تفسير أحلام الاربعاء 25/1/2012

الحلم رقم (20)
حلمت انى كنت واقفة فى الشباك ببص على الشارع ولقيت عربية معدية قعدت ابص على الناس اللى جواها لقيت فيها شباب وفيه واحد منهم اعرفه هو جارنا فوقفت العربية قريب من بيتنا وانا قاعدة بتفرج عليهم فجأة لقيت نفسى معاهم قاعدة ورا الشخص اللى اعرفه وهو كان قاعد مالل وزهقان وانا عملت نفسى برضه زهقانة وكأنى بفكر فى حاجة فلقيته بص عليا شوية وانا بصيت له فإبتسم لى وغمز لى وكان عايز يكلمنى بس انا مكنتش مصدقة وكنت عايزة اضحك فلفيت واديت له ضهرى وابتسمت ولفيت له تانى وقلت له عندك فيس بوك فلقيته كان بيتكلم مع صاحبه وصاحبه كان باصص عليا وبيكلمنى بس انا مش فاكرة ولا كلمة وكنت مستنية رد اللى انا سألته ولسه كان هيرد الحلم خلص

أنا آنسة ومتدينة الحمد لله

عضوة عدد المساهمات : 72 تاريخ التسجيل : 18/07/2011

الحلم قم 21
انا كنت قرأت البقره والانعام ونمت شويه وصحيت وحلمت الحلم ده
شفت انى داخله بيت احمد قريبى بس كان مش زي الحقيقه البيت كان اوسع مدخله
واسع وسلمه واسع وحلو بس كان فى الحلم مأجرين لواحد المحل اللى تحت البيت وكان المحل له
باب برده جوه السلم وانا داخله البيت لقيت فى الجزء اللى جمب الباب اللى
الراجل فاتحه لقيت عيدان قصب كتير منها سليم ومنها عيدان اتعصرت وكان بيطير
فوقهم ذباب ولقيت حيطان السلم مش نضيفه كده من تحت فقلت فى نفسى هما
بينضفوا فوق بس وطلعت ولقيت الدور التانى تقريبا مأجرينه عياده او مستشفى
صغيره وبعدين لقيت انى فى شقه مع بنت خالتى (تبقى مرات اخو احمد) وكانت
اخته كمان موجوده ولقيت بنت خالتى بتقولى لبسى الولد ده الاندر بتاعه وشورت
فوقه فأخدت الهدوم عشان البسهمله وانا بلبسه الاندر لقيته مخنث يعنى عنده
العضوين بس كان فى دماغى انه ولد فى الاول كان العضو الذكرى الاول ووراه
لعضو الانثوى ووانا لسه بلبسه لقيته عمل حمام ميه فقلعته الاندر تانى وقلت
لبنت خالتى انه عمل حمام وبعدين لقيتهم حطوا اكل على تربيزة سفره ووقفت هى
واخوها ومامتها تقريبا وولادها واخت احمد ياكلوا وهما واقفين ومقالتليش
تعالى كلى بس انا اصلا مكنش فى دماغى عشان قلت ان هى عامله كمية اكل قليله
ويدوب كل واحد هياكل حاجه بسيطه ولسه احمد وجوزها هيجوا ياكلو وتقريبا انا
اللى كنت وصفالها الاكله دى وبعد كده دخلت انيم بنتها وكنت هنام كده جمبها
فلقيت اخت احمد جت تنام فقمت قايمه قلت السرير مش هيكفى قلتلها هروح انا
عندنا وكان بيتنا فى الحلم جمبهم مع انه فى الحقيقه بعيد عنهم ولقتنى بعد
كده داخله العياده او المستشفى وبقول للبنات اللى بيشتغوا فيها انى تبع
اللى فى البيت فدخلونى علطول او اللى تحتهم ولقيت واحده تانيه بنت خالتى موجوده وواحده
صاحبتنا ولقيتها ادتنى حتة جاتوه واكلتها وبعدين كان فيه تفاصيل تانيه انا
نسيتها انى نزلت وطلعت تانى ولقيت فى العياده على باب اوضه كده فى كرسى
وعليه تورته وجاتوه وكده وكانت عينى عليهم وكنت هاخد بس لقيت جوه الاوضه
واحده ست فاتكسفت وخرجت وقفلوا الاوضه على الحاجه وعرفت ان الحاجه دى جايه للى
بيشتغلوا هناك ولقيت بره بنت عمتى قعده على السلم على كرسى ومعاها كيك
وجاتوه وحلويات كتير وقعدت اكل معاها وكان اول ما يقرب اللى بيشتغلوا تخبي
الصينيه تقريبا وخداهم من وراهم واكلت كتير معاها وبعدين كان فيه مشهد تانى
انى كنت فى الشارع واخويا برده كان معايا بس كان بعيد شويه بيتكلم فى
التليفون ولقيت احمد بيرن عليا وكلمته وكنت تقريبا لابسه شال وبخبى
التليفون وانا بتكلم وكنت مستغربه احمد اوووى ومش فاكره كلامنا اوووى بس هو
طول المكالمه كان بيضحك كتير على غير العاده وكان بيقول ان عيد ميلاده
الجاي هنحتفل بيه مع بعض وكان مبسوط وانا قفلت لما لقيت اخويا جاى ولقيت
اخويا كان اخدنى عندهم وانا وقفت عند المستشفى اللى تحتهم فهو كان طالع فوق
عندهم فقلتله انا هستناك او انزل مش فاكره قالى تعالى اطلعى وتقريبا طلعت
مش فاكره وكنت بقول البيت حلو وواسع شكلى هقعد فيه علطول

مع العلم ان بنت خالتى واخوات احمد مش مرحبين بالموضوع بس انا الصراحه مكنتش شاغله نفسى بيهم وبقول المهم هو بيحبنى بس بجد انا اتخنقت من انه طول ومعملش حاجه وكان دايما يقولى ان فيه حاجه بتمنعه ونتعالج الاول بس هو لا بيقرأ قرآن ولا بيروح لحد يرقيه وانا تعبانه بقالى مده كبيره ومواظبه ع البقره والرقيه وخلاص بجد قفلت من الموضوع ده جااامد لانه حصل كلام كتير من بنت خالتى واخواته وهو للاسف شخصيته ضعيفه ومش بيغلطهم ابدا ويقول اكيد ميقصدوش فانا خلاص سيبت امرى لله وعاوزه انهى الموضوع
ربنا يجازيكى خير على تعبك معانا

الحلم رقم 22

اذيك يا ماما نجية . خير اللهم اجعله خير حلمت ان انا واختى الصغيره قاعدين فى سيارة بابا لحد ما ينزل وفجاه العربية اتحركت لوحدها وانا واختى كنا قاعدين قدام . اختى قاعدة مكان بابا وانا جنبها والعربية اتحركت واحنا مش عارفيين نسوق وكنا خايفين وانا كنت عماله اقول لاختى اعملى كده . وفى الاخر دخلنا شارع مليان عربيات , وكنا هانخبط فيهم . انا نزلت ولقيت شوية شباب واقفين وروحت لواحد منهم ممكن تيجى تركن العربية وقال حاضر وفعلا جه ووقف العربية وركنها مضبوط. وخلص الحلم على كده. الحلم ده كان بعد الفجر

انا انسه عندى 24 سنه ومتدينة والحمد الله

» تفسير أحلام الاربعاء 4/1/2012
» تفسير أحلام الاربعاء 11/1/2012
» تفسير أحلام الخميس 5/1/2012
» تفسير أحلام الأحد 26/8/2012
» تفسير أحلام الاربعاء 14/12/2011