تفسير أحلام الاربعاء 11/1/2012

الحلم (10)

انا رايت صديقتى بتتزوج من ابن عمها وكانت لابسه اسود فبقولها مش دة اللى كان عايز يجوزك من زمان وانتى رافضتى بتقولى ايوة فبقول سبحان الله انك وافقتى عليه مع انها كانت لابسه اسود فبقولها مش لابسه فستان الفرح ليه وبسالها هتروح فين تتمكيج قالت لى انها هتعمل دة وهى قلعت الاسود ولبست فستان الفرح لثوانى وبعدها قلعت ولابسه عبايه لونها ازرق ومطرزة بالفضى وبعدها روحنا محل دهب عشان انا كنت عايزة اختار خاتم فلبست خاتم وقالعته ودقعدت ادور فى المحل فراحت صديقتى اختارت لى نفس الخاتم فانا قلت لها لا انا اختارته قبل كدة وهو مش عاجبنى وبعدها اخترت خاتم جميل وبفصوص سودة وشكلها حلو فصحبتى بتقولى دة يشبه الخاتم بتاعى قلت لها لا اش جاب لجاب بتاعك مكعبر لكن خاتمى شكله حلو ودفعت للصايغ 1000 وقلت له هروح اجيب لك باقى الفلوس (مع العلم ان صديقتى مش متزوجه ولا انا )وجزاكى الله كل خير

الحلم رقم 12
ازيك يا ماما نجية انا حلمت ان انا كان معايا جزمة سوداء وعليها تراب المفروض ان دى كانت اختى جيباها لمامت خطيبها فى الحلم هدية وانا اخدت الجزمة علشان اوريها لخالتو وجيت اقيس الجزمة لبستها لاقيتها واسعة اووى وقلت لخالتو دى كبيرة وكانت مش نضيفة وبعد كدة مامت خطيب اختى جت عندنا فى الشقة بس اللى انا شوفتها فى الحلم مكنتش هى كانت واحدة تانية مااعرفهاش بس ماما كانت بتسلم عليها على اساس انها مامت خطيب اختى
اختى هتتجوز ان شاءالله كمان شهر وانا الحلم شوفته بعد الفجر وانا الحمدلله علاقتى بربنا كويسة مواظبة على قراءة سورة البقرة وانا آنسة مش مرتبطة ولا مخطوبة

الحلم رقم 8

حلمت خير يارب
ان زي ما يكون بابا طالع من الشغل و تقريبا شايل حاجات شاريها و كان بيزج و ببص ع الجذمه بتعته زي ما يكون مقطوعه من كعبها و بابا وقع و جه اخويه قاله كنت فين يا محمد ع يشيل معاه بس بابا قام تاني

و برده ف نفس الحلم كاني كنت ماشيه جمب دكان بيبيع سمك و لاقيت 3 رجاله بيقوله ع السجاده بتاعتي دي بتاعه مين وواحد قال انها بتاعته روحت قولت لا دي بتاعتي و اعدت ااقول قسما بالله دي بتاعتي و كان ف مذيعه قالت فعلا دي بتاعتها هي

انا متزوجه و عندي ولد و بابا مطلق

ربنا يخليكي يا ماما نجيه طمنيني