تفسير احلام السبت 15\3\2014 باذن الله

حلم رقم ١
ازيك ياماما نجية ان شاءالله تكوني بافضل حال
حضرتك طلبت تعرفي ظروفي ايه وبصراحه انا مش فاهمه حضرتك تقصدي اي ظروف وعموما انا طبيبة وزوجي طبيب ايضا عندي بنت وولدين ظروفنا الماديه كحال الكثيرين اليوم متعسرة ولكن الحمدلله لانحتاج لاحد ووالد زوجي والحمدلله على قيد الحياة ومتزوج وهو ميسور الحال كثيراً عنا ويملك اموال وعقارات بارك الله له فيها ومع ذلك زوجي حنون جداً معه وبار به ولا يقصر معه على عمس اخيه الذي رأيته في الحلم
على فكرة يامامانجية انا حلمت حلم تاني تاني ليله بعد ذلك الحلم
رايت ان حماي قد افترش سفرة كبيرة من اللحم والخبزوقد قابلت رجلا وعرضت عليه ان يتغدى معنى على اساس اني من حضر الطعام ولكنه اخبرني انه احضر طعامه معه وكان ايضاً لحم احمر وخبز وعندما عدت للسفرة وجدت نصفها مغطى بقماش ابيض كالكفن وزوجه اخو زوجي تخبرني ان حماي هو من حضر السفرة

حلم رقم 2

ازيك يا ماما نجية يارب يسعدك حلمت خير كاني  فى عيادة  كده صغيرة فى مكان نائي  و فيه جنينة ولابسة ابيض وبيحاولوا يديوني حقنة وانا مش عايزاة و وبعين روحت مع اهلى البحر وكنا واقفين تحت كوبري  وكان في صيادين كانوا بيعملوا شبك صيد كبيرة من حبل عريض اسود تحت الكوبري عشان يسهلوا عملية الصيد وبعدين ركبت عربية مع واحد من الصيادين دول  وكانوا هو اللي بيسوق وقعدت جنبه واهلى ركبوا ورا معايا مع العلم اني الحمدالله متدينة وانسة

8

حلمت خير يارب انى زى ما يكون داخلة بيت فى راس البر والمفروض انه بيتنا وداخلاه قبل الصيف ما ييجى يعنى رايحاه بدرى شوية وكنت بقا قاعدة بنضف فى الفرش وع الموبليا قاعدة بنضف التراب وكان تراب كتير وكنت قاعدة بلمع فيه واوضب الدنيا وفعلا خليت الحاجات نضيفة وكنت بتقن اوى النضافة م التراب وبعد ما خلصت روحت قع\ت ع الاب بتاعى فلقيت شاب بيكلمنى ع النت ومضاف وسط البنات اصحابى فلقيت اخويا جه ولقيته نزل ضرب فيا بايده وانا قاعدة اقوله ده هاجر صاحبتى ( مخطوبة) هى اللى قالتلى اكلمه وهو قاعد يضربنى جامد وماما واختى واقفين عادى كده 

مع العلم ان مش بكلم شباب خااااااااالص وحتى مش ضايفة عندى ولاد ع الفيس كلهم بنات فعلا واخويا ولله الحمد علاقتى بيه كويسة جدا وطول عمره مبسوط من اخلاقى