أدخـــلي أكتبي حلمك >>>> تفسير أحلام يوم الجمـــعــــــــــــــة 6- 9 - 2013

ا

الحلم رقم (3)
انا متزوجة ومعايا ولد عمره سنتين
حلمت خير اللهم اجعله خير ان انا رايحه لدكتورة النساء بتاعتى وبقولها يادكتورة انا كان فيه لبن في صدرى واخدت ليه حبوب تنشفه ولسه مش حملت اكشفي عليا شوفينى كده حامل ولا لا .... قالتلى ادام اخدتى البرشام ده فانتى فعلا حامل ... فقولتلها لا بس اكشفي عليا قالتلى لا مش حكشف وانتى حامل ... قالتلى دورتك يوم ايه قولتلها 19/9 قالتلى خلاص اعملى تحليل يوم 13/9 وحتلاقي انك حامل ... بس انا في الحقيقه فعلا اخدت البرشام ده عشان ينشف اللبن اللى فى صدرى 


ومعلش حلمت حلم تانى ان انا حامل وفي ناس قرايبي في مكان كده وفجأة حسيت انى حولد و قعدت اقولهم الحقونى انا بولد الراس بتنزل منى وجت فعلا مرات عمى هى دكتورة نساء ولدتنى ... فانا قومت علشان اغير هدومى مكان الولادة وكده ورجعت عشان اشوف ابنى لقيت واحده قريبتى اسمها (أميرة) شايله ابنى اللى ولدته اخدته منها لقيته ولد زى القمر وشعره ناعم وكثيف جدا وبيضحكلى وبيلاغي فيا يعنى ... بس مكنش شبهي كان شبه ناس قرايبنا وانا كنت مستغربه ازاى ابنى ومش شبههى او حتى شبه جوزى 


حلم صغير معلش اختى متزوجة ومعاها بنتين وحامل دلوقتى ... حلمت ان فيه واحده فليبينية معاها صندوق خشب واختى دى وبنت عمتى بينقوا حاجات بنتى عمتى نقت حلق لونه بمبه صغيره كده وكان شكله لايق عليه (بنت عمتى دى أنسه) واختى نقت عقد لولى ولبسته على رقبتها 


تسلميل ياماما معلش طولت عليكى

حلم 7

ولد اسمه اندرو وقريبته اسمها ماريا كنت بديهم درس فى البيت عندهم السنة اللى قبل اللى فاتت (اشتغل معلمة) 

حلمت خير اللهم اجعله خير ان انا معاهم بس فى حجرة غريبة المفروض انها فى بيتهم وجابوا مدرس جديد وقاعدين هما الثلاثة ع ترابيزة وانا قاعدة فى نفس الحجرة بس بعيد شوية بسيطة وشايفة بيعملوا ايه والمدرس كل شوية يقوم يدخل الحمام وكنتم ستغربة انه كل شوية يدخل الحمام وكان بيديهم حاجات عن الزراعة ع الرغم ان ده مش فى الحاجات اللى بندرسها وادانى الورقة وقالى زى اكتب موضوع تعبير حاجة كده عن الزراعة وقمت دخلت الحمام انا كمان ورجعت لهم

بخصوص الحلم رقم (5)
فى معلومة مهمة لازم حضرتك تعرفيها وعاوزة أعرف اذا كانت هتفرق فى تفسير الحلم ولا لأ : أنا وكل أسرتى بما فيهم أخويا ده اللى هو صاحب الحلم  كان معمولنا سحر وبنتعالج عند معالج  وأنا الحمد لله ربنا شفانى لكن هو لسه فى مرحلة العلاج يا ترى ده يفرق فى تأويل الحلم ولا لأ وده كان الحلم
ازى حضرتك ياماما نجية انا اخويا حلم انه فى جامع شبه الجامع بتاع بلدنا اللى احنا عايشين فيها وكان الجامع مليان جثث ومتكفنة لدرجة ان الجثث كانت على شكل ادوار وفيها جثث بتتحرك جوه كفنها وكانت بتحاول تقوم وبيقول انه مكنش فى حد يعرفه خالص فى الجامع ده ومفيش حد حى كله جثث
الحالة الاجتماعية:اعزب
الحالة الدينية :الحمد لله


وده كان تفسير حضرتك
حبيبتى  اخوك  هيتخانق  مع  احد  وممكن  يعوره  ويموته   وطبعا  الجميع  هيعرفه   وممكن يقولوا  عليه   خليه  ينتبه  لنفسه  وهذا  تحزير له  من الخطا  والله  يبعد  عنه  الشر