تفسير احلام الاحد 6\7\2014 باذن الله

حلم رقم 2
أتمنى تفسريلي حلمي يا ماما نجية أنا كتبت امبارح احلام يوم السبت اني هبعته على الخاص وبعته لان فيها حاجات خاصة مينفعش احكيها على العام وحضرتك مش رديتي عليه بالرسالة اتمنى تفسريه وتبعتي لي التفسير الله يباركلك في رسالة لأني قلقانة

السلام عليكم ياماما نجية

انا بعت للعضوة الحمدلله على الخاص بخصوص اسماء

عشان اعرف رقم الموبيل بس للاسف مردتش عليا

في انتظار رد حضرتك

الحلم رقم ٥
السلام عليكم ورحمه الله وبركاته
كل سنه وحضرتك بالف خير. وسعاده يااااااارب

انا حلمت امبارح انى كنت موجوده فى مكان زى مصلحه حكوميه انا وجوزى وقابلت هناك واحده صاحبتى بقالى سنين مقبلتهاش اسمها يسرا
سلمت عليها وسالتها على احوالها ومعاها اولاد ايه دلوقتى قالتلى معايا بنتين اسمهم يمن ويسر وولد اسمه يوجينا تقريبا مش فاكرة الاسم اوى بس هى لما سالتها يعنى ايه قالتلى انه اسمه سيدنا يوشع
وتقريبا كان فيه حاله وفاه من زمايلهم وكانت لابسه الوان خامقه شويه وبتسالنى ايه رايك لايقين على بعض ولا لا قولتلها اللون الاسود على الجاكيت هيبقى احلى
قالتلى طيب ايه رايك فى اللون البيج عليه وقولتلها هيبقى حلو بس لما حاله الوفاه يفوت عليها وقت شويه
وجت واحده من زمايلها فرحها قريب سلمت علينا وقالت ان اسمها هدير على اسمى وسلمت على زمايلها فى الشغل وخدت منهم فلوس زى نقطه فرحها يعنى وجت عندى وبتمد ايدها بهزار علشان اديها نقطه انا كمان بس كانت بتهزر
ضحكت وقولتلها رينا يكملك على خير ويفرحك ضحكتلى ودعيتلى ربنا يحققلى اللى بتمناه

وخلص الحلم على كده
انا اخويا عامل حادثه كبيره فى رجله ودايما منكده وبعيط وخايفه عليه تسببله اعاقه
وقبل منام كنت مصليه الفجر وقاريه قران وداعيه ربنا كتير وانا ببكى انه يشفيه
على فكرة انا مكتوب كتابى
وربنا يجازيكى كل خير ياااااااارب

الحلم رقم ( 6 )
الحلم ده لاخويا يا ماما نجيه
حلمت أني رايح اصلي الجمعة فدخلت المسجد وقعدت فجأه لقيت الناس بدأت تقوم وتمشي من المسجد والشيخ بيخطب فبعدين المسجد كله فضي الا أنا واتنين كمان مش مشينا فالشيخ نزل وقالنا يلا امشو انتو كمان كلهم مشيو راح واحد من الاتنين اللي كانوا معايا قالو لا هنصلي وروحت أنا قايم الصلاه وصليت بالاتنين الى كانوا معايا إمام

7

السلام عليكم
انا حلمت النهارده ان فيه واحدده اسمها عدلات جمالات وانها اختفت مره واحده زي ما يكون اتخطفت او حاجه زي كده والكل كان بيدور عليها وبيدعي ان اهلها يلاقوها ومره واحده ظهرت والاعلام والناس كلها بتتكلم عن الحوار ده حتى على الانترنت لاقيت بردو فرحه الناس وبوسترات انها رجعت مع انه كان مستحيل الناس خلاص فقدت الامل ومره واحده لاقوها وانا شفتها في المترو بس شكلها كان ولد وسالتها قلتلها انتي بنت ولا ولد قالتلي انا بنت بس الدنيا واللي شفته وكمان هم خلوني كده .. بس الحمدلله انك بخير ورجعتي .. وانا رحت زي مسجد او دار قران وانا داخله ساحه المسجد لاقيت بوستر كبييييييييييييير عشان فرحه ان عدلات جمالات رجعت لاهلها وانا لما شفت البوست قعدت اقول ان الله على كل شيء قدير اكتر من مره وفي عقل بالي اللي رجع دي من وسط الوحوش قادر يرجعلي اللي عايزاه ويعمل اي حاجه
وبس
طبعا جدولي اليومي زي ما هو الحمدلله قيام وقبل المغرب الدعاء والصلاه

حلم رقم 8
انا حلمت انا انا واهلي روحنا شقة جديدة وكبيرة عن شقتنا وكان معايا بابا وماما واختى وخطيبها واخويا والشقة كان فيها الفرش بتاعها وكان فيها اوضتين نوم وانا اخترت انام في الاوضة الكبيرة وبعدها سمعت صوت زعيق في الشارع روحت ابص من الشباك لاقيت واحدة صاحبتى اسمها اسماء كانت معايا في كورس كانت قاعدة جنب الشباك وبتكتب حاجات وانا قعدت اهزر معاها لما بصيت من الشباك لاقيت ناس في الشارع جاية تتخانق ودوشة وانا خوفت علي اخويا احسن ينزل بدور ورايا اشوفه موجود ولا لا لاقيت واحد واقف ورايا قالي مش تخافى هو في البيت ومش نزل في نفس الوقت كان باب الشقة مفتوح قولت اروح اقفله لاقيته اتقفل لوحده بس الباب كان بين حيطين زى طرقة كدة والحيطان كانت مايلة شوية .انا انسة ومتدينة الحمد لله