيرة حشونى عنها فقولت لبنت عمتى اشهدى ع اختك عملت معايا اية عشان لما نجيب الحاجات ونطلع البيت واشتطيها تبقى انتى شاهدة عليها قالتلى ماشى المهم  روحنا عند الراجل اللى بيبيع حلويات فاختى قالتلى قدامك الشيبسيات كلها اختارى فاختر كرانشى بالشطة والليمون  وطلعنا بعد كدة البيت فوجئت بخطيب بنت عمتى الكبيرة كان موجود وفوجئت ان بنت عمتى كانت حامل وجابت ولد قولت ازاى دول لسة مكتوب كتابهم ولا عملوا فرح وكان خطيب بنت عمتى مبسوط بالولد اوى فانا قولتلة حاول تعجل بالفرح  قالى انا هعمل كدة  وفضل شايل الولد وفرحان بى المهم قولتلة ورينى الولد كدة لاقيتة بيبى شكلة حلو وبعد نزلنا نركب عربيتنا وكان معانا خطيب بنت عمتى ركب معانا قدام وكان معاة الولد فقولت لماما قوليلة عاوزة اشيلة والمكان بعد  كدة اتحول  لبيت كنا ف خطيب بنت عمتى معانا وكان معاة ولدين كبار اصحابة ع اساس عريسين ليا ولاختى وقعد يهزر مع ماما وبعد كدة المكان اتحول للمنطقة اللى كنا عايشين فيها قبل ما نعزل وانا وماما  كنا ماشيين فيها فماما قالتلى صاحب ابوكى ف مركز مرموق وعندة ولد خريج هنحاول نقربوا م بعض وتجوزى ومتعارضيش والحلم انتهى وانا بقول ف سرى لو اصغر  منى لا


 بنت عمتى مكتوب كتابها وانا واختى انسات وعلاقتنا بيهم مش حلوة ومقطوعة ومنعرفش خطيبها خالص ولا يعرفنا وهو عندة 29 سنة ف الحلم قالى ندة 28 وبنت عمتى الصغيرة مقرى فتحتها

12

حلمت خير يارب حلم غريب شوية حلمت خير انى بشوف اموات مدفونة تحت التراب وملامح وشها مش باينة اصلا لقيتها بتقول من تحت التراب وبتفتح عنيها وملامحها اللى مش باينة دى بترجع طبيعية ومكتملة تانى وكنت ببص الغريب ومش خايفة اوى وقاعدة بتفرج عليها كده

الحلم رقم13
انا حلمت ان انا كنت بكلم بنت اخو جوز اختى فى الشات على الفيس وبعدين وانا بكلمها لقيت ابن عمها بيتكلم بدلها معى للعلم ابن عمها كان بيحبنى بس دلوقتى كاتب كتابه على وحده تانيه فبعدين كان كاتبلى رساله فيها ان هو بيحبنى بقاله 8 سنين وان هو هيسيب التانيه اخر الشهروهيجى يتقدملى وكلمى كتير وانا لسه كنت هرد عليه بس الحلم خلص  وانا كنت متفجئه ان هو بيكلمنى بدل بنت عمه للعلم هو كان بيحبنى والموضوع منتهى من زمان وهو بيحبنى اكتر من 8 سنين يجى 10 سنين اواكتر فى الحقيقه وانا انسه غير مخطوبه