تفسير أحلام الاربعاء 14/12/2011

سلام عليكم
انا انسة عندى 24 سنه اتخطبت مرتين ولم يحدث نصيب متوسطة التدين. حلمت يا ماما نجية ان انا واختى رايحين للراجل الى بيصلح الاحذية ( الاسكافى) وانا كنت شايلة كيس بلاستيك فى احذية حريمى ورجالى اعتقد ان عددهم 3 احذية روحت وقولتلوا انا عايزة اصلح الااحذية دى فقالى حاضر تعالى كمان يومين يكونوا خلصوا وخلص الحلم والحلم ده كان وقت الفجر.

جزاكى الله خيرا . لعله خير

الحلم رقم 3
انا حلمت امبارح ان خطيبى الاولانى خطب تانى وواحدة قريبته كانت عندنا وورتنا صورته مع خطيبته ولقيتها شبه واحدة ممثلة مش معروفة واختها اسعاد يونس الممثلة وهو كان لابس البدلة الموف بتاعة خطوبتنا بس كان مطول شعره زى قصة الشعر الكاريه البناتى فاحنا استغربنا هو عامل كده ليه فقلنا يمكن هيشتغل معاها


يا ماما انتى اكيد عارفانى الولد ده عمل فيا كل حاجة وحشة بس انا مش مسامحاه ومع ذلك ساعات بحن له وبحس انى محتاجه له لانى حبيته اوى


ايه راي حضرتك يا حبيبتى

سلام عليكم أنا والله رح مووووووت من البكاء أنا اليوم كامل و أنا أبكي لأنني حلمت بأمي أنها قد قطع رأسها و أنا في المنام خااائفة جدا و أبكي لكن أنا أتذكر أحداث البارحة فقد كنت أمزح مع أصحابي و فجأة هاجمني كلب صديق أعرفه و أيضا أتفكر أنني تفرجت على فلم فيه قتل و ذبح و دم و أنا في الحلم عندما رأيت رأس أمي قطع عند سقوط الرأس ذلك المشهد يشبه كثيرا اللقطة اللتي رأيتها في الفلم حبيبتي ما تفسير الخوف الشديد و قطع الرأس و لكي جزيل الشكر
( أحبك جدا يا ماما و إنشاء الله يكون هالحلم فال خير)

حلم رقم 7

الحلم رقم 8
ازيك يا ماما نجية انا عندى حلم
الحلم الاول : الحلم ده كان من شهر انا حلمت بواحد كنت مرتبطة بيه وسيبته علشان طلع مش كويس كداب وهو لسة بيدرس
حلمت ان هو فى امتحان بس نجح فيه وانا قولتله مبروك وكنت عادى جدا مش زعلانة علشان نجح


الحلم التانى : حلمت انهاردة ان خطيبة اخويا معاها نفس الموبايل بتاعى بس الفرق فى لون الكتابة بتاعى كان اسود ولون كتابتها كان احمر ( وف الحقيقة هى مش معاها موبايل زى بتاعى اصلا ) وبعدها نزلت من البيت وكان فى ناس بيضايقنى ف الشارع لدرجة كان فى ولد جاى يضايقنى وقولتله انت عارف انت فين انت ادام بيتى ولويت دراعه وضربته وجرى ورايا على السلم وحدف عليا طوبة بس الحمدلله مجتش فيا ودخلت شقتنا لاقيت نفسى حاطة ميك اب لما بصيت ف المراية واستغربت لان انا ف الحقيقة مش بحط ميك اب ومسحته وكان ف لون روز على مناخيرى وخدودى
علاقتى الحمدلله كويسة بس الحلم التانى شوفته وانا عندى البيريود وانا آنسة ومش مرتبطة ولا مخطوبة

حلم رقم 10

السلام عليكم ورحمة الله وبركاته

ازيك يا ماما نجية يا ست الكل بجد وحشاني كتير ، بصي يا ست الكل انا حلمت حلمين غريبين ، الحلم الاول :

حلمت ان اختي قاعدة على كرسي خشب وحاطة ورا رقبتها فوطة وتحت رجليها فوطة وانا دخلت عليها لقيتها عاملة كده قعدت اعيط لان الفوطة اللي تحت رجليها كانت فوطتي انا ولونها اخضر فاتح (الفوطة دي فعلا بتاعتي في الحقيقة ) وانا قعدت اعيط واقولها دي فوطتي انا دي فوطتي انا تعملي فيها كده ليه . مع العلم اختي متدينة مخطوبة عمرها 29 سنة ، الحلم ده قبل صلاة الفجر .



الحلم الثاني :

ومعلش استحمليني فيه لانه طويل شوية ، حلمت ان انا في فيلا كبيرة دورين ، وشوية وانا ماشية رايحة على الصالة فؤجئت ان العيلة كلها عيلة امي كلها موجودة في الفيلا خالاتي وخلاني واولادهم وازواج ولادهم كلنا كلنا ، وفجاة لقيت جدو ابو امي وهو متوفي في الحقيقة قاعد معانا بس كان شكله تعبان عيان زي ما يكون فاقد الذاكرة تايه مش مركز ، المهم احنا كلنا قاعدين حوليه وجه قعد يطبطب عليا ويوقلي متزعليش ويبوس فيا ويحضني جامد ، وبعدين شوية وطلعت فوق في الدور التاني لقيت اوضه كبيرة مربعة خالاتي وازواجهم فيها الستات في ناحية والرجالة في ناحية بس شايفين بعض والستات قاعدين مع بعض واحدة من خالاتي بتقول ان الرجالة مش بتحب الست التخينة وبيقرفوا انهم يتجوزوها ، فوالدتي في الحلم بتبصلي اوي وبتقولي سامعة قمت يا ماما نجية بقيت زي المجنونة قعدت اصوت فيها واقولها تاني تاني بتحرجيني ادام الناس انتي ايه انا بكرهك بكرهك بكرهك هي سكتت خالص بس وشها اصفر ، وقمت قعدت ازعق فيهم كلهم وقلتلهم قسما برب العزة او رب الكعبة او بعزة جلال الله قسم زي ده اللي هتفتح بقها معايا بكلمة عن التخن والرفع والجواز هبهدلها فاهمين يعني ايه اي حد مهما كان مش هيسلم من لساني هطول لساني على الكل ومش هرحم حد من لساني مهما كان فاهمين فاهمين وصوتي علي لدرجة ان الرجالة سكتوا هما كمان وبقوا بيسمعوني ومشيت وسبت القعدة ، وطلعت الدور التانيدخلت اوضه مربعة كبيرة ولاد خالاتي وازواجهم قعدين فيها والاوضه فيها شباك كبيرررررررر اوي فحد من ولاد خالاتي بيقولي الناس كلها مبتجيش الا بالعين الحمرا وقلة الادب قلتله عندك حق من هنا ورايح هما حريين مش هسكت لحد ، وانا بكلمه لقيت حاجة زي الطلقة اضربت من بره وحاجة اترمت جوه الاوضه ببص لقيتها علبه عاملة زي القنبلة شكلها غريب فتحتها لقيت فيها زي ميدالية سوداء مكتوب عليها بالابيض ولقيت كمان مناديل ملفوفة زي ما السجاير بتتلف انا قلت ايه ده سجاير دققت لقيتها مناديل ملفوفة وش المنديل ذهبي ووشه التاني ابيض دا في ناحية والناحية التانية نفس المنظر بس بدل الذهبي المنديل وشه فضي والوش التاني ابيض . وقفلت العلبة على كده ببص لقيت نص العلبة زي ما يكون فيه شئ تاني مستخبي بفتحه لقيته زي خط تليفون او جهاز لاسلكي صغير اوي حاجة زي كده استغربت اوي وقفلت العلبة عليه تاني بس مسكت العلبة جامد ومقلتش لحد على اللي لقيته .

وبعدين لقيت جدي تاني زي ما يكون موقفنا كلنا صف عشان نسلم عليه نودعه حاجة زي كده العيلة كلها في الصف ده ، وانا كنت في اخر الصف فجاة متسالنيش ازاي بس لقيت نفسي في الاول عند جدو وبيلم عليا وبيحضني جامد وكانه بيمسح دموعي ويقولي متزعليش متزعليش وزي ما يكون بيوصي ماما عليا ، انا واقفة معاه في الاول ومعايا ماما وبابا بس مشفتش بابا وبعدين بساله في الحلم بقوله يا بابا احنا رايحين فين قالي مسافرين نيويورك وفعلا يا ماما اول ما خرجنا من باب الفيلا كاني بقيت في بلد اجنبي ووقعدت ابص وانا مذهولة مش مصدقة وقمت من النوم على كده .

الحلم ده شفته من الساعة 11 الصبح لغاية 2 الظهر وكنت نايمة معيطة قبليه ومضايقة ، انا انسة 32 سنة حالتي الدينية متوسطة حالتي النفسية تعبانة جدا جدا وقلقانة اوووي . طمنيني يا ماما نجية دا ايه وخاصة اني قلقانة من زعيقي في ماما والكلام اللي قلتهولها .

الحلم 12
جدى حلم انه بيصلى فى المسجد وهو ساجد لقى عروسة حلاوة اللى هى بتاعة المولد النبوى وبعدين خطيب المسجد قاله دى دهب انت تاخد نصفها واحنا نصفها وبعدين اخد نصفها واعطاها لجدتى
جدى عنده جلطة وكفيف

الحلم 13
السلام عليكم ورحمه الله وبركاته
اذيك يا ماما نجيه يارب تكونى بخير
انا رايت بالمنام ان فى شخص اعطانى 50 جنيه تقريبا حد من اهلى وكنت فرحانه اووووووى بيها
وبرده حلمت انى بقول انى هحنى ظوافرى لان ظوافرى مش متحنيه حلو اوى يعنى لونها فاتح وانا عوزاها غامقه
انا انسه عندى 23 عام الحاله الاجتماعيه عزباء
ما تفسير حلم السمك المشى فى المنام