تفسير احلام الاحد 6\4\2014 باذن الله

حلم ٣
ماما نجيه وحشتيني قووووووي
بدور علي حضرتك من اكتر من سنه والحمدلله وصلت .. ربنا يجزاكي خير عني
بشرتيني بقرايه فاتحتي والخطوبه والزواج والحمدلله رب العالمين اكلمك الان من بيت زوجي ... ولاني بتفائل بحضرتك وبثق في تفسيرك اسمحيلي اقولك حلمي
ويارب يكون بشري بحمل ، انا في انتظار الدوره الشهريه وبم يسبق لي الحمل

رأيت اني واقفه في مكان مع اشخاص لا اعرفها منهم واحد كان ماسكني وكأننا هنرقص

مع بعض بس ماكناش بنرقص كنا واقفين بس وجه شخص تاني مااعرفهوش واداني خاتم

بفص (الخاتم كان ابيض مش عارفه فضه ولا دهب ابيض) لما شفت الخاتم فرحت بيه

قوي وماصدقتش انه ليا اخدته منه البسه في ايدي الشمال( في صباع الدبله) وماكنتش

لابسه الدبله كنت لابسه خاتم ابيض برضه قلعته ومديت للشخص ايدي لبسني الخاتم

بصيت لايدي اشوف الخاتم وانا فرحانه بيه لقيته بقي توينز ( خاتمين ) فرحت قوي

بشكله وببص لنفس الايد لقيت في المعصم اسورتين بفصوص رفيعين كأنهم انسيال

استغربت جم منين بس كنت فرحانه بيهم وبالخاتمين ... وانتهي الحلم علي كده

يارب يكون خير .. زي ماقلت لحضرتك اني متزوجه في انتظار الدوره الشهريه
شفت الحلم بعد صلاه الفجر .. الحمدلله مواظبه علي الصلوات وقراءه القرآن والاستماع للرقيه الشرعيه وان شاءالله هكون في العمره بكره باذن الله وهدعي لحضرتك اكيد
جزاكي الله خيرا وجعله في ميزان حسناتك

الحلم رقم 4

استفسار
على فكره يا ماما انا مش بكتب الرؤي كلها عشان اضايق حضرتك حاشا لله والله يا ماما انا بس بفكرك بيا عشان انا عارفه ان فى اكتر من واحده بتعبت لحضرتك وربنا يعينك ديماااا على فعل الخير


الحلم رقم 3
السلام عليكم يا ماما

بصى انا هقولك كل حاجه انا كنت مرتبطه بواحد واتقدم لاهلى ورفضوه وبعدين اهله خطبوا له واحده غصب عنه المهم يا ماما هو كلمنى وعاوزنى اكتب كتابى عليه من ورا اهلى ويحط الكل قصاد الامر الواقع ولما رفضت بشده هددنى بانه مسجل لى ولما حلفته يسمعنى حاجه رفض بشده وقالى هسمعك كل حاجه قصاد ابوكى وهفضحك فى شغلك وانا يا ماما والله ماقادره انام ابداااا وخايفه يكون مسجلى بجد واتفضح

المهم انا صليت ركعتين حاجه وسالت ربنا يبين لى هو مسجل لى ولا لاء

حلمت حلم تلات اجزاء اول جزء حلمت ان فى بحر اتفتح والميه بتاعته سابت فى المدينه وميته جت شارعنا وعملت مجرايه من اول الشارع قدام كل البيوت عرضها حوالى متر واحنا باب بيتنا كان مفتوح ولقيت ابن اختى عنده 4 سنين اسمه محمد طالع يجرى على الميه فانا خفت عليه يغرق لان الميه محدش كان هيقدر يمشى فيها بدون ما يتبل او لو كان طفل ممكن يغرق وكان مدير الشغل بتاعى وهو مسيحى هو راجل مسن وشعره كله ابيض واقف قصاد الباب جوه بيتنا ولقيت الميه لونها اصفر كأن فيها رمله وكانت بتجرى بسرعه متوسطه وفى القاع سمك تقريبا مش بيتحرك وعلى الوش طافى 3 او 4 سمكات بس هم اقل من اللى فى القاع بكتييييير وانا مسكت واحده منهم كانت كبيره شويه بس هى ماكانتش بتتحرك و لا كانت ريحتها متعفنه بس بالظبط بالظبط كانت زى السمك اللى بنشتريه طازه عشان نطبخه

والجزء التانى اننا كنا مسافرين وشايفه العربيه عليها شيله كتير شنط واكياس كاننا رايحين مصيف او مكان بعيد وانا دخلت اجيب حاجه من على التلاجه وحسيت انى مزنوقه وما دخلتش الحمام دخلت اعملها فى المنور عشان قريب منى وتحت السلم وكدا كدا محدش هيشوفنى  وقعدت على الارض اعمل حمام بس عملت حمام عفوا ميه بس لقيت نفسى بعمل ميه كتييييييييييير وقلت ياه هو انا كنت مزنوقه للدرجه دى ولقيت اختى  جايه عليا  شفتها داخله من الباب واحنا فى العادى عادى يعنى مش بنكسف من بعض بس مادخلتش عليا المنور الجزء دا خلص قبل ما تدخل

الجزء التالت لقيتنى ببص على كوبرى من فوق المفروض كله حديد بس الكوبرى دا كان مقطوم وهم مصلحينه بانهم عاملين الجزء الوسطانى المقطوم من الخشب بس معمول بعنايه جدا كأن الكوبرى كله حته واحده والجزء دا خشب بس كان خشب مش متلون لسه جديد يعنى

بالله عليكى يا ماما بالله عليكى قوليلى مسجل لى ولا لاء

انا عمرى 29 سنه وانسه
حبيبتى الجزء الاول  اولا  اوعى تخفى و تضعفى امامه  وقفى فى وجهه بشدة  فهو شخص ندل  واهلك  على حق عندما رفضوه  هو ميستهلكيش وميستهلش التضحية ومش هيصونك  لانه لم يصن حبك  وثقتك فيه كيد طمعان فيك فى شئ  انهريه بشدة ولا تخافى  فرؤيتك توضح ن فيه خوف وقلق من تجاهك  ونكد  ولكن هتنتصرى ان شاء الله نصركبير وهتعدى الامور بهدوء  اما الجزء الثانى انت شايلة هم تقيل  لكن ربنا هيقضى حاجتك  وهتعدى معك على خير ان شاء الله  اما الجزء التالت انت هتضعفى شوية   وانا بقول لك اوعى تضعفى واوعى تنكسرى فربنا يصلح حالك ان شاء الله  انت عارفة الفضيحة الكبيرة لو كتبتى كتابك  من وراء اهلى اتكسرى ابوك  وامك واخواتك  وهتركبى شخص ندل عليه  اوعى وقفى شامخة امامه  وانهريه وقولى له نجوم السما اقرب لك  وهو مش هيقدر يعمل لك شئ  والله وان عمل هيجد من يؤدبه  لاخافى والله معك

ربنا يريحك يا ماما بالله عليكى انا عاوزه اعرف حاجه هو فعلا مسجل لى ولا لاء؟؟
حبيبتى هو انسان كذاب  وخسيس  لا تخافى مفيش تسجيل ولا شئ   وربنا معك


بعدها هو كان مدينى ميعاد محدد لو ما عملتش اللى هو عاوزه هيجى البيت ويفضحنى والميعاد دا عدى الحمد لله وماجاش هو فرحه كمان اخر الاسبوع دا
المهم يا ماما انا كنت بدعى ربنا كتييييييييييييير جداااااااااا انه ينجينى منه وبعدين لما عدى اليوم اللى كان محدده طلبت من ربنا انه يبين لى فى رؤيا بعد ما صليت قضاء حاجه انه يورينى هل الموضوع انتهى وعدى على كدا ولا لا قدر الله هو بيرتب لى بأذى
المهم انا حلمت انى ببص على كوبرى كان قدامى وكنت انا على الارض والكوبرى مكنش كبير كان حجمه متوسط كأنه جسر صغير وكان تحت الكوبرى دا وبيعدى جمبى فى نفس الوقت نهر صغير ميته هاديه ولونها كان واضح زى الميه العاديه بتاعتنا
ولقيتنى راكبه عربيه وقاعده جمبى والدتى الله يرحمها وكان شكلها زى ما تكون بتفكر فى حاجه وساكته كدا
دا معناه ايه يا ماما بالله عليكى
انا عمرى 29 سنه وانسه والرؤيا كانت قبل الفجر
حبيبتى اولا هذا الندل لم يوجد معه تسجيلات او شئ ولكنه كان يهدف ان يستغلك فى شئ ممكن مادى والحمد الله ظهر على حقيقته والامور هتعدى على خير باذن الله وربنا  هيبعد عنك الخوف وهيرزقك بالامان ان شاء الله وخلاص الموضوع عدى على خير لاتخافى والله يرحم والدتك ويغفر لها
المهم يا امى انا والله حاسه بندم وذنب رهييييييييييييب انى كنت على علاقه بيه ومخنوقه جدا
وحلمت ان فى ناس زى عصابه بتجرى ورايا وانا كنت ببص على عماره كانت بعيده شويه بس انا كنت واقفه على سطح بيت واسع جداااااا زى ما يكون اسمنت يعنى سطح بيت مبنى جديد وهو اسمنت ومالوش سور السطح بتاع البيت اللى كنت واقفه عليه وكنت قريبه من مستوى ارتفاع العماره  دى رغم انها بعيد وهى كانت فى وشى بس ماكانتش متشطبه كانت على الطوب الاحمر وكانت خمس ادوار وكنت بدعى واقول يارب اتفضح عشان خالد (اللى هو يعنى بيهددنى ) يكون من نصيبى
بالله عليكى تقوليلى تفسيره ايه ياااااارب يكون خير
حبيبتى انت ما زلت خايفة ولكنك واقفة على ارض صلبة ومقامك عالى انسى هذا الشخص وبطلى التفكير فيه لانه مينفعكيش
 انا فعلا يا ماما لسه خايفه لكن لما بذكر ربنا برتاح واطمن ولما افكر فى الموضوع بقلق تانى بس حضرتك انا عاوزه افهم يعنى ايه واقفه على ارض صلبه من اى ناحيه يعنى ؟؟ يعنى هو ربنا بيطمنى ولا فى حاجه تانى وحضرتك برضه يعنى ايه مقامى عالى , عالى بمعنى ايه ؟ وحضرتك لما قلتى لى ما ينفعنيش هل دا رأى حضرتك الشخصى من الموضوع ولا دا حضرتك شفتيه فى الرؤيا ؟؟؟
وارجوووووووووووووكى قولى لى ازاى ابعت لاسماء المريضه ؟؟؟؟

5

انا حلمت خير حلم غريب شوية خير اللهم اجعله خير يارب ان انا ماشية مع مجموعة بنات اصحابى وبعدين لقيت شاب كده يشبه الممثل احمد سلامة فروحت عشان الفت انتباهه روحت رامية عليه تراب كده فجه على هدومه فاتضايق اوى فانا اعتذرتله وانا محرجة ومشيت فلقيته كمل مشى ورايا وقاعد يراقبنى من بعيد وانا كنت ماشية وحاسة ان الجزمة اللى فى رجلى الفردة اليمين معورانى ومش مريحانى وكل ما التفت ورايا الاقى الشاب ده لسه مراقبنى من بعيد ووانا ماشية لقيت جرح فى ساقى كده وبينزف فرجعت للشاب ده وقلتله ممكن تعالجهولى وفعلا لقيه عاجلهولى الجرح اللى فى الساق وكانت رجلى نضيفة لما شافها وبعدين لقيته بيقوللى على فكرة بعد ما عالجلتك الجرح ده لما تحطى رجلك فى جزمتك هتريحك ومش هتعورك وفعلا جيت احط رجلى فى لقيت الفردتين مريحين ولقيت رجلى بتدخل فيها بالراحة وبسهولة عن الاول ولقيت الشاب ده مشى معايا ولقيت معاه سلسلتى القصيرة للى عادة بلبسها فى رقبتى ولقيتها متقطعة فى ايده فخدتها منه وعينتها وكملت مشى معاه وكان عايز يوصلنى لحد بيتنا ف و احنا ماشيين لقينا قدامنا ارض كلها جليد فهو كان خايف نعدى من عليها احسن نتزحلق ونقع بس انا قلتله متخافش وخدته وقعدنا نمشى عليها بمهارة فظيعة وانا اللى كنت ماسكة ايده وبعديه منه وكنا بنتزحلق من عليه زى الناس اللى بتتزحلق عليه بمهارة ولما نتزحلق من عليه مكناش نقع ابدا وكنت متحكمة فى الوضع كويس جدا ومش بنتزحلق خالص لدرجة ان سمعت اصحابى بيقوله دى ايناس والشاب اللى معاها بيتزحلقوا ع الجليد بمهارة فظيعة وهى عارفة تتحكم ومش بيقعوا وانا كنت مستمتعة جدااااا بكده وكنت متمكنة والحمد لله مش بنقع .. بس كده