تفسير احلام السبت 15\2\2014 باذن الله

1
حلمت اني في مكان فيه مناسبة بس مش عارفة بتاعت مين وكنت لابسة اجدد طقم عندي (هو عندي الطقم ده في الحقيقة بس لسة ملبستوش)وكنت بسلم علي العيلة كلها وبنات خالي كانوا عمالين يبصولي بالرغم من انهم لابسين فساتين وبقيت اقول ازاي الفرح ده قبل فرح بنت خالي اللي هي كانت بتبصلي  وكنت حاطة اي لاينر بس بدأ يتشال طلعت في بيت خالي وخدت من بنت خالي ورسمت عينيا بالاي لاينر تاني وبعدين نزلت فلقيت بنات خالي اللي كانوا بيبصولي عمالين يرقصوا عشان يعني يخطفوا الجو مني بس اصلا مكنش فيه موسيقي وانا تجاهلتهم تماما 
وخلص الحلم علي كدة مع العلم  ان بنات خالي دول مخطوبين والمفروض واحدة فيهم فرحها قرب وانا مطلقة وحاليا انسة بس فيه شخص كان جاي يتقدملي وفي اليوم اللي كانوا جايين فيه اتزحلق ورجليه شبه متجبسة
ومعلش يا ماما حلم صغير 
حلمت بواحدة انا اعرفها في الحقيقة هي بتفسر احلام وست كبيرة جداا حلمت اني بحكيلها حلم بجاري وبتقولي ان تفسير الحلم ان هيجيني عريس من ناحيته او هو اللي هيجيبهولي 
وخلص الحلم علي كدة مع العلم ان الشخص ده في تالتة جامعة وخاله عاوز يتقدملي ولما بدأ يعارضوا عندهم في البيت هو وقف مع خاله وكان بيقوله انه يتقدملي ويوم ما قرروا يجيوا  هو اتزحلق علي السيراميك

حلم ٢

حلمت اني في بيتنا القديم و قالت ابنة خالتي ساذهب للسوق قلت لها لا تشترين فار فقالت حسنا فجاءت واحضرت ثعبان كبير وقطتي تمشي معه وانا خائفة منه وخالي بالصالة يقول انه متين الثعبان.

3
حلمت ان لابسة فستان اخضر بكم وطويل وكان جميل جداااااااااا وكنت واقفة مع راجل كبير في السن لابس بدلة وست كبيرة مراته لابسة تقريبا فستان وكأنهم في الحلم حمايا وحماتي 
وخلص الحلم علي كدة مع العلم اني انسة وكان فيه سخص اهله جايين بس حصلتله حادثة بسيطة في اليوم اللي كانوا جايين فيه

حلم رقم 4
حلمت اني في بيتنا القديم وواحد جارنا اسمه اسلام واقف في البلكونة وانا واقفة ببص عليه وبيبص عليا بعدها دخلت كانت عندنا واحدة جارتنا اسمها مني وبنتها اسراء بنتها مطلقة وبعدها كان في سجادة حمرا لمتها علي جنب والحوض بتاع المواعين كان مسدود ومليان مية علي اخرة قعدت اسلك فيه لقيته مسدود بشرائح فلفل بقيت عماله اسلكة لحد ما اتسلك

وشنطتي كانت محطوطة في الحوض طلعتها وسوستتها كانت مفتوحة وانا كتت خايفة الحاجة اللي فيعا تبوظ من المية لكن مباظتش وبقيت مستغربة انها مفتوحة والمية مبوظتش
الحاجة اللي جواها انا انسة مخطوبة وفي مشاكل مع خطيبي

حلم رقم 5
السلام عليكم ورحمة الله حلمت خير اللهم اجعله خير انى انا ركبت قطار وهلاقى بنوتة هاخدها على رجلى وبفضل اشرحلها حجات مش فاكرة ايه خالص وكان معاها زى ولد صغير او اخوها

حلم رقم 6

حلمت يا ماما نجية كاني باسوق عريبة لونها برتقالي وكنت باسوقها فى سوق ولكني ماكنتش اعرف مكان الفرامل لحد ماحد قالي حد فى السوق  مكانها فين ووقفت السيارة فعلا وبعدين  وكاني شيلتها بايدي ورجعت تاني  وهناك قابلت بنات كثير و كانهم اصحابي  والدنيا كانت بتمطر

المتفائلة دائما كتب:

3
حلمت ان لابسة فستان اخضر بكم وطويل وكان جميل جداااااااااا وكنت واقفة مع راجل كبير في السن لابس بدلة وست كبيرة مراته لابسة تقريبا فستان وكأنهم في الحلم حمايا وحماتي 
وخلص الحلم علي كدة مع العلم اني انسة وكان فيه سخص اهله جايين بس حصلتله حادثة بسيطة في اليوم اللي كانوا جايين فيه

انا اسفة يا ماما انا عارفة اني بتقل عليكي بس ماما عاوزاكي تفسريلها الحلم ده
حلمت ان ابن عمها اتقدملي وفضلت تقول ازاي وفرق السن  وانا كنت موافقة  قالتلي ازاي هتوافقي عليه ده كبير قلتلها ده كويس  وبعدين قالها شوفي انتي عاوزة ايه وانا هجيبه وكان جايب مراته معاه وماما قالتله معنديش بنات للجواز وبينها وبين نفسها بقت بتقول اكيد عاوز يتجوزها عشان يخليها تخدم مراته قالها ليه قالتله انت مش شايف فرق السن ما بينكم 
وخلص الحلم علي كدة مع العلم ابن عم ماما ده جد وانسان متدين ومحترم جدااااااااا

حلم رقم 8
خالتي حلمت ان هي وامها اللي هي جدتي رايحين يعملوا عمرة وراكبين طيارة والطيارة عمالة تترفع لفوق زطالعة بيهم علي السعودية لما وصلوا هناك بيتفرجوا علي حاجات كتير ملابس وكده فخالتي بتقول لجدتي يا ماما الحاجة اللي هناك نفس الحاجات اللي عندنا في اسكندرية فلقوا فرن واشتروا عيش علشان ياكلوه في المكان اللي هيقعدوا فيه وقالت لستي اقعدي هنا  لحد ما اروح اسئل الطيران هنرجع امتي فقالولها هتقعدوا 15 يوم وترجعوا يوم خمسة واحد 5/1 وبعدين خالتي قالت لستي تعالي ندخل الجامع نصلي وبقت تدعي تقول يارب يشفيلي ضهري ده انا جتلك يارب السعودية وانتهي علي كده
خالتي انسة وعندها تعب في فقارات الضهر

9
السلام عليكم ورحمه الله

اولا ازيك ياماما نجيه اتمنى انك بخير والعائله والصحه تمام

انا حلمت النهارده .. اني كنت في المطار والى جاتب شنط السفر كان معايا في ايدي فستان الفرح .. وانا رايحه مصر .. والراجل بيسالني ايه ده وليه قلتله انا اتجوزت وده كان فستان فرحي واخداه هناك اعينه واوريه اهلي يعني انا لبسته ومهوش جديد عشان الجمرك وبس كده
تمام 

انا انسه ولا حد بيتقدم
وكمان انا مسافره لاهلي كمان اسبوعين او 3 ان شاء الله
وبدعي ربنا اووووووووووووووووووووووي ان حد معين يتقدملي وعلى الاقل يكلم اهلي بدل البهدله اللي هشوفها هناك

10 
ا

معلش يا ماما الظاهر مخدتيش بالك م الاحلام دى فى التوبيك القديم معلش اسفة والله 
معلش كان فيه حلم تانى يخصنى شوفت خير انى قاعدة فى مكان شغل بابا وزى ما يكون كان حواليا اصحابى وقاعدة بتكلم واضحك معاهم عادى ونتكلم وكان فيه شاب قاعد بعيد شوية اعرفه من مكان الشغل ده المهم كل شوية الاقيه يلتفت ويبص عليا وانا قاعدة مع اصحابى وكل شوية الاقيه بيبصلى وكنا كلنا قاعدين فى اوضة كده فخرجت منها فلقيت راجل كده غلبان روحت مدياله 10 جنيه وقفل مفتوح فقلت كويس ان القفل مفتوح مش مقفول وروحت كمن مدياله فوقهم جنيه زيادة يعنى بقوا 11 جنيه وقفل مفتوح والراجل بقا قعد يدعيلى .... مع العلم ان والله بتصدق فعلا ومش مقصرة وربى عالم 

واسفة والله رؤيا قصيرة شفتها لما عينى غفلت انهاردة بعد قراءة سورة الكهف ... انا طبعا كنت حكيتلك ع الشاب اللى كان خاطب قبلى ده 
شفت كأنه بيكتب اسمى كده فى خانة بحث كده على الكمبيوتر ولقيت اسمى بيتبدل بكلمة النهاية ويرجع يتبدل باسمى تانى يعنى بعد ما اتكتب شوية يظهر ايناس وشوية يظهر مكانة النهاية كأنها عملة بوجهين وبتتبدل بس كده