تفسير احلام الاحد 2/2/2014 باذن الله

انا معنديش حلم
بس كنت عايزة اشكر حضرتك لمجهودك الجبار ده بجد
جزاكِ الله عنا خيرا
ربنا يجبرك ويكرمك ويرزقك خيرا لا ينقطع في الدنيا والاخرة يارب
بحبك في الله ياماما نجية

فعلا والله الكلام ده كمان قليل علي ماما نجيه كفايه زوقها و أخلاقها العاليه و استيعابها لينا و لمشاكلنا و قلبها الكبيييييييييييييير والله بتحسسني ان الدنيا لسه بخير ربنا يجازيها جنة الفردوس الأعلي بحبك اوي يا ماما نجيه ربنا يخليكي لينا و يديمك فوق راسنا

حلم رقم 1
الحلم ده لابني يا ماما نجيه هو عنده 8 سنين و حضرتك قولتيلي ان احلامه يأخذ بيها
هو حلم ان اسرتنا كلها في عمره حتي ماما الله يرحمها و قالي انه شاف الكعبه و احنا بنعمل عمره قابل جدته أم أبوه راحت زقاه و موقعاه قصد رحت انا بصتلها بصة غيظ جامده و هي بتبصلي ملخومه فيه راحت خابطه في عمود من غير ما تاخد بالها واقعه في الأرض
مع العلم جدته فعلا في عمره الأيام دي و ابني ميعرفش و الست دي الله يسهلها بفعلها و قولها

2


السلام عليكم ورحمه الله 

انا حلمت اني جالي بريد بوسطه يعني على عنواني  .. لقيت جواب انه جاي من شركه احتصارها LId  وكان عباره عن ورقه مكتوب فيها عنوان سيد وتحتها عنواني انا .. تمام ومذكرتين او مجموعه ورق مدبسين مع بعض صغيرين ومقرتهمش وورقه كمان مكتوب في ظهرها بالعربي مش فاكره ايه اللي مكتوب ومعاهم ملفات سيد المهم انااتصلت بسيد لان امانه وحسيت بحاجه مهمه بقوله انت عنوان كذا رقم 19 قالي اه بس من الاحد الجاي انا هنقل واظن ( انه قالي جاي عندي )


انا حكيت الحلم بس حاساه اضغاث ..
سيد .. ده انا بتمتاه من ربنا اووووووووووووووووووووي ... نفسي ربنا يرزقه ويوسعها عليه ويفكر في

الحقيقه انا ببعت وبراسل ليه من غير ما يعرف وبكتب في المراسلات عنواني
مره من كم اسبوعجه بريد على عنواني بس كان بالرفض ومكتوب عليه عنوانه اللي ساكن فيه وانا قلتله . بس للاسف الرد كان سلبي زي كل مره
امبارح كنت ناويه انام واصحى قبل الفجر اصلي وكده بس للاسف صحيت متاخر

حلم رقم3
ماما حلمت ان هي كانت في بيت جدي اللي هوابوها وكانت بتحضر اكل للناس هناك وكان في شوك ومعالق ادامها فماما دخلت المطبخ فقالت المطبخ ده محتاج تعديل وعمرة وماما كانت عاملة للناس اكل ارز ولوبيا فجت صاحبة ماما وجوزها فجوزها شاف اللوبيا بتاعة ماما فقال اللوبيا شكلها حلو اوي فماما قالتلهم خلاص كولوا فماما حطتلهم ياكلوا وبعدين ماما كحت وطلعت زي حلويات الجاموسة فماما بتبص كده فجت فردتها لقتها لخمة حمرة كبيرة فماما قرفت منها ورميتها

مع العلم ان ماما مبتكلمش صاحبتها وماما هتعمل عملية قسطة القلب بكرة او بعد بكرة بالكتير

الحلم رقم 4 انا مايسه انسه مدرسه عندى تعطيل بصلى وبحفظ قرءان الحمد لله من سنه حلمت بابى وهو مات من 6سنوات انه عطانى 150 جنيه وكنت مبسوطه اويه بعد الحلم ده وكان جوايه شعور قوى ان الرزق ده عريس وفعلا بعدها بمده بسيطه تقدم لى عريس العريس ده كان اسمه عمرو انا وانا عندى 18 سنه حلمت ان فى امراءه انا معرفهاش تعطينى ورقه الورقه مكتوب فيها اسم الشخص الا انا هتجوزه وكان مكتوب فيها عمرو لما تقدم العريس ده فرحت بيه اوى وبعدها بمده قالو لى انه مريض بمرض نفسى سالت الدكتور عن المرض قال انه ممكن اتعامل معاه عادى لكن اهلى موفقوش حزنت جد عليه ورحت بعدها عمره ودعيت هناك كتير ودعتله هو كتير انفتح الموضوع تانى لكن اخواتى مرديوش فى رمضان الماضى وانا صيمه قبل المغرب دعيت ربنا قولت يارب انا متعلقه ب عمرو له مش يمكن عشان كل ما يجى عريس يمشى لو ترقنى بعريس غيره اشوف نفسى يمكن افرح سبحان الله فى نفس اليوم جالى عريس ووقفت بدون تردد والموضوع مشى لكن عمرى مفرحت بيه وكنت ديمن اعيط لحد ما الموضوع اتفشكل لوحده انا مرفضتوش ولا هو اهلى الا قالو مش عوزينه بصراحه فرحت وتصدقت انا دلوئتى موضوع عمرو اتفتح تانى جدد طلبه صليت استخاره حلمت انى باكل جبنه اريش من غير زيت بس كانت طعمها جميل جدا وبايت مستغربه من حلوتها خيفه اكون بضحك على نفسى ارجوكى فهمنى انا بجد محتاره وادعيلى كتير وجزاكم الله خير 

الحلم 5
انا حلمت اني كنت ماشية انا وبنت خالتي ف مكان فية.محلات.كبيرة وفخمة وان الشوارع اللي ماشيين فيها متسفلتة وحلوة اووي والمكان مبهر واننا روحنا ع البحر وان في زي مطاعم كدة ممتدة بطول البحر وزي الترابيزات بتاعت المطاعم دي محططوه ع مكان اعلي من مستوي البحر ونا بشاور لبنت خالتي ع الترابيزات دي وقولتلها الله انا نفسي ابقي ف المكان دة اوي زي الاتنيين اللي قاعدين هناك دول وان الماية جاية ع رجلي انا وبنت خالتي وكل الاماكن زي نازل منها ماية صافية وشكلها حلو طالعة من كل مكان بس انا وهي ماشيين ع الشط
واننا دخلنا مبني قديم كدة ولقيت ماما وخالتي وخالي ومراتة واهلها قاعديين والمكان كلة بينزل ماية عليهم وانا عملاه اقولهم انتوا قاعديين الزااي كدة
وان مرات خالي عملتلي كوباية شاي وبعتتهالي مع ابن خالي كوباية صغيرة
انا انسة وبنت خالتي متجوزة ومخلفة