أدخـــلي أكتبي حلمك >>>> تفسير أحلام يوم الأحـــــــــــــد 22 - 9 - 2013

8



حلمت اللهم اجعله خير يارب ان فيه شاب جاى فى شكل شخصية معروفة جاى يخبط على باب بيتنا وبيقوللى انا سألت عليكى وكله تمام وراح داخل بيتنا ولقيته بيقوللى انا عايز اغتسل معاكى وانا كنت فرحانة بيه اوووووى بس اول ما دخل بيتنا وقعدت معاه لقيت زى ما يكون الدنيا قامت ولقيت ناس كتير هاجمين على بيتنا ومعاهم سلاح وقاعدين يضربوا نار وعايزين يضربونى بالرصاص فلقيت الشخص ده معاه سلاح هوه كمان وضرب كل اللى كان بيهجم عليا وبيحاول يصوب الرصاص ناحييتى وبقيت انا محمية فيه وبعدين لقيت واحد منهم راح جايب حبل او سلك وراح لفه حوالين رقبتى وكان عايز يخنقنى بيه فلقيت الشاب ده راح شاسل الحبل ده من حوالين رقبتى وراح لفه حوالين رقبة الراجل اللى كان عايز يخنقنى واتخلص منه وبقت انا مطمنة وانا معاه اوووى ومستخبية وره ضهره لحد ما صوت الرصاص ده خلص وقعدت جنبه بقا .. بس كده 

معلش منام كمان صغنن كنت شفت خير يارب ان فيه شاب معرفة (اللى كنت حكيتلك ان معرفة بابا ) لقيته واقف كده عريان من فوق وزى ما يكون واقف فى مدينة ملاهى وسط اطفال كتيير بيلعب معاهم وبعدين جه جنبى كده  ووقف جنب عربيتى ولقيت ناس حواليه بتقوله ورينا صورك وانت صغير فهو مش وافق ابداااا وبيقول لا وحشة ومش بحب اوريها لحد فانا روحت مشاوراله كده من عربيتى راح جاى جنبى وقولتله وريهالى فراح من دون كل اللى طلب منه انه يشوفها راح مديهالى انا الوحيدة اللى اشوفها فروحت واخداها منه لقيتها صورته وهوه ولد صغير وكان شكله فيها مكشر شوية فجاملته وقلتله مش مشكلة ميجراش حاجة تعتبر حلوة فلقيته بعد ما قلتله كده بيدينى كارت او كتيب صغير زى هدية منه ليا كده وبيقوللى ده اخر حاجة جاتلى وكان عبارة عن كتيب شكله قديم كده  فيه شرح مراحل نمو اسنان الطفل من اول ما يتولد لحد ما يطلع اسنان فكه كلها فخدته منه وانا مبسوطة وخدته ومشيت بيه وحطيته وسط كتبى وحاجتى ووانا ماشية لقيت مجموعة من زمايلى بتوع الدراسة  الولاد فوقفت اتكلم معاهم لقيت الكتاب بيقع من وسط حاجتى وكان هيضيع منى فمشيت من وسط زمايلى بسرعة وقلت لا مش هتكلم مع حد اهم حاجة عندى احافظ على الكتاب اللى اداهولى الشاب ده وفعلا خدت الكتاب قبل ما يقع وحطيته فى وسط حاجتى تانى وكملت بقا مشى بيه

السلام عليكم رقم 12
الحلم ده لماما
وهي حلمت ان هي موجودة في بيت والدها بس البيت ده كان مليان قاذورات ولقيت بنت عمتي جاية بتفرجها علي  بنطلون لونه كاكاوي وتي شيرت وايشارب  هي جيباهم فماما عجبها البنطلون والتي شيرت بس الايشارب لا وقالتلها  ملقيتيش ايشارب احلي من ده وانتهي الحلم
بنت عمتي دي مقري فتحتها من قريب وخطوبتها  كمان شهرين