الحلم رقم (7)
حلمت ان انا كنت فى المدرسة وكنت بتمشى تحت فى حوش المدرسة لاننا كنا فى وقت الفسحة
وانا كنت بتمشى لوحدى وكنت بضبط الحجاب من الامام وجات لى واحدة كانت صديقتى فى المرحلة الاعدادية هى مكنتش صديقتى اوى كان يادوب الكلام معاها
على قد السؤال هى اسمها عزة جات لى وقالت لى ان المبنى اللى فيه الفصل بتاعى موجود فيه كنز وكانت بتكلمنى وحاسة انهعا بتقولى يا بختك لان المبنى اللى فيه فصلى فى كنز وهى فصلها مش فى المبنى ده انا قلت لها اكيد الكنز فى الشجرة الكبيرة
اللى جنب المبنى وشوفت طالب كان طالع على الشجرة قلت لها ده اكيد بيدور على الكنز بس هى مقالتليش الكنز فى الشجرة ولا لا
وقالت لى تعالى معايا اعرفك مكانه وانا روحت معاها
عديناعلى شوية اولاد فى حوش المدرسة كانوا بيلعبوا كرة قدم
وبعدين وصلنا للمبنى اللى فيه الفصل بتاعى وروحنا على الفصل واحنا داخلين الفصل
لقيت المدرس قاعد جوا الفصل كان لسه داخل وشكله كان صعب
يعنى كان بيزعق للطلاب
وانا كنت هدخل الفصل لكن فجأة حسيت بنزول الحيض وانا مكنتش عاملة حسابى
قلت فى نفسى احاول امسك نفسى ودى الحصة الاخيرة وهنمشى لكن لقيت نزيف الحيض بينزف كتير مكنتش قادرة امسك نفسى فصاحبتى دخلت الفصل
لكن انا مدخلتش الفصل وقلت هروح اتصرف اشترى فوطة وارجع ادخل الفصل متأخر مفيش مشكلة
ومشيت وكنت زعلانة ان انا معملتش حسابى فى الموضوع ده ومكنتش عارفة اتصرف اعمل ايه
لكن افتكرت وقلت انا كنت عاملة حسابى للحيض ازاى دلوقتى النزيف ينزل كده وانا كنت لابسة الصبح ومتأكدة كنت مستغربة على الموضوع اوى
وقعدت على الارض وانا مش عارفة هعمل ايه
انا آنسة وحالتى الدينية متوسطة
صديقتى معرفش عنها حاجة حاليا هى كانت معايا فى المرحلة الابتدائية والاعدادية
