أدخـــلي أكتبي حلمك >>>> تفسير أحلام يوم الأحــــــــــــــد 25- 8 - 2013

حلم رقم 5


انا حلمت انه كان فرحى وانا كنت لابسه فستان فرح وطرحه بيض وكان شكلى حلو اوى وكان الشخص ده انا مش عرفاه يعنى كان جواز صالونات مع انى حط قرار انى مش هتجوز غير الشخص اللى بحبه يعنى مش جواز صالونات كده وانا كنت زعلانه لانى معرفش الشخص ده ومكنتش بحبه وكمان كنت عايزه اعيش حياتى لانى سنى مش سن جواز يعنى لسه صغيره عليه وبعدين شفت نفسى وانا بجيب الشبكه وكان معايا ناس قرايب العريس كانو بينقولى خواتم وكان شكلها وحش اوووى وبعدين راحت واحده فيهم خلتى اجيب خاتم شكله مش خلوه وكان فيه زى فص الماز من النص كده بس شكله كان وحش راحت بنت خالى قالتلي هاتى وخلاص ده شكله حلو وقعدت تقنعنى بيه مع انى عارفه انه مش عاجبها بس مش عارفه هي ليه كانت عايزانى اجيبه مع انه شكله وحش وبعدين كنت زعلانه ولبست الخاتم مع انى مش مقتنعه بيه وبعدين انا رفضت الجوازه كلها ومرضتش اتجوز

حلم 6
حلمت اني ماشيه في شارع وعماله اجري وشعري جميل وتقيل ولونه اسود وجيباه علي جنب كده علي كتفي والدنيا بتمطر  وانا عماله اخبي شعري من المطر علشان ميتبلش ويبقي وحش بس طبعا بينزل عليه مطر وبعدين وانا ماشيه واحد فران ناداه عليا وقالي تعالي خدي البيتزا دي وعطاني 3 بيتزات كبار شبه رغيف العيش بالسمسم كده ومعمول عليهم اشكال هلال وصليب معملوين بالعجينه وقولتله طيب انا معييش غير جنيه دلوقتي تاخده وابقي اجيبلك الباقي قالي ماشي كانه عارفني ومطمنلي اني هجيبله الباقي يعني وقت تاني وبعدين لاقيت نفسي في بيتنا ومعايا كرتونه فيها بوتجاز جديد وبقول لماما هو هو البوتجاز بس الكارتونه التانيه كان عليها صورتي انا وصحبتي دي معليهاش 
وحلمت اني هيفاء وهبي جايبه لاخويا هديه اكيد هيفرح اوي لما يعرف فسريلي يا ماما وطمنيني الله يكرمك

حلم
رقم 7

ازيك ياماما نجية
في شخص متقدملي بس هو مش هيسكن جمبنا  هيعيش في مكان تاني فالموضوع ده مقلقني شوية
وعملت استخارة وحلمت
اني اتجوزته وقعدت في بيت بابا 3 او 4 شهور وكنت عايزة ارفع عليه قضية خلع
فجه عشان يصالحني في البيت عندنا فانا مرضتش اروح معاه وقلت خايفة من المكان اللي هو عايش فيه
فكنت قاعدة مع بنت عمي اسمها منة الله
قلتلها خايفة واحنا قاعدين كده يدخل ويشوفني
قالتلي ياخبر ده انتي ايدك ساقعة وبتترعشي
رحت سكت وقعدت ادعي من جوايا اووووووووووووي قعدت اقول يارب يجي يصالحني تاني وانا هروح معاه وقعدت اكرر الدعاء جوايا من قلبي


ـ بس صحيت من النوم مرتاحة اوي وقلبي مفتوح للموضوع رغم اني حاسة الحلم بيقول غير كده
راي حضرتك ايه؟

8

حلمت خير منام وصحيت منه على اذان الفجر على طول شوفت خير انى كان قدامى طبق بطاطس محمرة وانا كنت حباه اوى وباكل منه ومبسوطة وبعدين جت بنت اختى الصغننة وقعدت جنبى وكان قاعد بعيد كده خالد ابن خالتى (متزوج) واكبر منى اصلا ب 9 سنين تقريبا وكانت البنت جاية على انها بنته هو مش حتى بنت اختى اصلا ... المهم لقيت البنت قاعدة تبصلى وانا باكل فانا خدت بالى انها يعينى جعانة فروحت مديالها بطاطس تاكل فقعدت تاكل بنهم جااامد واتبسطت اوى وراحد جنب خالد فقالها جبتى الاكل منين فشاورتله عليا وكانت كل شوية البنت تبصلى وتبتسم وهى معاه وهوه بالتالى قعدت يبصلى هوه كمان ويراقبنى من بعيد واغيب اغيب الاقيه قاعد يبص عليا من بعيد وراصدنى جامد وانا قاعدة اقول سبحان الله معقولة دلوقتى بيبصلى بعد ما كان مش واخد باله منه اصلا وكان خالد قالع نضارته وهوه بيبصلى فقلت غريبة انه قالعها ده كان لابس نضارة بس كان مركز معايا وشايفنى كويس  فى وخلص المنام على كده ... علاقتى بابن خالتى عادية جدا ورسمية جدا ومفيش كلام بينا اصلا الا فى المناسبات يعنى 

معلش منام كمان 
كنت شفت ان فيه ناس واقفة تصلى العصر تقريبا جماعة فقلت احاول الحقهم فى الاول كنت متشككة انى ممكن الحقهم بس قلت هعمل اللى عليا وخلاص ووقفت جنبهم اصلى وفعلا لحقتهم بس وانا بصلى كانت فيه ناس بتزحزحنى عن مكانى وكنت بحاول اكمل الصلاة عادى وبعدين لقيتنى وانا بصلى فى الركعة الاخيرة ان المكان اللى بصلى فيه ضاق عليا اوى لدرجة انى كنت بفكر اطلع من الصلاة ومكملهاش  بسبب ان المكان ضيق وممكن معرفش اوطى عشان  اسجد بس قلت هحاول اكمل برده اهو يبقى اسمى حاولت فلقيت راجل واقف ورايا وسعلى شوية فرجعت بضهرى والمكان وسع وعرفت اسجد واتمم الركعة الاخيرة والحمد لله اتممت الصلاة بعد تعب فى اواخرها وخلصتها الحمد لله وكنت مرتاحة انى تمتها رغم اللى الضيق اللى حصل ده كله 

حلم رقم 9
انا حلمت ان انا واختي وبنت عمتي روحنا عند خالتي وقضينا عندها اليوم وبعدين جينا نروح فأستنينا اخويا علي اول شارع خالتي علشان يجي ياخدنا فأتاخر فلاقيت بنت عمتي بتقول استنوا انا هجيب واحد يروحنا وراحت نادت علي شاب كده لابس بادي احمر تلت كوم ضيق وبنطلون جينز وشكله غريب كده واعدت تكلمه بدلع وتقوله تعالي بقي وصلنا بعربيتك وهي كانت عارفة الشخص ده في الحلم وانا واختي بنبصلها واحنا مضايقين منها ازاي تناديله ويوصلنا بتاع ايه مين ده اصلا فقولتلها انا واختي لا احنا منعرفهوش علشان يوصلنا احنا ماشيين قالتلنا براحتكم وكنت انا واختي مضايقين منها اوي وبعدين مشينا وهي والولد ده كانوا ادامنا وماشينن حضنين بعض وانا واختي مستغربيين وقرفانين منها اوي انها كده فقولت لاختي يلا نطلع ادام شوية وناخد تاكس بس معانا فلوس ولا لا قالتلي مش عارفة فتحت محفظتها وقالتلي معانا 10 جنيه قولتلها كويس بس مفيش  كام جنيه فضة كده قالتلي معتقدش استني اشوف قولتلها اه شوفي علشان في سواقين تاكسي بتبقي طماعة  يبقي معانا زيادة وخلاص نأمن نفسنا قالتلي لقيت ولقت تقريبا 4 جنيه او 4 جنية ونص فضة قولتلها كويس يلا بينا بقي واحنا ماشيين عدينا علي سكة قطر ولقينا ناس فارشين ادامها ملابس واستغربنا وقولنا ازاي ملابس فس شكة القطر هما مش خايفين القطر يجي يدوسهم وفضلنا ماشيين وبنت عمتي والولد ادامنا ماشيين وحضنين بعض ووصلنا  للمكان اللي احنا عايزينه بس ملقناش ولا عربية ولا تاكسي قولت لاختي طيب يلا بينا بقي نمشي الشارع ده بسرعة قبل الليل ما يليل علينا لانه مينفعش نمشي في الشارع ده بليل قالتلي ماشي قولتلها وكمان كان الشارع ده مليان زبالة فقولت لاختي وكمان لازم نوصل لاول الشارع قبل ما يولعوا في الزبالة دي وريحيتها تخنقنا يلا بينا ومشينا وبردوة بنت عمتي والولد ده كانوا ادامنا وانتهي الحلم
مع العلم ان في خلافات بينا وبين عمتي وبنت عمتي دي احنا مش بنكلمها

حلم رقم 2
خالتي حلمت ان هي لقيت صقر تحت سرير جدتي
مع العلم ان جدتي متوفية
خالتى انسة  ومتوسطة التدين وبتصلى ومواظبة ع الصلاة

حلم رقم 9 
معلش اعذرينى لو انى خرقت اى من القوانين انا لسه جديدة هنا 
 انا  اولا مش مخطوبة ولا متجوزة  بس واحدة صحبتى فرحها قريب وانا فرحانة جدا ليها ... حلمت بيها اننا مستنينها فى القاعة وفجأة دخلت علينا بفستان فرح  بس لونة اسود .. بس هى كانت مبتسمة ومش حاسة ان فى حاجة غريبة .. بس كلنا كنا مندهشين ومستغربين  حتى كنا بنصفق وفجأة لما شوفناها بطلنا تصفيق.




 ]size=24]نفسى اليوم حلمت ان فى قطار معدى من جمب بيتنا  وعمل حادثة فظيعة ودخل فى المحل الللى قدامنا  وكسر 3 عمارات قدام البيت  ( مع العلم انى  اخويا مسافر بلد عربى  وانا قلقانة عليه)
[/size]