تفسير احلام الاحد 30\3\2014 باذن الله

يابنات لو سمحتو اسماء محتاجه عمليه ضرورى تانى وعندها نزيف ومحتاجين مساعده ياريت الى يقدر يساعد باى شئ يراسلنى او يراسل ماما نجيه وياخد العنوان يبعتلها عليه

لسلام عليكم ورحمة الله وبركاته

تفسير أحلام اليوم ان شاءالله

الحلم الي مش مترقم هايتحذف

رجـــاي الإلتـــــــــــــــــــــزام بالترقـــــــــــــــيم

وحلم واحد لكل عضوة

وربنا يجعله في ميزان حسنات ماما نجية ان شاءالله

حلم رقم 1
ماما نجية انا كان في واحد اتقدملي قبل كده والموضوع ممشيش بسبب اختلافات يعني في الاتفاقات
وغالبا لما حد بيتقدملي الموضوع مبيكلمش الحمد لله علي كل حاجة
المهم انا حلمت ان اللي اتقدملي ده جاب اسرته واهله وجم علشان يتقدمولي وكانوا هما فرحانين اوي واحنا كمان والبيت عندنا بقي مليان ناس واسرتي واهله اعدنا مع بعض وضحكنا وهزرنا وكان يوم حلو ومشيوا بعد كده علي اساس انهم هيدونا الرد وكان واضح انهم مبسوطين جدا بس بعد كده الرد جالنا بان مفيش نصيب واتفاجئنا من كده لانهم كانوا نازلين مبسوطين ومفيش اي حاجة وبعدين انا اعدت اعيط جامد واقول لاختي كل ما حد يتقدم الموضوع مبيكملش ليه مع اني مش وحشة يعني ولا علشان انا مش لفة لو لفة مكنش حصل كده واعدت اعيط جامد
وبعدين لقيت جرس الباب بيرن بفتح لقيت واحد ماسك بتاعة خشبة كده وحاطط فيها دهب كتير اوي وبيقولي دهب مش عايزين دهب وكان معاه ملقاط وبيقربه من عيني حسيت انه عايز يأذيني قفلت الباب وقولتله مش عايزة حاجة وكلمت الامن قولتله انت ازاي تطلع واحد كده من غير ما تقول علشان نقولك نطلع ولا لا والموضوع ده ميتكررش تاني وانتهي الحلم

انا بنت عندى 24 سنه مش مخطوبه ولا متجوزة
ماما حلمت ان فى ناس كتير عندنا فى البيت بس الى كانت مركزه معاها وفكرها كويس كانت مرات عمى
دخل علينا البيت أبن عمى وجايب معاه أربع سمكات مشوين
سمكتين كبار ومفتحوحين وقلبهم أبيض وسمكتين صغيرين بس مش مفتوحين
وماما شافت ان السمك قليل اوى وقالت ده هيقضى مين ولا مين ده يدوب بابا بس الى ياكلهم

ورايحه عشان تحط السمك لبابا عشان ياكله بس مش فاكره أذا كان أكل ولا لا

وبعدين رجعت حلمت حلم تانى ....... ان الصالون المدهب الى عندنا فى البيت ان رجل الكنب كلها متكسره والكنب بايظ خالص

3
ازيك يا ماما نجيه و الله ليكي وحشه. بصي يا ستى انا حلمت حلم النهارده بس لما صحيت مكنتش فاكراه افتكرته بعد كده لما شفت الشي اللي كنت بحلم بيه في الحقيقة و كانى شايه فيلم سينما قدامي.
حلمت ان في الحتة التحتانية من التسريحه اللي في غرفة نومي مكحلتان (هما فعلا عندنا في البيت المكحلتين دول بس المرود بتاع الاتنين ضايعين و مش لاقياهم خالص) في الحلم شوفت المكحلتين وافتكرت ان المرود ضايع وفجاه لقيت واحده منهم و هي معدن على شكل الطاووس (بتاعت ماما الله يرحمها) ، لقيت جنب المكحلة المعدن المرود بتاعها . فرحت انه اخيرا بان وقمت ماسكاه وحطيته في المكحله ودخل و اتعدل خالص واستغربت لانه هو قبل ما يضيع مكنش بيدخل فيها للاخر. وفضلت المكحلة التانيه و هي من الخشب من غير المرود بتاعها.

ده اللي افتكرته لما شفت المكحله المعدن في الحقيقه و على فكره هي مش في اوضتى خالص دي في مكان تانى .
انا انسه مش مرتبطه بس كان متقدم لي عريس الايام اللي فاتت وقعدت واتكلمت معاه بس لم استرح له . وده عمل مشكله بينى و بين الدي وفضل متجنب الكلام معايا كام يوم. بس ده ساب اثر سئ عندي لسه ما رحاش لحد دلوقتى. وعلى فكره العريس كمان ما اتصلش و لا رد علينا والكلام ده داخل اهو على 10 ايام. يا تري الحلم ده اي مغزاه؟؟
تسلميلي يارب

رقم 4
راى رجل انه اصطاد بلبل وادخله منزله في قفص ثم شاهد زوجته تلبس عباءتها امام مجموعة من الرجال الاجانب وكانت محصورة جدا اي تريد التبول اكرمكم الله
ولم يجدوا حلا الا ان ينزلوا لها من السقف انبوب للهواء وقالوا لها انفخي فيه عشر مرات ثم اقض حاجتك وقد كان ذلك ثم راها خرت اي سقطت على الارض من خجلها مما حدث وكان جسدها مختفي تحت العباءة وكانها تحولت الى رميم
الرجل في الخمسينات وهو متقاعد وزوجته متدينة وتعافت من مرض خطير

الحلم رقم (5)

حلمت ان فى راجل جاء عندنا

دخل بيتنا وقال انه عايز يدور على فلوس بتاعته دفنها زمان فى بيتنا

احنا مكناش مصدقينه بس كنا خايفين منه وسيبناه يدور قعد يلف فى البيت وبعد كده اختى جات وقالت انه حدد المكان ولسه هيحفر فأنا قلت لها

كل ده ولسه هيحفر ده انا افتكرته خلص وهيمشى وبعدين الراجل ده راح طلب انه يشوف باب الصالة لان الباب قديم وهو قال ان الباب فيه علامة مهمة لو لقيها فى الباب هيبقى ده المكان اللى هو بيدور عليه وهيحفر فيه وشاف الباب ولقى العلامة فى الباب وبعدين قال لنا انتوا عندكم كنز يتمناه الجميع احنا قعدنا نفكر يا ترى ايه الكنز اللى يتمناه الجميع اختى قالت اسم اخويا

انا قولت لها ازاى يعنى ورجعنا نفكر تانى ومكناش قادرين نعرف وبعدين الراجل بعد ما حدد المكان اللى هيحفر فيه

خرج فى الشارع واخويا دخل واحنا كنا قاعدين فى الاوضة وقافلينها على نفسنا لاننا خايفين من الراجل ده

فأخويا دخل عندنا وسألنا قال لنا الراجل ده دخل عندكم الاوضة قلنا له لا

دى الاوضة الوحيدة اللى مدخلهاش

وبعدين سمعنا صوت طبل واكتشفنا ان الراجل لما خرج فى الشارع جاب طبلة شكلها زى الطبلة بتاعت فرقة الصعيد

وهو الراجل صعيدى كان اسمر ولابس جلابية وعمامة

المهم الراجل ده بدأ يطبل بالطبلة فى الشارع واحنا نستغرب عليه وبعدين جاب ناى وقعد يزمر به لكن مسمعناش صوت الناى

وكان بيلف حول البيت وهو بيعمل كده

قلنا يمكن بيعمل كده علشان يخرج الكنز

وكنا مكسوفين لانه بيعمل كده فى الشارع والناس هتشوفه

انا آنسة وحالتى الدينية متوسطة

واختى آنسة

واخويا عازب

حلم رقم ٦

حلمت اني خرجت من غرفة بفندق كانه متجر للالماس لخالي وكنت ارتدي فستان سهرة احمر ومجوهرات الماس ملفتة للنظر و شكلي كان الاجمل ونزلت من الدرج وجلست لوحدي بالدرج بالحفلة وجاءت بنت خالتي وتكلمت مع بنت تقول لي انها تشتغل بهذا المكان دي جي من زمان وانها مرتاحة وكاني بمدينة نيويورك بالشارع مع هذه الفتاة ثم وجدت قطتي وقط او كلب كبير يطاردها ونا اطلب من قطتي الهرب وكانت البنت غير مهتمة لمساعدتي.
انسة
لا اعمل
عمري 24
الحالة الصحية سيئة
هذا الحلم بعد الرقية

رؤيا رقم 7
امي حلمت بأبي الميت اعطاها حزمة مفاتيح فقالت امي انا رايحة اسكن في حي الكورس او في حي العالية (هادول اسماء احياء بمدينتي العالية والكورس)بعدين قالت كيف راح اركب الباص من هدول الاحياء (لانهم في الحقيقة بعاد كتير) بعدين قالت راح اخلي البيت اللي انا عايشة فيه مابيعه وراح اسكن هناك ببيت اخر
احنا ساكنين ببيت ونفسنا في بيت تاني
معرفش اذا هاد يعني بالرؤيا شيء.

الحلم رقم 8
ازيك يا ماما نجيه يارب تكونى بخير
انا حلمت خير اللهم اجعله خير
ان انا كان تقريبا عيد ميلادى او حفله كنت مع اصحابى فى الشارع ورحنا علشان نغير هدومنا كان فى 3 حمامات فى الشارع علشان البس فستان الحفله دى وبعدين روحت عند بيتى كان اخويا واصحابه تحت البيت طلعت الدور الاول قصاد شقة تيته وعمى كان معايا طفل صغير هو ابن خالى اياد عنده 6 شهور فى الطرقه بين الشقتين كان فى زى ميا عاليه ودافيه مسكت اياد وحطيته فيها نيمته وبقيت عماله اعومه فيها رايحه جايه والميا عماله تقل كل شويه وغسلت راسه بالشامبو وخفت تيجى فى عينه بس طلع مش بيأثر الشامبو والميا فضلت تقل لحد ما خلصت
وبعدين اخويا خده طلعت شقتنا لاقيت ماما اعده ع الارض وفارشه المصليه وكان قدام التلفزيون تقريبا مفتوح القرآن الكريم وفى اديها فلوس اخويا ادهالها سألتها هو احمد خد الولد ونزل قالتلى اه جيت ادخل الحمام عندنا وانا رايحه ع الطرقه الى بتودى ع الحمام لاقيت ظل اسود ع الحيط بيكبر قدامى بقرنين ف انا جريت من الخوف عند ماما واعدت عندها ف بتقولى مش انا قولت هيجى واحنا لوحدنا طلعت اجرى ع البلكونه انادى اخويا وبدأت فى قرآت آية الكرسى قومت من النوم
اسمى نسمه وانسه 24 سنه
ومتوسطة التدين
اخويا اسمه احمد وماماتى اسمها حنان
ااااااااااااااا

عضوة عدد المساهمات : 916 تاريخ التسجيل : 17/07/2011

9

حلمت بعد الفجر على طول منام غريب اوووى خير انى لابسة سدارى رجالى من اللى بتلبس تحت الجلاليب الرجالى ده وزى ما يكون عاينه فيه مسدس اسود كبير وبعدين لقيتنى واقفة قدام مراية الصالون عندنا وبطلع المسدس من جيب السيدارى وبمسكه كده قدام المرايا وبتفرج على نفسى وانا ماسكاه وكان فى نفس الايد اللى مسكاه بيه لابسة دبلة دهب وكانت اليد اليمنى وكنت قاعدة بقا بتفرج على نفسى وانا شايلة السلام بايدى وفى نفس الوقت لابسة فيها دبلة دهب

وبعدها قمت ونمت تانى وشفت خير كأن اختى بتوصلنى لفندق فى الاسماعيلية كده وبتوصلنى لاوضتى فيه فانا كنت ماسكة فيها وبقولها متسيبينيش انا هسكن لوحدى هنا بعيد عنكوا قالتلى ايوه يا ايناس وبعدين ما انتى عندك كل حاجة فيها اهو والاوضة مش ناقصها حاجة وماما هتبقى تجيلك وبعدين لقيت الباب بيخبط فلقيت واحدة بنت وامها بيقولولى بعد اذنك احنا كنا ساكنين قبلك فى الاوضة دى ونسينا حاجات جايين ناخدها فولتلهم اتفضلوا خدوا حاجتكوا فلقيت ام لبنت جاية تسلم عليا وفى ايدها سيجارة كده فقولتلها انتى كده هتحرقينى بالسيجارة دى اطفيها فطفتها وبعدين دخلت تاخد حاجتها هى وبنتها ومشيوا ولقيت بعدها ماما وبابا جايين عندى هما واخويا وبفرجهم على الاوضة بتاعتى والحاجة اللى فيها بس كده

10
الحلم ده لماما
حلمت انها شافت في البيت تعبان طويل جدا لونه دهبي بعدين عملت حاجة فرجعت قالت لازم اعرف التعبان ده فين فلقيته في الريسبشن ماشي علي الكرانيش وبعدين مشي وطلع من الشباك بعدها ماما قفلت الشباك ورجعت تدور لاحسن يكون فيه حاجة تاني فلقت واحد تاني لونه دهبي برضه بس اصغر فقالت لاخواتي حد يديني جذمة بابا عشان اضربه بيها فمحدش اداها حاجة فجابت الجذمة وضربته هي بيها وبقي هي بتضربه بقي ينزل متقطع علي الارض فقالت بعدين التعابين دي بتدخل منين اكيد في مكان بتدخل منه فدورت لقيت في الريسبشن مكان مفتوح جمب العمود فجابت لوح خشب ودقته علي المكان المفتوح وسدته
وخلص الحلم علي كدة

الحلم رقم 11

ماما انا حلمت اني في بيت جدي الله يرحمه في مدينة السلام وان العيلة كلها متجمعة وان في اسود واشبال وذئاب وثعالب مالية الارض وبتاكل الناس وانه زي ما يكون النهاية فانا قلتلهم ان شاء الله مش هيجو جمبنا وتقريبا برة البيت مفيش ناس على وش الارض مستخبيين او ماتو ....والبيت بتاع جدي مكنش زي الحقيقة كان بيت خشب وفي وسط صحراء ومن دور واحد بس وان الابواب والاسقف خشب ومش ماسكة نفسها بالعكس اي خبطة من اسد او تعلب ممكن يفتحهم بسهولة ويدخلو .... فانا بقيت اقفل كل الابواب من كل اتجاه وادخل أمن كل اوضة واقولهم متخافوش متخافوش مش هيجو جمبنا ان شاء الله وانا اصلا جوايا مرعوبة بس معرفش ليه كنت متأكدة انهم مش هيدخلو بس كنت شايلة هم هناكل منين وقعدت اقولهم هناكل حاجات بسيطة عشان منخلصش الاكل وانا هعملكم النظام ودخلت اوضة لقيت اخويا محمد بيقولي فوق وبيشاور على السقف الخشب ....بيقولي فوق فيه ثعلب وقالي انه وقف وتبول على الخشب فالبول نزل على راس محمد اخويا ....قلتله متقلقش مش هيدخل ......وبعد ما نظمت كل حاجة وجوايا خوف فعلا وقلق بس مش ببين ليهم ....اخر اليوم اكتشفنا ان كل الاسود والذئاب والاشبال اختفت والناس ظهرت على وش الارض والحمد لله خلاص مشيو ومعرفش راحو فين ....بس

وفي حلم تاني حلمته قبلها بيوم وكنت قبل ماانام تعبانة اصلا ...حلمت اني لسة تعبانة وان بنت خالي وعمتي اسمها فايزة بنتهم الكبيرة جت عندنا وقاعدة بتذاكر وخالي وعمتي (امها وابوها) موجودين عندنا وانا قلت الواحد نفسيا تعبان ومتضايق وحاسس بقبضة في قلبه ياريت لو نقعد كلنا ونتجمع واتلهي معاهم ...لقيت عمتي قالت لماما احنا هتقعد النهاردة معاكم فانا فرحت اوي ....وماما قالت لخالي احمد ينزل يشتري حاجات لزوم الغدا والبيت ...ولقيت مع عمتي بنت في اللفة عسولة اوي ودمها خفيف بس مرضيتش تلعب مع حد بس قعدت تبص عليا وتلاعبني لوحدها وتضحكلي فاستغربت اشمعنى انا ....بعد كدة قربت منها ولقيتها حطت ايدها على ايدي كأنها بتطبطب عليا او عاوزة تحضني وبتضحكلي ...انا قلت في سري ياااااااااااه ده لمسة طفل بالدنيا كلها وبتنسي الهموم وقلت انا هقوم افتح الفيس بوك بتاعي واكتب كدة ...وكنت حسيت براحة من لمسة البنت دي

انا انسة وبصلي وقبل مانام في اليومين دول صليت استخارة على واحد اعرفه وعرفت انه بيجهز نفسه عشان عاوز يتقدملي

الحلم رقم 12
السلام عليكم ورحمه الله وبركاته
اختى حلمت خير ان شاء الله اننا هننتقل لشقه جديده بس حلوه اوى وكنا لسه بنجهزها علشان ننتقل فيها وفى جزء تانى من الحلم شافت نفسها كان واحد المفروض انه بيعالجها من سحر وانه بيقرا عليها قران بس فى الحلم مسمعتهوش بس هوه المفروض انه بيقرا عليها قران علشان عندها سحر وكانت نيمه على سرير شبه اللى عند الدكاتره وبعدين الراجل ده بيقولها هيه ايه الكرسى بتبدا بايه قالتله الله لا الاه الا هو وبعدين هيه كملت فى سرها حست انها قالتله بدايه اخر ايه فى سوره البقره وبعدين قام هوه مسك شفتها اللى تحت وفتح فيها فتحه من جوه علشان يخرج الدم اللى فيه سحر والمفروض انها راحتله فى الحلم كذا مره علشان تتعالج من السحر وبعدين قامت من على السرير لقت مكتوب على الحيطه ايه الكلرسى فقالت اه ايه الكرسى اولها الله لا اله الا هو وبعدين بصت فلى المرايه لقت الفتحه اللى فتحها فى شفتها منزله دم وانتهى الحلم مع العلم انها فى الحقيقه مش بتعانى من سحر ولا بتروح لحد يعالجها من اى حاجه
اختى انسه

الحلم رقم 13

بابا حلم انه قاعد في مستشفى وهيعمل عملية مش فاكر بالظبط هي ايه (بواسير ولا حاجة في فقرات اسفل الظهر) وان في دكتور جمبه هيعمل عملية وان الدكتور ده كان محمد مرسي وقاعد بيشرح العملية لدكاترة معاه ومعاه شاشة بيشرح عليها وقال لبابا وهو بيشاورله احنا بص هنشيل الجزء الصغير ده ملوش لزمة وهتبقى كويس ومش هيأثر في شيء فبابا قاله ماشي ...وبابا قاله هتعمل العملية امتى راح محمد مرسي قاله دلوقت بس هو كان باين عليه الاجهاد وكان لابس بدلة ...بعدين فجأة قال لبابا طب بص ما نخليها بكرة احسن فبابا قاله احسن وكويس تكون انت ارتحت كمان شوية وبعدين بابا لقى نفسه نايم بنفس الطريقة في المسجد وساند ضهره وكان على بطنه جرنال بابا اخده من محمد مرسي عشان يقراه وكان محمد مرسي بيتكلم في الركن مع واحد لابس جلابية وبس الحلم خلص

في حلم صغير برده لماما حلمت ان معاها بنت صغيرة حوالي سنتين وان اول يوم الدراسة وماما نزلت توديها حضانة في السيدة زينب قبل ما تروح شغلها رغم ان ده مكان بعيد جدااااااااااا عن بيتنا وعن شغل ماما ...وبعدين رجعت من الشغل وكسلت تروح تجيبها وقعدت مكسلة ومتضايقة جدااا في نفس الوقت انها تروح تجيبها وقالت خلاص زمان حد خدها معاه وبكرة ابقى اروح اجيبها ....بس ماما كان قلبها بياكلها على البنت وفي نفس الوقت قاعدة في مكانها ببرود ومتضايقة من برودها ده ....تاني يوم مرحتش برده تجيبها وجت على المغرب ندت على عبد الرحمن اخويا وقالتله روح هناك واسأل شوف هي عند مين انا عاوزاها ومسكوفة اقول اني كسلت ...بص قولهم احنا كان عندنا ظروف وحد كان في المستشفى عشان منظرنا ميبقاش وحش ....راح اخويا ولاقاها فعلا وكلم ماما وقالها لقيتها راحت ماما جريت وراحت شافت ست قاعدة وجوزها نايم على كنبة جمبها ولقت البنت الصغيرة لابسة نضيف وشكلها عسول راحت شكرت الست واتكسفت منها وقالتلها معلش حصل ظروف عندنا وماما فرحت اوي واخدت البنت في حضنها كأنها بنتها واخدتها ومشيت

بابا وماما الحمد لله ملتزمين في الصلاة

عضوة عدد المساهمات : 107 تاريخ التسجيل : 09/08/2011

الحلم رقم 14

حلمت خير ان ابني الصغير عنده 2.5 عنده ضرس مسوس وكنت بلاعبه ولما شوفته مصدقتش بحسب ان في اكل وحاجه في سنانه لكن مسكت الولد وفتحت بقه وشفته واتاكدت انه مسوس

الضرس المسوس ده في فكه السفلي واول ضرس من الشمال

منساعتها وانا خايفه يا رب اجعله خير

15
حلمت اني انا واختي في بيت ناس معرفهمش وصاحب البيت هو شيخ وميت بس انا في بيتهم كنت شايفاه واقف قدامي بعدين الاذان اذن فاتوضينا انا واختي ودخلنا نصلي فانا دخلت في اوضة والاوضة دي كان ليها باب علي الشارع فلقيت باب مفتوح فقلت لمرات الشيخ قالتلي ده كدة معناها ان فيه حاجة هتحصل فقلتلها خلاص انا هصلي ففردت المصلية لقيتها بتطير ومش راضية تتفرد فطلعت اقول لاختي والست دي ففهمت منها ان فيه شئ سئ هيحصل فقلتلها انا هطلع اصلي بره في الشارع فطلعت فلقيت المصلية بتطير برضه وفجأة النور قطع وانا خفت جداا وصحيت مخضوضة جدا
وخلص الحلم علي كدة
ومعلش يا ماما حلمت حلم تاني
حلمت اني في حمام والمفروض انه حمام شقتي وانا كنت بغسل السيراميك بتاع الحمام والمية قطعت وفجأة سمعت صوت المية جت وكانت شديدة وخفت وصحيت لقيت نفسي سامعة صوت المية برضه
وخلص الحلم علي كدة مع العلم اني انسة والاحلام اللي بتخوف دي بتتكرر معايا كتير كل يوم ومش بنام ممكن افضل يومين سهرانة ومش بنام غير 5 دقايق وحضرتك قولتيلي لو بقرأ سورة كتير ابطل وانا فعلا كنت بقرأ يوميا سورة طه وقولتيلي اشغل سورة البقرة شغلتها بس مقدرتش اخد نفسي فبطلت اشغلها تاني
ومعلش يا ماما انا اسفة جدا حابة اقول لحضرتك حاجة برضه
حلمت اني في شقة حد وسامعة صوت طفل بيعيط بس مش شايفاه وبعدها سمعت صوت واحدة بتصرخ جامد في ودني بس مش شايفاها وصحيت مفزوعة لان الصوت كأنه كان جمبي فعلا مش في حلم
وبس كدة انا اسفة جداا للتطويل بس انا مش بنام

حلم 16
ا لسلام عليكم ورحمة الله وبركاتة
انا شفت انى بفتح عينى من النوم وكنت نايمة على جمبى اليمين وايدى تحت خدى وفتحت عينى شفت صاحبتى راندا واقفة امامى ولابسة عباية بيتى وطرحة بنفس لون االعباية وكان لونهم برتقانى بس مش فاقع ومنقوش بلون تانى وتقريبا لون سمنى وكان لبس باين علية انه جديد لكن منقوش بشكل انا مش بحبة فى الحقيقة بس هى كانها فرحانة بية وهى كانت بتبتسم لى اوى فى الرؤيا وكانت كأنها بتلبس الطرحة او بتمم لبسها على جزء من مراية موجودة باودة نومى لان الاودة دى كانها اودتى وكانت بتلبس وتبص على جزء من المراية لان خالتى نوال كانت امامها وكانت هى القريبة من المراية جدا وبرضة كانت بتشوف نفسها ولبسها وكدة على المراية

خالتى نوال: انا بحبها جدا وهى ديما بيبقى نفسها تعمل عمرة او حج ومش بشوفها كتير لكن بتيجى فى بالى كتير انى نفسى ازورها ربنا ينولنى رضاها
صاحبتى راندا : برضة ليها هدف لنها عايزة تحج وهى الحمدلله حالتها كويسة بس مريضة وبدعيلها كتير بالشفاء لكن جت فترة كنت واخدة فى نفسى منها شوية ..الله يكرمها ويشفيها
الاودة بالمنام : كانت على اساس انها اودتى لكن مش هى اودتى الحقيقية وكانت اودة نظام اوروبى بس جميل وبسيط و مفيهوش زخرفة وعملية وانا بحب النظام دة وانا كنت نايمة على سرير الاودة

ميما كتب:: حلم رقم 1
ماما نجية انا كان في واحد اتقدملي قبل كده والموضوع ممشيش بسبب اختلافات يعني في الاتفاقات
وغالبا لما حد بيتقدملي الموضوع مبيكلمش الحمد لله علي كل حاجة
المهم انا حلمت ان اللي اتقدملي ده جاب اسرته واهله وجم علشان يتقدمولي وكانوا هما فرحانين اوي واحنا كمان والبيت عندنا بقي مليان ناس واسرتي واهله اعدنا مع بعض وضحكنا وهزرنا وكان يوم حلو ومشيوا بعد كده علي اساس انهم هيدونا الرد وكان واضح انهم مبسوطين جدا بس بعد كده الرد جالنا بان مفيش نصيب واتفاجئنا من كده لانهم كانوا نازلين مبسوطين ومفيش اي حاجة وبعدين انا اعدت اعيط جامد واقول لاختي كل ما حد يتقدم الموضوع مبيكملش ليه مع اني مش وحشة يعني ولا علشان انا مش لفة لو لفة مكنش حصل كده واعدت اعيط جامد
وبعدين لقيت جرس الباب بيرن بفتح لقيت واحد ماسك بتاعة خشبة كده وحاطط فيها دهب كتير اوي وبيقولي دهب مش عايزين دهب وكان معاه ملقاط وبيقربه من عيني حسيت انه عايز يأذيني قفلت الباب وقولتله مش عايزة حاجة وكلمت الامن قولتله انت ازاي تطلع واحد كده من غير ما تقول علشان نقولك نطلع ولا لا والموضوع ده ميتكررش تاني وانتهي الحلم

حبيبتى اولا كل شئ نصيب وان شاء الله ربنا هيرزقك احسن منه بس مطلوب منك الصبر والله يسعدك

zahraaaa كتب:: انا بنت عندى 24 سنه مش مخطوبه ولا متجوزة
ماما حلمت ان فى ناس كتير عندنا فى البيت بس الى كانت مركزه معاها وفكرها كويس كانت مرات عمى
دخل علينا البيت أبن عمى وجايب معاه أربع سمكات مشوين
سمكتين كبار ومفتحوحين وقلبهم أبيض وسمكتين صغيرين بس مش مفتوحين
وماما شافت ان السمك قليل اوى وقالت ده هيقضى مين ولا مين ده يدوب بابا بس الى ياكلهم

ورايحه عشان تحط السمك لبابا عشان ياكله بس مش فاكره أذا كان أكل ولا لا

وبعدين رجعت حلمت حلم تانى ....... ان الصالون المدهب الى عندنا فى البيت ان رجل الكنب كلها متكسره والكنب بايظ خالص

حبيبتى فيه عريس سوف ياتيك عن طريق ابن عمك بس والدتك هتتردد شوية اما التانى استعيذى منه

ronyrosa كتب:: 3
ازيك يا ماما نجيه و الله ليكي وحشه. بصي يا ستى انا حلمت حلم النهارده بس لما صحيت مكنتش فاكراه افتكرته بعد كده لما شفت الشي اللي كنت بحلم بيه في الحقيقة و كانى شايه فيلم سينما قدامي.
حلمت ان في الحتة التحتانية من التسريحه اللي في غرفة نومي مكحلتان (هما فعلا عندنا في البيت المكحلتين دول بس المرود بتاع الاتنين ضايعين و مش لاقياهم خالص) في الحلم شوفت المكحلتين وافتكرت ان المرود ضايع وفجاه لقيت واحده منهم و هي معدن على شكل الطاووس (بتاعت ماما الله يرحمها) ، لقيت جنب المكحلة المعدن المرود بتاعها . فرحت انه اخيرا بان وقمت ماسكاه وحطيته في المكحله ودخل و اتعدل خالص واستغربت لانه هو قبل ما يضيع مكنش بيدخل فيها للاخر. وفضلت المكحلة التانيه و هي من الخشب من غير المرود بتاعها.

ده اللي افتكرته لما شفت المكحله المعدن في الحقيقه و على فكره هي مش في اوضتى خالص دي في مكان تانى .
انا انسه مش مرتبطه بس كان متقدم لي عريس الايام اللي فاتت وقعدت واتكلمت معاه بس لم استرح له . وده عمل مشكله بينى و بين الدي وفضل متجنب الكلام معايا كام يوم. بس ده ساب اثر سئ عندي لسه ما رحاش لحد دلوقتى. وعلى فكره العريس كمان ما اتصلش و لا رد علينا والكلام ده داخل اهو على 10 ايام. يا تري الحلم ده اي مغزاه؟؟
تسلميلي يارب

حبيبتى الف شكر لك والله يرحم والدتك حبيبتى فيه عريس اخر سوف يتقدم لك وانت هتفرحى به كثيرا ان شاء الله اما الثانى فراح لحاله والله يسعدك

maimoonah كتب:: رقم 4
راى رجل انه اصطاد بلبل وادخله منزله في قفص ثم شاهد زوجته تلبس عباءتها امام مجموعة من الرجال الاجانب وكانت محصورة جدا اي تريد التبول اكرمكم الله
ولم يجدوا حلا الا ان ينزلوا لها من السقف انبوب للهواء وقالوا لها انفخي فيه عشر مرات ثم اقض حاجتك وقد كان ذلك ثم راها خرت اي سقطت على الارض من خجلها مما حدث وكان جسدها مختفي تحت العباءة وكانها تحولت الى رميم
الرجل في الخمسينات وهو متقاعد وزوجته متدينة وتعافت من مرض خطير

استعيذى بالله من الشيطان الرجيم

toto كتب:: الحلم رقم (5)

حلمت ان فى راجل جاء عندنا
دخل بيتنا وقال انه عايز يدور على فلوس بتاعته دفنها زمان فى بيتنا
احنا مكناش مصدقينه بس كنا خايفين منه وسيبناه يدور قعد يلف فى البيت وبعد كده اختى جات وقالت انه حدد المكان ولسه هيحفر فأنا قلت لها
كل ده ولسه هيحفر ده انا افتكرته خلص وهيمشى وبعدين الراجل ده راح طلب انه يشوف باب الصالة لان الباب قديم وهو قال ان الباب فيه علامة مهمة لو لقيها فى الباب هيبقى ده المكان اللى هو بيدور عليه وهيحفر فيه وشاف الباب ولقى العلامة فى الباب وبعدين قال لنا انتوا عندكم كنز يتمناه الجميع احنا قعدنا نفكر يا ترى ايه الكنز اللى يتمناه الجميع اختى قالت اسم اخويا
انا قولت لها ازاى يعنى ورجعنا نفكر تانى ومكناش قادرين نعرف وبعدين الراجل بعد ما حدد المكان اللى هيحفر فيه
خرج فى الشارع واخويا دخل واحنا كنا قاعدين فى الاوضة وقافلينها على نفسنا لاننا خايفين من الراجل ده
فأخويا دخل عندنا وسألنا قال لنا الراجل ده دخل عندكم الاوضة قلنا له لا
دى الاوضة الوحيدة اللى مدخلهاش
وبعدين سمعنا صوت طبل واكتشفنا ان الراجل لما خرج فى الشارع جاب طبلة شكلها زى الطبلة بتاعت فرقة الصعيد
وهو الراجل صعيدى كان اسمر ولابس جلابية وعمامة
المهم الراجل ده بدأ يطبل بالطبلة فى الشارع واحنا نستغرب عليه وبعدين جاب ناى وقعد يزمر به لكن مسمعناش صوت الناى
وكان بيلف حول البيت وهو بيعمل كده
قلنا يمكن بيعمل كده علشان يخرج الكنز
وكنا مكسوفين لانه بيعمل كده فى الشارع والناس هتشوفه
انا آنسة وحالتى الدينية متوسطة
واختى آنسة
واخويا عازب

اطغاث احلام

فرفوشة روشة كتب:: حلم رقم ٦

حلمت اني خرجت من غرفة بفندق كانه متجر للالماس لخالي وكنت ارتدي فستان سهرة احمر ومجوهرات الماس ملفتة للنظر و شكلي كان الاجمل ونزلت من الدرج وجلست لوحدي بالدرج بالحفلة وجاءت بنت خالتي وتكلمت مع بنت تقول لي انها تشتغل بهذا المكان دي جي من زمان وانها مرتاحة وكاني بمدينة نيويورك بالشارع مع هذه الفتاة ثم وجدت قطتي وقط او كلب كبير يطاردها ونا اطلب من قطتي الهرب وكانت البنت غير مهتمة لمساعدتي.
انسة
لا اعمل
عمري 24
الحالة الصحية سيئة
هذا الحلم بعد الرقية

حبيبتى كررى الرقية الشرعية لمدة 7 ايام وان شاء الله هتكونى بخير

لجين كتب:: رؤيا رقم 7
امي حلمت بأبي الميت اعطاها حزمة مفاتيح فقالت امي انا رايحة اسكن في حي الكورس او في حي العالية (هادول اسماء احياء بمدينتي العالية والكورس)بعدين قالت كيف راح اركب الباص من هدول الاحياء (لانهم في الحقيقة بعاد كتير) بعدين قالت راح اخلي البيت اللي انا عايشة فيه مابيعه وراح اسكن هناك ببيت اخر
احنا ساكنين ببيت ونفسنا في بيت تاني
معرفش اذا هاد يعني بالرؤيا شيء.

حبيبتى ان شاء الله ربنا هيفتح لكم باب خير وهتجدوا بيت جميل ان شاء الله

نونا خالد كتب:: الحلم رقم 8
ازيك يا ماما نجيه يارب تكونى بخير
انا حلمت خير اللهم اجعله خير
ان انا كان تقريبا عيد ميلادى او حفله كنت مع اصحابى فى الشارع ورحنا علشان نغير هدومنا كان فى 3 حمامات فى الشارع علشان البس فستان الحفله دى وبعدين روحت عند بيتى كان اخويا واصحابه تحت البيت طلعت الدور الاول قصاد شقة تيته وعمى كان معايا طفل صغير هو ابن خالى اياد عنده 6 شهور فى الطرقه بين الشقتين كان فى زى ميا عاليه ودافيه مسكت اياد وحطيته فيها نيمته وبقيت عماله اعومه فيها رايحه جايه والميا عماله تقل كل شويه وغسلت راسه بالشامبو وخفت تيجى فى عينه بس طلع مش بيأثر الشامبو والميا فضلت تقل لحد ما خلصت
وبعدين اخويا خده طلعت شقتنا لاقيت ماما اعده ع الارض وفارشه المصليه وكان قدام التلفزيون تقريبا مفتوح القرآن الكريم وفى اديها فلوس اخويا ادهالها سألتها هو احمد خد الولد ونزل قالتلى اه جيت ادخل الحمام عندنا وانا رايحه ع الطرقه الى بتودى ع الحمام لاقيت ظل اسود ع الحيط بيكبر قدامى بقرنين ف انا جريت من الخوف عند ماما واعدت عندها ف بتقولى مش انا قولت هيجى واحنا لوحدنا طلعت اجرى ع البلكونه انادى اخويا وبدأت فى قرآت آية الكرسى قومت من النوم
اسمى نسمه وانسه 24 سنه
ومتوسطة التدين
اخويا اسمه احمد وماماتى اسمها حنان

حبيبتى انت محتارة فى امر وعندك نكد ولكن ربنا هيبعد عنك تلك النكد والحيرة وفيه فرحة قريبة لك انشاء الله وعليك بقراءة اية الكرسى باعداد كبيرة يوميا والله يسعدك

ايناس انوسه كتب:: 9

حلمت بعد الفجر على طول منام غريب اوووى خير انى لابسة سدارى رجالى من اللى بتلبس تحت الجلاليب الرجالى ده وزى ما يكون عاينه فيه مسدس اسود كبير وبعدين لقيتنى واقفة قدام مراية الصالون عندنا وبطلع المسدس من جيب السيدارى وبمسكه كده قدام المرايا وبتفرج على نفسى وانا ماسكاه وكان فى نفس الايد اللى مسكاه بيه لابسة دبلة دهب وكانت اليد اليمنى وكنت قاعدة بقا بتفرج على نفسى وانا شايلة السلام بايدى وفى نفس الوقت لابسة فيها دبلة دهب

وبعدها قمت ونمت تانى وشفت خير كأن اختى بتوصلنى لفندق فى الاسماعيلية كده وبتوصلنى لاوضتى فيه فانا كنت ماسكة فيها وبقولها متسيبينيش انا هسكن لوحدى هنا بعيد عنكوا قالتلى ايوه يا ايناس وبعدين ما انتى عندك كل حاجة فيها اهو والاوضة مش ناقصها حاجة وماما هتبقى تجيلك وبعدين لقيت الباب بيخبط فلقيت واحدة بنت وامها بيقولولى بعد اذنك احنا كنا ساكنين قبلك فى الاوضة دى ونسينا حاجات جايين ناخدها فولتلهم اتفضلوا خدوا حاجتكوا فلقيت ام لبنت جاية تسلم عليا وفى ايدها سيجارة كده فقولتلها انتى كده هتحرقينى بالسيجارة دى اطفيها فطفتها وبعدين دخلت تاخد حاجتها هى وبنتها ومشيوا ولقيت بعدها ماما وبابا جايين عندى هما واخويا وبفرجهم على الاوضة بتاعتى والحاجة اللى فيها بس كده

حبيبتى ان شاء الله هتزدادى قوة وهتنتصرى على عدوك وفيه خطوبة قريبة لك ان شاء الله اما التانى ان شاء الله تفرجيهم على شقتك الجديدة باذن الله

المتفائلة دائما كتب:: 10
الحلم ده لماما
حلمت انها شافت في البيت تعبان طويل جدا لونه دهبي بعدين عملت حاجة فرجعت قالت لازم اعرف التعبان ده فين فلقيته في الريسبشن ماشي علي الكرانيش وبعدين مشي وطلع من الشباك بعدها ماما قفلت الشباك ورجعت تدور لاحسن يكون فيه حاجة تاني فلقت واحد تاني لونه دهبي برضه بس اصغر فقالت لاخواتي حد يديني جذمة بابا عشان اضربه بيها فمحدش اداها حاجة فجابت الجذمة وضربته هي بيها وبقي هي بتضربه بقي ينزل متقطع علي الارض فقالت بعدين التعابين دي بتدخل منين اكيد في مكان بتدخل منه فدورت لقيت في الريسبشن مكان مفتوح جمب العمود فجابت لوح خشب ودقته علي المكان المفتوح وسدته
وخلص الحلم علي كدة

حبيبتى فيه اعداء لكم لكن ماما هتنتصر عليهم وهتقفل باب بينها وبين من يعاديها

hayat كتب:: الحلم رقم 11

ماما انا حلمت اني في بيت جدي الله يرحمه في مدينة السلام وان العيلة كلها متجمعة وان في اسود واشبال وذئاب وثعالب مالية الارض وبتاكل الناس وانه زي ما يكون النهاية فانا قلتلهم ان شاء الله مش هيجو جمبنا وتقريبا برة البيت مفيش ناس على وش الارض مستخبيين او ماتو ....والبيت بتاع جدي مكنش زي الحقيقة كان بيت خشب وفي وسط صحراء ومن دور واحد بس وان الابواب والاسقف خشب ومش ماسكة نفسها بالعكس اي خبطة من اسد او تعلب ممكن يفتحهم بسهولة ويدخلو .... فانا بقيت اقفل كل الابواب من كل اتجاه وادخل أمن كل اوضة واقولهم متخافوش متخافوش مش هيجو جمبنا ان شاء الله وانا اصلا جوايا مرعوبة بس معرفش ليه كنت متأكدة انهم مش هيدخلو بس كنت شايلة هم هناكل منين وقعدت اقولهم هناكل حاجات بسيطة عشان منخلصش الاكل وانا هعملكم النظام ودخلت اوضة لقيت اخويا محمد بيقولي فوق وبيشاور على السقف الخشب ....بيقولي فوق فيه ثعلب وقالي انه وقف وتبول على الخشب فالبول نزل على راس محمد اخويا ....قلتله متقلقش مش هيدخل ......وبعد ما نظمت كل حاجة وجوايا خوف فعلا وقلق بس مش ببين ليهم ....اخر اليوم اكتشفنا ان كل الاسود والذئاب والاشبال اختفت والناس ظهرت على وش الارض والحمد لله خلاص مشيو ومعرفش راحو فين ....بس

وفي حلم تاني حلمته قبلها بيوم وكنت قبل ماانام تعبانة اصلا ...حلمت اني لسة تعبانة وان بنت خالي وعمتي اسمها فايزة بنتهم الكبيرة جت عندنا وقاعدة بتذاكر وخالي وعمتي (امها وابوها) موجودين عندنا وانا قلت الواحد نفسيا تعبان ومتضايق وحاسس بقبضة في قلبه ياريت لو نقعد كلنا ونتجمع واتلهي معاهم ...لقيت عمتي قالت لماما احنا هتقعد النهاردة معاكم فانا فرحت اوي ....وماما قالت لخالي احمد ينزل يشتري حاجات لزوم الغدا والبيت ...ولقيت مع عمتي بنت في اللفة عسولة اوي ودمها خفيف بس مرضيتش تلعب مع حد بس قعدت تبص عليا وتلاعبني لوحدها وتضحكلي فاستغربت اشمعنى انا ....بعد كدة قربت منها ولقيتها حطت ايدها على ايدي كأنها بتطبطب عليا او عاوزة تحضني وبتضحكلي ...انا قلت في سري ياااااااااااه ده لمسة طفل بالدنيا كلها وبتنسي الهموم وقلت انا هقوم افتح الفيس بوك بتاعي واكتب كدة ...وكنت حسيت براحة من لمسة البنت دي

انا انسة وبصلي وقبل مانام في اليومين دول صليت استخارة على واحد اعرفه وعرفت انه بيجهز نفسه عشان عاوز يتقدملي

حبيبتى فيه اعداء كثيرة ممكن يكون حلمك بيتكلم عما يحدث تلك الايام فى البلد ولكن ربنا هيستر وهيحمى مصر باذن الله اما الثانى فهو خاص بالاسخارة وطبعا جميل ان شاء الله وفيه تجمع عائلى فى خير وفيه دنيا جميلة وجديدة ورزق من حيث لاتحتسبى باذن الله والله يوفقك

اليقن بالله كتب:: الحلم رقم 12
السلام عليكم ورحمه الله وبركاته
اختى حلمت خير ان شاء الله اننا هننتقل لشقه جديده بس حلوه اوى وكنا لسه بنجهزها علشان ننتقل فيها وفى جزء تانى من الحلم شافت نفسها كان واحد المفروض انه بيعالجها من سحر وانه بيقرا عليها قران بس فى الحلم مسمعتهوش بس هوه المفروض انه بيقرا عليها قران علشان عندها سحر وكانت نيمه على سرير شبه اللى عند الدكاتره وبعدين الراجل ده بيقولها هيه ايه الكرسى بتبدا بايه قالتله الله لا الاه الا هو وبعدين هيه كملت فى سرها حست انها قالتله بدايه اخر ايه فى سوره البقره وبعدين قام هوه مسك شفتها اللى تحت وفتح فيها فتحه من جوه علشان يخرج الدم اللى فيه سحر والمفروض انها راحتله فى الحلم كذا مره علشان تتعالج من السحر وبعدين قامت من على السرير لقت مكتوب على الحيطه ايه الكلرسى فقالت اه ايه الكرسى اولها الله لا اله الا هو وبعدين بصت فلى المرايه لقت الفتحه اللى فتحها فى شفتها منزله دم وانتهى الحلم مع العلم انها فى الحقيقه مش بتعانى من سحر ولا بتروح لحد يعالجها من اى حاجه
اختى انسه

فسد الحلم بوجود الدم

meckey mahmoud كتب:: الحلم رقم 13

بابا حلم انه قاعد في مستشفى وهيعمل عملية مش فاكر بالظبط هي ايه (بواسير ولا حاجة في فقرات اسفل الظهر) وان في دكتور جمبه هيعمل عملية وان الدكتور ده كان محمد مرسي وقاعد بيشرح العملية لدكاترة معاه ومعاه شاشة بيشرح عليها وقال لبابا وهو بيشاورله احنا بص هنشيل الجزء الصغير ده ملوش لزمة وهتبقى كويس ومش هيأثر في شيء فبابا قاله ماشي ...وبابا قاله هتعمل العملية امتى راح محمد مرسي قاله دلوقت بس هو كان باين عليه الاجهاد وكان لابس بدلة ...بعدين فجأة قال لبابا طب بص ما نخليها بكرة احسن فبابا قاله احسن وكويس تكون انت ارتحت كمان شوية وبعدين بابا لقى نفسه نايم بنفس الطريقة في المسجد وساند ضهره وكان على بطنه جرنال بابا اخده من محمد مرسي عشان يقراه وكان محمد مرسي بيتكلم في الركن مع واحد لابس جلابية وبس الحلم خلص

في حلم صغير برده لماما حلمت ان معاها بنت صغيرة حوالي سنتين وان اول يوم الدراسة وماما نزلت توديها حضانة في السيدة زينب قبل ما تروح شغلها رغم ان ده مكان بعيد جدااااااااااا عن بيتنا وعن شغل ماما ...وبعدين رجعت من الشغل وكسلت تروح تجيبها وقعدت مكسلة ومتضايقة جدااا في نفس الوقت انها تروح تجيبها وقالت خلاص زمان حد خدها معاه وبكرة ابقى اروح اجيبها ....بس ماما كان قلبها بياكلها على البنت وفي نفس الوقت قاعدة في مكانها ببرود ومتضايقة من برودها ده ....تاني يوم مرحتش برده تجيبها وجت على المغرب ندت على عبد الرحمن اخويا وقالتله روح هناك واسأل شوف هي عند مين انا عاوزاها ومسكوفة اقول اني كسلت ...بص قولهم احنا كان عندنا ظروف وحد كان في المستشفى عشان منظرنا ميبقاش وحش ....راح اخويا ولاقاها فعلا وكلم ماما وقالها لقيتها راحت ماما جريت وراحت شافت ست قاعدة وجوزها نايم على كنبة جمبها ولقت البنت الصغيرة لابسة نضيف وشكلها عسول راحت شكرت الست واتكسفت منها وقالتلها معلش حصل ظروف عندنا وماما فرحت اوي واخدت البنت في حضنها كأنها بنتها واخدتها ومشيت

بابا وماما الحمد لله ملتزمين في الصلاة

حبيبتى بابا هيتقرب الى الله اكثر وهيعلوا قدره باذن الله وهيرقى فى عمله وفيه خبر حلو هيسمعه ان شاء الله اما التانى فيه رزق لماما وهتسيبه شوية لكن هتفكر فيه مرة اخرى وهتبحث عنه وان شاء الله هتتمسك به والله يبارك لها

داليا سمير كتب:: الحلم رقم 14
حلمت خير ان ابني الصغير عنده 2.5 عنده ضرس مسوس وكنت بلاعبه ولما شوفته مصدقتش بحسب ان في اكل وحاجه في سنانه لكن مسكت الولد وفتحت بقه وشفته واتاكدت انه مسوس
الضرس المسوس ده في فكه السفلي واول ضرس من الشمال
منساعتها وانا خايفه يا رب اجعله خير

حبيبتى لاتخافى ففيه عيب فى اهل البيت وربنا يصلح الاحوال

يارب خير يارب كتب:: 15
حلمت اني انا واختي في بيت ناس معرفهمش وصاحب البيت هو شيخ وميت بس انا في بيتهم كنت شايفاه واقف قدامي بعدين الاذان اذن فاتوضينا انا واختي ودخلنا نصلي فانا دخلت في اوضة والاوضة دي كان ليها باب علي الشارع فلقيت باب مفتوح فقلت لمرات الشيخ قالتلي ده كدة معناها ان فيه حاجة هتحصل فقلتلها خلاص انا هصلي ففردت المصلية لقيتها بتطير ومش راضية تتفرد فطلعت اقول لاختي والست دي ففهمت منها ان فيه شئ سئ هيحصل فقلتلها انا هطلع اصلي بره في الشارع فطلعت فلقيت المصلية بتطير برضه وفجأة النور قطع وانا خفت جداا وصحيت مخضوضة جدا
وخلص الحلم علي كدة
ومعلش يا ماما حلمت حلم تاني
حلمت اني في حمام والمفروض انه حمام شقتي وانا كنت بغسل السيراميك بتاع الحمام والمية قطعت وفجأة سمعت صوت المية جت وكانت شديدة وخفت وصحيت لقيت نفسي سامعة صوت المية برضه
وخلص الحلم علي كدة مع العلم اني انسة والاحلام اللي بتخوف دي بتتكرر معايا كتير كل يوم ومش بنام ممكن افضل يومين سهرانة ومش بنام غير 5 دقايق وحضرتك قولتيلي لو بقرأ سورة كتير ابطل وانا فعلا كنت بقرأ يوميا سورة طه وقولتيلي اشغل سورة البقرة شغلتها بس مقدرتش اخد نفسي فبطلت اشغلها تاني
ومعلش يا ماما انا اسفة جدا حابة اقول لحضرتك حاجة برضه
حلمت اني في شقة حد وسامعة صوت طفل بيعيط بس مش شايفاه وبعدها سمعت صوت واحدة بتصرخ جامد في ودني بس مش شايفاها وصحيت مفزوعة لان الصوت كأنه كان جمبي فعلا مش في حلم
وبس كدة انا اسفة جداا للتطويل بس انا مش بنام

حبيبتى استعيذى من تلك الرؤيا اما التانى جميل فيه رزق لك قفل بابه بس هيرجع تانى ان شاء الله اما التالت اقرئ الرقية الشرعية على ماء واشربى منه وامسحى جسمك بالباقى لمدة 7 ايام

عائشة كتب:: حلم 16
ا لسلام عليكم ورحمة الله وبركاتة
انا شفت انى بفتح عينى من النوم وكنت نايمة على جمبى اليمين وايدى تحت خدى وفتحت عينى شفت صاحبتى راندا واقفة امامى ولابسة عباية بيتى وطرحة بنفس لون االعباية وكان لونهم برتقانى بس مش فاقع ومنقوش بلون تانى وتقريبا لون سمنى وكان لبس باين علية انه جديد لكن منقوش بشكل انا مش بحبة فى الحقيقة بس هى كانها فرحانة بية وهى كانت بتبتسم لى اوى فى الرؤيا وكانت كأنها بتلبس الطرحة او بتمم لبسها على جزء من مراية موجودة باودة نومى لان الاودة دى كانها اودتى وكانت بتلبس وتبص على جزء من المراية لان خالتى نوال كانت امامها وكانت هى القريبة من المراية جدا وبرضة كانت بتشوف نفسها ولبسها وكدة على المراية

خالتى نوال: انا بحبها جدا وهى ديما بيبقى نفسها تعمل عمرة او حج ومش بشوفها كتير لكن بتيجى فى بالى كتير انى نفسى ازورها ربنا ينولنى رضاها
صاحبتى راندا : برضة ليها هدف لنها عايزة تحج وهى الحمدلله حالتها كويسة بس مريضة وبدعيلها كتير بالشفاء لكن جت فترة كنت واخدة فى نفسى منها شوية ..الله يكرمها ويشفيها
الاودة بالمنام : كانت على اساس انها اودتى لكن مش هى اودتى الحقيقية وكانت اودة نظام اوروبى بس جميل وبسيط و مفيهوش زخرفة وعملية وانا بحب النظام دة وانا كنت نايمة على سرير الاودة

حبيبتى راندا ربنا هيسترها معها وهتزور الحرمين ان شاء الله وهينصلح حالها معك اما خالت نوال ربنا هيحقق اما نيها باذن الله وربنا يريح قلبك

» تفسير احلام الاحد 12\1\2014 باذن الله
» تفسير احلام الاحد 25\5\2014 باذن الله
» تفسير احلام الاحد 23\3\2014 باذن الله
» تفسير احلام الاحد 6\7\2014 باذن الله
» تفسير احلام الاحد 11\5\2014 باذن الله