تفسير احلام السبت 22\3\2014 باذن الله

الحلم رقم ١
مرات خالى يوم الاثنين اللى فات حلمت بيا اننا فى العيد الصغير و ان حماتى مسافره و انى بعاتبهم هى وخالتى الصغيره و بقولهم انتوا مكلتوش من الكحك اللى انا عملته بايدى ده حلو اوى فقالتلى حاضر بس صحت وماكلتش
انا اسمى باسنت ٢٩ سنه و متزوجه ومتوسطه التدين
مرات خالى اسمها جيهان متوسطه التدين و عندها حوالى٣٦ سنه
وخالتى اسمها ايناس عندها ٤٧ سنه و متوسطه التدين
و مكنتش قلقانه او مصليه استخاره

الحلم رقم 4
السلام عليكم يا ماما انا صاحبة الحلم دا
الحلم رقم 3
السلام عليكم يا ماما

بصى انا هقولك كل حاجه انا كنت مرتبطه بواحد واتقدم لاهلى ورفضوه وبعدين اهله خطبوا له واحده غصب عنه المهم يا ماما هو كلمنى وعاوزنى اكتب كتابى عليه من ورا اهلى ويحط الكل قصاد الامر الواقع ولما رفضت بشده هددنى بانه مسجل لى ولما حلفته يسمعنى حاجه رفض بشده وقالى هسمعك كل حاجه قصاد ابوكى وهفضحك فى شغلك وانا يا ماما والله ماقادره انام ابداااا وخايفه يكون مسجلى بجد واتفضح

المهم انا صليت ركعتين حاجه وسالت ربنا يبين لى هو مسجل لى ولا لاء

حلمت حلم تلات اجزاء اول جزء حلمت ان فى بحر اتفتح والميه بتاعته سابت فى المدينه وميته جت شارعنا وعملت مجرايه من اول الشارع قدام كل البيوت عرضها حوالى متر واحنا باب بيتنا كان مفتوح ولقيت ابن اختى عنده 4 سنين اسمه محمد طالع يجرى على الميه فانا خفت عليه يغرق لان الميه محدش كان هيقدر يمشى فيها بدون ما يتبل او لو كان طفل ممكن يغرق وكان مدير الشغل بتاعى وهو مسيحى هو راجل مسن وشعره كله ابيض واقف قصاد الباب جوه بيتنا ولقيت الميه لونها اصفر كأن فيها رمله وكانت بتجرى بسرعه متوسطه وفى القاع سمك تقريبا مش بيتحرك وعلى الوش طافى 3 او 4 سمكات بس هم اقل من اللى فى القاع بكتييييير وانا مسكت واحده منهم كانت كبيره شويه بس هى ماكانتش بتتحرك و لا كانت ريحتها متعفنه بس بالظبط بالظبط كانت زى السمك اللى بنشتريه طازه عشان نطبخه

والجزء التانى اننا كنا مسافرين وشايفه العربيه عليها شيله كتير شنط واكياس كاننا رايحين مصيف او مكان بعيد وانا دخلت اجيب حاجه من على التلاجه وحسيت انى مزنوقه وما دخلتش الحمام دخلت اعملها فى المنور عشان قريب منى وتحت السلم وكدا كدا محدش هيشوفنى  وقعدت على الارض اعمل حمام بس عملت حمام عفوا ميه بس لقيت نفسى بعمل ميه كتييييييييييير وقلت ياه هو انا كنت مزنوقه للدرجه دى ولقيت اختى  جايه عليا  شفتها داخله من الباب واحنا فى العادى عادى يعنى مش بنكسف من بعض بس مادخلتش عليا المنور الجزء دا خلص قبل ما تدخل

الجزء التالت لقيتنى ببص على كوبرى من فوق المفروض كله حديد بس الكوبرى دا كان مقطوم وهم مصلحينه بانهم عاملين الجزء الوسطانى المقطوم من الخشب بس معمول بعنايه جدا كأن الكوبرى كله حته واحده والجزء دا خشب بس كان خشب مش متلون لسه جديد يعنى

بالله عليكى يا ماما بالله عليكى قوليلى مسجل لى ولا لاء

انا عمرى 29 سنه وانسه
حبيبتى الجزء الاول  اولا  اوعى تخفى و تضعفى امامه  وقفى فى وجهه بشدة  فهو شخص ندل  واهلك  على حق عندما رفضوه  هو ميستهلكيش وميستهلش التضحية ومش هيصونك  لانه لم يصن حبك  وثقتك فيه كيد طمعان فيك فى شئ  انهريه بشدة ولا تخافى  فرؤيتك توضح ن فيه خوف وقلق من تجاهك  ونكد  ولكن هتنتصرى ان شاء الله نصركبير وهتعدى الامور بهدوء  اما الجزء الثانى انت شايلة هم تقيل  لكن ربنا هيقضى حاجتك  وهتعدى معك على خير ان شاء الله  اما الجزء التالت انت هتضعفى شوية   وانا بقول لك اوعى تضعفى واوعى تنكسرى فربنا يصلح حالك ان شاء الله  انت عارفة الفضيحة الكبيرة لو كتبتى كتابك  من وراء اهلى اتكسرى ابوك  وامك واخواتك  وهتركبى شخص ندل عليه  اوعى وقفى شامخة امامه  وانهريه وقولى له نجوم السما اقرب لك  وهو مش هيقدر يعمل لك شئ  والله وان عمل هيجد من يؤدبه  لاخافى والله معك

ربنا يريحك يا ماما بالله عليكى انا عاوزه اعرف حاجه هو فعلا مسجل لى ولا لاء؟؟
حبيبتى هو انسان كذاب  وخسيس  لا تخافى مفيش تسجيل ولا شئ   وربنا معك

هو كان مدينى ميعاد محدد لو ما عملتش اللى هو عاوزه هيجى البيت ويفضحنى والميعاد دا عدى الحمد لله وماجاش هو فرحه كمان اخر الاسبوع دا
المهم يا ماما انا كنت بدعى ربنا كتييييييييييييير جداااااااااا انه ينجينى منه وبعدين لما عدى اليوم اللى كان محدده طلبت من ربنا انه يبين لى فى رؤيا بعد ما صليت قضاء حاجه انه يورينى هل الموضوع انتهى وعدى على كدا ولا لا قدر الله هو بيرتب لى بأذى
المهم انا حلمت انى ببص على كوبرى كان قدامى وكنت انا على الارض والكوبرى مكنش كبير كان حجمه متوسط كأنه جسر صغير وكان تحت الكوبرى دا وبيعدى جمبى فى نفس الوقت نهر صغير ميته هاديه ولونها كان واضح زى الميه العاديه بتاعتنا
ولقيتنى راكبه عربيه وقاعده جمبى والدتى الله يرحمها وكان شكلها زى ما تكون بتفكر فى حاجه وساكته كدا
دا معناه ايه يا ماما بالله عليكى
انا عمرى 31 سنه وانسه والرؤيا كانت قبل الفجر

حلم رقم 5 حلمت خير اللهم اجعله خير ان انا مع حدى فى دوله اروبيه وجو مليان تلج وكده مهم ماما كانت عايزه حاجه مش فاكره ايه هى مهم هاروح اجبهالها وزى مكان فاضى زى صحرا بس لونه ابيض من تلج هافضل اجرى اجرى اجرى لغايه ما لاقى بياع هاشترى منه فشار وذره مشوى لماما وهاديله 2جنيه فضه بس حساب هايكون 100يوروا هاقول لنفسى يعنى ناقص 3جنيه علشان حساب يكمل هاقوله خد دول على 2جنيه وهاجبلك باقى امانه فى رقبتى قالى ماشى امانه بس لة ماجبتيش مش مسامح هاقولو ماشى هافضل اجرى اجرى علشان ارجع البت واجيب باقى الفلوس وها ديلوا باقى قلوس بس كده

الحلم رقم 6
اختى حلمت خير انها كان عندها امتحانات وخلصت كل الامتحانات وجاوبت فيها كويس وقالولها انها عندها امتحان فيزياء وبصت فى الجدول لقت  امتحان الفيزياء تانى يوم وهيه مش مذاكره فراحت تسال واحده صحبتها فقالت لها انها معندهاش امتحان فيزياء لان ماده الفيزياء عليها التيرم التانلى فخرجت من عند صحبتها علشان ترجع البيت فكانت الدنيا شتيه والشارع فيه طينه بس هيه كانت بتمشى بعيد عن الطينه مع العلم ان اختى متخرجه من الكليه من كذا سنه 
اختى انسه متوسطه التدين

حلم رقم 7

مرات عمى حلمت لى حلم

ان انا بطنى بتوجعنى وعندى امساك وعمى جايبلى عنب وهيا قالتلى كلى عنب حلو عشان بطنك
والعنب حبايته كانت حلوة اوى وكانت عاملة زى اللولي
ووالدى كان موجود بياكل معايا بردو
وكان في تين كمان بس ماكلناش منه
وبعد كده مرات عمى قعدت تدور عليا لقيتنى نايمة جمب عمى على السرير ورايحين في النوم

عمى في الحقيقة متوفى بقاله سنة
ياترى تفسير الحلم ده ايه وشكرا ياماما نجية

حلم رقم 9

ازيك يا ماما كل سنة وحضرتك طيبة

انا فى واحد اعرفه حلم ان هو فى محل اتواب قماش وفى رفين اتواب بيضة ورف فيه اتواب سودا وكان فى واحد بضهره وهو بيحب الالوان الغامقة ورايح للاتواب السودا فالراجل اللى كان واقف شاورله على الالوان البيضة واداله الابيض وهو بضهره فسال الناس مبن ده قالوله ده سيدنا محمد عليه افضل الصلاة والسلام اداله من الجلايب البيضا فبيبص فيها لاقها مكتوب عليها الحمد و المباركة حاجة زى كدة


هو الحلم كان قبل ما يتجوز و ساعتها كان بيقطع فى الصلاة مش ملتزم ودلوقتى هو متجوز بقاله 5 سنين و عنده ولد و هو ملتزم فى الصلاة الحمدلله  وشغله الحمدلله كويس وفى مشاكل بينه وبين مراته

انا الحمد لله كويسه يا ماما بس مبطله نت شويه من ساعه فش العمليه بتاعتى و الحمد لله
دعواتك