تفسير أحلام السبت21/1/2011

الحلم رقم (4)

انا حلمت انى كنت ماشية فى شارعنا ومعايا واحدة مش عارفة اختى ولا
صاحبتى كنا ماشيين فى الشارع لغاية ما وصلنا لاوله قابلنا ولد ييجى عنده 12 او 13
سنة طلب مننا 15 قرش فالبنت اللى معايا قالت له مش معانا راح قال لى انتى كنتى
هتقولى معاكى صح ولا لا قلت له لا انا كنت عايزة اقول لك انا مش معايا وحتى لو
معايا مش هديلك وضحكت وهو ضحك علشان قلتها بطريقة هزار
بعد كده بصينا قدامنا
لقينا بحر فلقيت الولد اللى كان بيكلمنا قال يلا بينا وجرينا على البحر ولقيت برضه
اولاد وبنات اصحابه بيجرو معانا لغاية ما وصلنا للبحر بس برضه موقفوش وفضلنا نجرى
بعد البحر ونعدى على اماكن غريبة لا فيها بيوت ولا مواصلات بعد كده عدينا فى حتة
فيها شمس وانا حسيت بحرارة الشمس كأنها حقيقة بس مكنتش سخنة كانت زى ما بتكون الصبح
بدرى كده وبصيت على الشمس وبعدين واحنا بنكمل جرى وانا مش عارفة احنا رايحين على
فين انا دورت على 15 قرش علشان اديها للولد ولقيت معايا واديته 15 قرش وهو ابتسملى
وكملنا جرى لغاية ما وصلنا مكان غريب فيه حديد مصدى وكلهم عدو من باب كان عليه حديد
وانا مكنتش عارفة اعدى فناديت على الولد قال لى عدى المكان واسع وهيعديكى انا كنت
ببص للباب وكنت بحاول اعدى من الحديد اللى عليه وقدرت اعدى بعد ما عديت لقيت هدومى
متغبرة بالتراب والاولاد برضه كانوا كده فأنا قلت لهم بهزار يا متربين يا معفنين
وضحكنا وخلص الحلم على كده
أنا آنسة ومتدينة الحمد لله