عدد المساهمات : 38 تاريخ التسجيل : 07/11/2011 العمر : 34
موضوع: رد: تفسير أحلام الثلاثاء 29/11/2011 الثلاثاء 29 نوفمبر - 20:43
معلشى يا ماما اا عارفه انى متقله على حضرتك بس صاحبتى حلمت ان العريس اللى كان متقدملى رجع تانى و انى كنت بقولها انى موافقه عليه وبعدين شافته عندنا فى البيت
DR_MIRO مشرفة الترحــــيب و الاجتماعيات
عدد المساهمات : 258 تاريخ التسجيل : 16/08/2011 العمر : 45 الموقع : في بلاد الله المزاج : اللهم انك عفو تحب العفو فاعفو عني
موضوع: رد: تفسير أحلام الثلاثاء 29/11/2011 الثلاثاء 29 نوفمبر - 20:53
الحلم رقم 22
ازيك يا ماما نجية ايه اخبارك وحشاني جدا ، المرة دي يا ماما مش حلمي انا دا حلم ولحدة صحبتي ، حلمت انها بتملم جوزها في التليفون وفجاة راح مزعق وقالها انتي حرة اعملي اللي انتي عيزاه ، انتي طالق المهم ارجع البيت ملقكيش فيه تاني ، وصحيت من النوم على كده .
هي متزوجة 28 سنة ، حالتها النفسية تعبانة جدا جدا ، خناق ومشاكل مع جوزها على طول ، حلمت الحلم ده الساعة 7 مساءا . ياريت يا ماما تقوليلنا دا معناه ايه . وان شاء الله هكلمك قريب في التليفون .
ماما نجية شخصية vip
عدد المساهمات : 5535 تاريخ التسجيل : 17/07/2011
موضوع: رد: تفسير أحلام الثلاثاء 29/11/2011 الثلاثاء 29 نوفمبر - 20:55
الملكه حتشبسوت كتب:
الحلم 1 ازيك يا ماما نجيه عامله ايه يارب تكوني بخير و بأحسن حال يارب
انا حلمت انهارده اني في بنوته عندها 6 شهور و كان في واحده قاعده جمبينا و انا كنت بأكلها و البنوته دي كانت قاعده و انا سانده ضهرها بايدي بس حسيت انها بعدت عني شويه فالي جمبينا دي قالتلها معلش انا هقولها تغسل سنانها بعد كده و بعدين روحت حطيتها على رجلي و اخدتها في حضني و اكلتها بالمعلقه
بعد كده كنت عايزه ابوسها راحت هي باستني و قمت مبسوطه اوي
انا انسه 23 سنه ملتزمه الحمد لله
حبيبتى ان شاء الله سوف يرزقك الله بدنيا جميلة وجديدة ورزق من حيث لاتحتسبى والله يوفقك
مروة شلبي كتب:
ان شاء الله طبعا يا قمر
الحمد لله كتب:
حلم رقم 2 للعضوه mabc55
الحلم رقم 20 السلام عليكم ورحمه الله وبركاته
اختى دينا انسه ومش مرتبطه اختى دينا حلمت ان انهرده فرح اخويه حماده فى البيت عند ماما بس مكنش فى فرح ولا هيصه ولا حاجه خالص من كده وكانت تيسير عرسته كانت لابسه فستان ابيض بتاع الفرح ودينا كانت رايحه الحج هى وطفله عندنا اسمها شهد كانو ريحين الحج ف ماما قالت لها يا دينا حماده رايح معاكى الحج هو كمان يوم الصبحيه ف دينا قالت لها يا ماما حماده رايح الحج يوم الصبحيه يعنى ف ماما قالت لها اه يا دينا رايح معاكى حماده وبعد كده ماما ودينا وحماده واسلام اخو تيسير كانو اعدين افى برج عالى اوى ف ماما وحماده اخويه كانو بيتكلمو مع بعض ودينا واسلام كانو اعدين مع بعض فى البلكونه وبيتكلمو مع بعض وبعد كده اسلام بيقول ل دينا انتى بردانا يا دينا ف دينا قالت لهو اه انا بردانا يا اسلام ف اسلام قال لها طيب تعالى ننزل تحت من البرد يا دينا ف دينا قالت لهو ماشى ف نزلت دينا من البلكونه عن طريق النط من البلكونه اللى هى واقفه عليها على البلكونه اللى تحتها وتنط من بلكونه ل بلكونه اللى تحتها وبعد كده كان فى ونش ف دينا نطت فى الونش من غير ما تتعور لا حاجه خالص وبس كده الحلم يا ماما نجيه
وجزاكى الله خيرا يارب
حبيبتى انا مش عارفة فيه علاقة بين اسلام ودينا عموما فيه امنية لدينا سوف تتحقق وربنا يسر امور حمادة وهيتزوج باذن الله وربنا هيعلوا قدرهم بس دينا مش هيعجبها العريس وهتحاول الهروب ولكن ربنا هيسلم وباذن الله تحافظعليه والله يسعدها
الحمد لله كتب:
حلم رقم 3
للعضوه tota40
الحلم 21 السلام عليكم ابنى حلم خير انة بياكل كفتة مشوية وانى الراجل قالة انها 60ج واندفع 50ج وباقى 10ج فابنى دفعها واكل الكفتة وانا حلمت انة بيشترى كوسة
حبيبتى فيه رزق قريب لابنك وفيه موضوع خير له ولكن هيغرم فى هذا الموضوع فول ختى يتم وربنا يسهل ويكون جواز له اذا كان ميعاد الزواج
سوسي موون كتب:
الحلم رقم 4 .. السلام عليكم ورحمة الله وبركاته يا امي يا رب تكوني بخير وف اتم صحة... انا كنت حلمتخير اللهم اجعله خيرا اني رايحة لعمتي (اقبال) اقولها اني هتخطب قريب قوي لواحد عنده صفحة ع الفيس وصفحته دي ليها 60 الف معجب ... ولكن فوجئت ان عمتي بتقولي ان هي كمان اتخطبت واتكتب كتابها من واحد اسمه كريم وانه هو راجل عجوز زيها .. وبعدين جيت واناا ماشية حفبدها هو طفل صغير اصر انه يوصلنا بالعربية بتاعت باباه وفعلا نزل وصلنا بعربية بابا بس الطفل ده كان بيسوق وهو لابس ملابسه الداخلية مع انه مش طفل صغير لا ما شاء الله كبير يعني ف اعدادي .. ولاقيت معايا ف العربية منى بنت عمتي هي كمان كان بيوصلها وفعلا نزلت قريب من بيتها وكملنا انا وهو ف الطريق بس انا كنت طول الطريق بكلم ابن عمتي اللي مامته هتتجوز دي ف التليفون ( هو شاب لسه مش متجوز ) وقاعدين نرغي وكان هو قاعد بيعزف ع البيانو وانتهى الحلم طمنيني يا امي بالله عليكي انا طبعا مش متزوجة ولا اعمل وبصلي الحمدلله وبستغفر ع طوول ونفسيتي مخنووووقةقووووووي عشان مش بيحصل حاجة جديدة ف حياتي .. وعمتي سيدة عجوزة قوي ربنا يديها الصحة وزوجها متوفي
حبيبتى ان شاء الله فيه شخص هيعجب بك وممكن يتقدم وفيه عندك حبة نكد وربنا يعديهم على خير وفيه امنية لك سوف تناليها وفيه كلام كذب هتسمعيه من ابن عمتك والله يوفقك
KOKO_FEX كتب:
حلم رقم 5
اهلا ياماما ازيك
انا عندي 21
طالبه في اخر سنه
انسه
حلمت اني كنت عايزة اشتري شنطه وكان معايا خالاتي وانا واقفه في المحل مفيش ولا واحده عجبتني غير بني بس معجبتش خالتي عزة فقولت خلاص بس حسيت ان الكل مترقب هاخد ايه وخصوصا يسرا بنت خالتي وكان معايا مني اختي بتساعدني اني انقي بعدين رحنا بيت خالتي لقيت ماما هناك راحت خالتي اللي هي ام يسرا كانها كانت راجعه من سفر وبتقول لماما جبنلكوا تليفزيون احسن
قعدنل انا وماما بنتكلم سوا
فجاءه لقيت نفسي مع منه الله صحبتي """ كانت من ايام الثانوي مخطوبه بس معرفش عنها حاجه دلوقتي """
ودخلين محل جزم فالمهم هي كمان كانت عايزو تغير جزمتها لان حصلها حاجه بس مجبتهاش معاها
هي الست اللي بتبيع اللي كانت بتختار لنا وقالتلي انتيعايزة تغيري جزمتك ليه قولتلها اصلها عاليه عاليه "" هي في الحقيقه قديمه "" ولقينا في المحل ست وبنتها قاعدين المهم الست اختارت لي جزمه كعبها عاااااالي اوي قستها كنت هقع قولتلها لا مش هينقع
مش هعرف امشي قولتلها انا عايزاها ارضي راحت اختارتلي برضو احده بكعب بس مش عالي زي التاني بس احلي اول ما عرضتها كانت البت اللي مع امها عايزاها قالتها هشوفلك زيها راحت البنت دي بصتلي بصه وحشه
واخدنا الجزم ومشينا انا ومنه
روحت البيت بفرج ماما واخواتي لقيت اني في جزمه انا جيباها لماما بس كانت حلوة ولقيت فرده بس كان كعبها عالي برضو وكعبها مفتوح كان الكعب كان فيه حاجه فببص علي الارض لقيت بتاعه كده عامله زي العمله لونها دهبي ومرسوم عليها حلقين رحت قولت لماماما اها انا افتكرت دي كان فيها الحلقين دهب اللي خالتي ادت لبنتها واحد وادتني انا فرده ولقيت فجاءه الحلقين في ايدي " فرده من بتاعتي وفرده من اللي اخدتها يسرا"
حلمت انها كانت عند تيته وكان جيرانها رسميه وام نوره قاعدين وراها عمتها ندهت عليها بتقولها انزلي قالتلها انا تعبانه قالتليها احنا جبنا شبكتي انا راحت اختي مني نزلت لها قالتلها قوليلها ماما تعبانه ومش قادرة تنزل راحت اختي جابت الشبكه وطلعت وعجبت ماما اوي
كانت دبله وخاتم ومحبس وكانت فيها فصوص الماظ بتلمع اويع الحلم اللي كتبته
حبيبتى فيه عريس سوف يتقدم لك ولكنك هترفضيه وان شاء الله فيه عريس اخر وهترفضى ايضا وفى الاخر هتستقرى على عريس جميل وان شاء الله ربنا هييسر امرك وهتخطبى مثل منه صاحبتك ومن جاور السعيد يسعد وان شاء الله سوف تنالى مناك اما الثانى خير وبشرى لك وان شاء الله سوف تخطبى وتنالى مناك والله يوفقك
ماما نجية شخصية vip
عدد المساهمات : 5535 تاريخ التسجيل : 17/07/2011
موضوع: رد: تفسير أحلام الثلاثاء 29/11/2011 الثلاثاء 29 نوفمبر - 21:59
رودي زمان كتب:
[color=darkblue]الحلم رقم 6 السلام عليكم ورحمة الله يا ماما .. الحلم ده لاختي وهي قلقانة قوي من ساعة ما شافته .. هي حلمت ان عمي اسمه شعبان جاي بيقول لوالدي ان (خيرية) - دي واحدة ست كانت جارتهم ف بيت جدتي القديم اللي حاليا مهجور ومحدش بيروحه- المهم ان خيرية دي عزماهم ع اكلة فتة لحمة .. بس محدش راح العزومة دي غير اختي بس .. وهي لما راحت ملاقتش العزومة فتة لاقيتها قرنبيط بس هي اضايقت ومرضتش تاكل هي يا ماما انسة ومش بتصلي [/color]
حبيبتى لاتخافى ففيه خير من معرفة قديمة سوف يصلك وربنا يسهل وتقبليه ان شاء الله
حلمت ان خطيبى السابق جه عندنا البيت وانا كان كان عليا البيريود وخلصت وشكلى منعكش كده
فاول اما عرفت ان هو جريت على الحمام عشان استحمى واظبط نفسى بس حسيت انى مش حالحق فرجعت جرى على اوضتى وقفلت الباب عشان البس وكده ومايشفنيش وانا كده منعكشة يعنى
وبعدين ماما قاعدة بتتكلم فى تليفون ادام باب اوضتى وقاعدة على كرسى فخطيبى السابق قالها ماتحطيش (او ماتخليش)ايمان(اللى هو انا)تاكل عشان انا جايبلها سمك تقريبا مشوى وملفوف كده فى حاجة....
وبعدين كان فيه تورتة محطوطة فى الصالة فماما قالت تعالوا كلوا وقالت لخطيبى السابق يدخلى الاوضه عشان اطلع فانا لما لقيته داخل فضلت ازعق عشان مايدخلش عشان كن لسه مالبستش ومش عايزاه يشوفنى وانا منعكشة كده..
بس وقمت من النوم
انسة كنت مخطوبة وانفصلنا مهمومة الفترة دىح بالله عليكى طمنبنىىىىىىىىىىىىىىىىىىى
حبيبتى ان صدقت رؤيتك فسوف يعود خطيبك السابق ويتم زواجك باذن الله والله يوفقك
نودى2 كتب:
الحلم رقم 8 حلمت
انى فى مكان مش واضح هو ايه بالظبط وسمعت ان جوز اختى مات وان اختى لبسه عباءه سوده وجه فى بالى ان لسه باباه ميت من فتره بسيطه وفى جزء مش ادره افتكره كويس ولقيت نفسى فى شارع ومسكه فرختين فى ايدى اليمين وفرخه فلتت من ايدى وكنت ادام محل وفى ناس الست بتاعت المحل تنظيف فراخ مسكت الفرخه وانا قلت ليها انى هنظف عندها 4 فراخ ولما هيا مسكت الفرخه الفرخه وقعت منها بيضه كانت طريه ادحرجت على الارض شويه وبدات تاخد شكل لبيضه العاديه وفى الاخر اتكسرت فلقيت فى ايدى معلقه ورحت حطيتها فى البيضه وشلت محتوا البيضه ولقيت مرات عمو ادامى ولقيتها فحت بقها وراحت وكله البيضه النيه والمعلقه كانت فى ايدى واستغربت انها تاكل بيض مش مستوى وبعدين لقيت نفسى فى شقه تيته وكان فى قطه صغيره ماشيه ورايا وعايزه تيجى معايا فى اى مكان فرجعت فى المكان الى فيه اختها الصغيره التانيه علشان تفضل معاها وكان فى ارنب حطيت ليه خس وعيش وبعدين كنت فى مكان فيه فرح وناس كتير فى الشارع ولقيت ان حد جه يقول ان اخت العروسه ماتت والفرح وقف
حبيبتىرؤيتك كلها خوف ونكد وهذا دليل على انك مهمومة عموما زوج اختك عمره طويل اما انت فعندك حبة قلق وخوف من شئ ولكن ان شاء الله ربنا هيعديهم على خير وربنا هيرزقك خيرا قريبا والله معك
الأمل فى الله كتب:
الحلم رقم 9 ازي حضرتك يا امى الغالية النهارده انا حلمت امبارح حلم بس مش فاكرة غير جزء صغير وهو انى كنت موجودة فى مكان جمب المكتب اللى بشتغل فيه قريب منه بس كنت موجودىة على اساس انه ده بيت صاحب بابا وجار لنا وكده وكنت منتظرة بابا بس وانا واقفه وببص من بره على البيت من جواه لقيت فيه حرباية لونها اخضر بس هى لونها مش متلون زى ما حنا عارفين لكنها كانت خضرا وبعدين هى قعدت تبخ عليا شوية حاجلات من بقها فانا طلعت قبل ما تيجى عليا وقفلت عليها الباب فبابا جه مع صاحبه ده فلقانى واقفه فى الشارع فصاحبة قالى واقفة كده ليبه فقلت له عالحرباية فلما دخل البيت مالقاش وبعدين طلعت معاه انا وبابا وبابا مرضيش يبات عنده طلعنا لحد الدور الثالث ونزلنا تانى وبعدين لما روحت البيت كنت ببص على ايدى لقيت ايدى فيها 3 او 4 صوابع زيادة فى كل كف والصوابع دى قصيرة ومنهمصوبع مقطوع حتة منى وكان شكلهم غريب اوى وكان عليهم ظوافر بس كان شكلهم زى صوابع وأظافر الفار تقريبا ولما لقيتهم كده فجحأة قعدت اعيط واقول يارب انا ايدى ما كنتش كده والنبي يارب ايدى ماكنتش كده حتى بابا قام من النوم على صوت عياطى وانا نايمه وكانت الساعه وقتها 6.30 ص
ملحوظة: الراجل ده جايلى عريس عن طريقه بس لسه ما قابلناش العريس . طمنينى يا امى بالله عليكى شكرا لحضرتك
حبيبتى رؤيتك تدل على ان هذه الزيجة مش كويسة عموما فيه واحدة بتتلصص عليك وبتتكلم امامك بكلام ومن ورائك بكلام اخر احزريها اما الاصابع الزيادة ان شاء الله فيه زيادة فى اولاد اخواتك والله يوفقك
الفردوس الاعلى كتب:
الحلم رقم 10 حلمت ان الشخص اللى انا بتمناه وهو خطب دلوقتى حلمت انه انتحر وانا بقيت زعلانة وكان فيه واحد صاحب جدى اسمه احمد نايم عندنا وبابا بيقولى اعملى شاى فمرضيتش اعمل وطلعت فوق على السطح وانا طالعة على السلم لقيت طوب مرصوص سادد السلم حاولت انى اطلع معرفتش وقولت لو طلعت مش حعرف انزل بس زقيت الطوب فى ركن ووسع الطريق وطلعت وطلعت لقيت السور بتاع البيت مش موجود وكان تقريبا على البيت رمل واقعدت اعيط وكنت بتصل بسارة صحبتى علشان اقول لها انه مات بس ما تصلتش بيها وانا قاعدة على السطح شوفت امه واخته فوق على السطح وبينشروا هدوم بيضاء وامه لابسه عباية لبنى .على العلم انى استحالة اشوف سطحهم من عندنا وامه ماتقدرش تطلع السلم.وانا قاعده على السطح لقيت اطفال الشارع بتاعنا كلهم على السطح وكانوا بيبصوا من فوق خفت عليهم وبقيت اشدهم علشان مايقعوش وجت واحدة جارتنا اسمها امل اخدت حبيبة بنتها علشان ماتقعش وكان فيه طفل اسمه ادهم بس بعدين اكتشفت انه منتحرش ولقيت امى بتقول ان امه بترمى عليها كلامقولتلها زى ايه قالت بتقول انا بتاعة العلامية يعنى فيما معناه انها كانت ماجرة ارض من العلامية ومدفعتش 500جنية وامى بتقولى انه اتخانق معاها وانتحر علشانى وقالت ان تاثير الانتحار حصل عندكوبرى الخليخ.منطقة عندنا. ولقيت ناس من شارعنا بيقولوا ان سارة مرات صاحبه كانت فوق سطح جارتنا اللى هى فى الحقيقة مرات صاحبة وكانت بتصوت عليه بس انا فى الاخر عرفت انه مامتش .فهمنى يا امى ايه معناه وكده هو حيرجع ولالا
حبيبتى هذا الشخص خطب خلاص ومات من تجاهك انت يعنى انتهى حبكم ولكن ان شاء الله انت هتخرجى من هذه الازمة وهتعدى على خير وربنا هيرزقك بدنيا جميلة وجديدة ولكى مفاجاة سارة وعريس جميل قريبا ان شاء الله
marooo21 كتب:
الحلم رقم 11 ازيك يا ماما نجية يارب تكونى بخير الحلم ده حلمته بعد صلاة الفجر انا حلمت ان انا كنت فى بيتنا وكنت بمسح السلم بتاع البيت بتاعنا من اول شقتنا لحد اخر سلمه واحنا ساكنين ف الدور الاول وبعد كدة دخلت الشقة وكنت بنضف السجادة بس السجادة اللى شوفتها فى الحلم هى مش موجودة عندنا فى البيت وكنت بنضفها بقماشة فيها الصابون وبمسحها بيهاوكان فيها تراب وانا بنضف لاقيت واحدة جارتنا جت عندنا ومعاها بنتها وبنتها دى اصلا عايشة فى السعودية ولسة مانزلتش وكانت مامتها بتسالنى انتى لسة مش هتوافقى على العريس اللى كان متقدملك وانا زعقت وقولتلها خلاص بقى مش هنتكلم فى الموضوع ده تانى وكانت زعلانة انا كان متقدملى عريس من شهرين وماحصلش نصيب
وفى حلم تانى بردوا حلمته حلمت ان انا كنت مع لاعيب الكورة محمد شوقى فى عربيته وكانت عربية جميلة اوووى وروحنا عند بيته وكان فى بنتين قالى على بنت منهم اسمها عليا وقالى انها بنته
وجزاكى الله كل خير يا ماما نجية
حبيبتى ان شاء الله سوف يزول كل همك وربنا هيرزقك بعريس اخر يسعدك باذن الله
kamar1911 كتب:
حلم رقم12
بسم الله الرحمن الرحيم ارجو من ماما نجية التفسير اول الحلم مش فاكراة بس اللى فاكراة انى كنت بجرى فى الشارع زى رياضة كدة وبعدين افتكرت انى اجيب لبسى من شقتى عشان كنت لابسة ترنج ولسة داخلة شقتى لقيتها مسروقة واول حاجة لاحظتها البراويز كلها متشالة دخلت جرى على اوضة نومى لقيت كل قمصان النوم مسروقة والغريب ان علبة الدهب بتاعتى زى ماهى وكمان فيها دهب زيادة قعدت اصرخ وصوتى مش طالع وحماتى طلعت وقعدت اعيط جامد واخدت علبة الدهب اعينها فى حتة وببص لقيت الشبابيك مفتوحة وفى واحد ومراتةماعرفهمش واقفين بيبصوا علية وعرفت انهم اللى سرقونى وعايزين يعرفو هاحط الحاجات دى فين جيت اقفل الشباك لقيتهم بيحدفو عليا زجاج بس الحمد لله ماجاش فية ارجو التفسير ولكم جزيل الشكر متزوجة ولا يوجد اولاد
حبيبتى فيه عندك قلق كبير وفيه ناس مراقبة افعالك وبتحاول سرقة سعادتك وهتسبب لك مشكلة فاحرصى من من تتعملين معهم وحافظى على بيتك وزوجك والله معك
harty كتب:
الحلم رقم13
السلام عليكم يا ماما جدتى حلمت ان اخت جوزها المتوفيه جايبه سلفتها فى الشارع وسلفت تيته دى عامله عمليه فى عين واحده وخالتو برضه حلمت ان عمها اللى هو جوز سلفت تيته عامل عمليه فى عينيه ايه تفسير العمليه فى العين يا ماما؟؟
معلشى وحلم كمان لامى هى حلمت ان اختى بتولد واحنا فى المستشفى وماما بتقول ادعولها وبتزعق بصوت عالى وبعدين راحت جرى لاوضه الولاده لقت تيته بتقولها متقولوش كده اكن اختى ماتت فماما قعدت تعيط وطلع بيبى كبير اوى على وشه بلاستر ماما قالتله انت اتولدت ملكش ام وفى نفس الوقت دكتور تانى طلع بيبى تانى اصغر من الاول والدكتور بيلبسه وكده يعنى اختى ولدت 2 بس هى ماتت لقدر الله هى اختى رايحه تعمل اشعه بالصبغه بكره باذن الله وخايفه منها جدا وربنا يستر
حبيبتى سلفة جدتك وزجها كان عندهم تقصير فى دينهم والله يهديهم اختك عندها هموم لكن ربا هيفرجها عليها ان شاء الله وعمرها طويل باذن الله والله معها
الحمد لله كتب:
حلم رقم 14 للعضوه ayosh_177
السلام عليكم و رحمه الله انا النهارده حلمت ان انا واقفه امام المرأه و بحط ميك اب وكان شكله حلو على وشى و بعد كده صحيت ممكن تفسير للحلم ده ضرورى
انا عندى 13 سنه فى شهر 2 هكون ان شاء اله 14 سنه و انا فى 3 اعدادى
حبيبتى انت عندك حبة غرور ولكن ان شاء الله ربنا سوف يصلح حالك ويوفقك
وكانت برده واحده قريبتنا قاعده قدام بيتنا وبعدين اختى خرجت سلمت عليه وباسته من خده
وباست ايده وانا كمان خرجت وبوسته فى خده ولكن مش بوست ايده زى اختى وانتهى الحلم على كده
.....الحلم التانى ده اختى حلمت بيه لواحده قريبتنا
قريبتنا دى ياماما اسمها ايمان ومتزوجه وعندها 30سنه بس هى فى بيت اهلها بقالها فترة
فيه مشاكل بينها وبين زوجها واحتمال يكون فيه طلاق
....اختى بقى حلمت ليها انها واقفه مع واحد اسمه حسين وكان بيسألها لو كانت اطلقت
من جوزها ولا لا وهى قالتله لا قالها خلاص انا هروح لزوجك وهطلب منه يطلقك عشان
انا عاوز اتجوزك وبعدين اختى حلمت ان فى بيت زوج قريبتى ان بنات العيله بتاعتنا هناك وزى ميكونوا بيشلوا فى حاجه وانتهى الحلم على كده
حبيبتى بوسة جاركم هو فراقه والله يرحمه اما الثانى قريبتك ربنا هيرزقها بمن يقف بجوارها والله يصلح حالها ان شاء الله
ماما نجية شخصية vip
عدد المساهمات : 5535 تاريخ التسجيل : 17/07/2011
موضوع: رد: تفسير أحلام الثلاثاء 29/11/2011 الثلاثاء 29 نوفمبر - 22:37
tota40 كتب:
الحلم رقم 16 السلام عليكم الحلم يخص واحدة صاحبيتى حلمت انها قاعدة مع اختها وزوج اختها وبنتة قاعدة امامهم وفى حد جى وادالة خرطوم صغير وبيقولو خد اضرب بية واحدة تبقى مرات ابن اختها اسمها غالية علشان عليها جن فهو مسك الخرطوم وضربها فصحبيتى اعترضت وزعقت معاة وقلتلو اسكت بدل مافضحك الى بيتو من زجاج ميحدفش الناس بالطوب وقاعدت تخبطو فى الحيطة والارض وهو يبس لبنتة على انها السبب والشخص دة كان سب صاحبيتى وهى مردتش تفضحو فى بنتة وقالت دى بنت اختى اللمهم اخدت البنت الى اسمها غالية وقالتلها متخليش حد يعمل فيكى كدة واقرئى الرقية الشرعية وان شاء اللة هتبقى كويسة وراحت معاها بتها لقييتة فى دور ارضى ومش نضيف ومبهدل ولقت الباطنية بتاعت ابنها مش نضيفة وجت تغسلهلها لقت الولد معندوش غيرها فمعرفتش تعملها اية صحبيتى متزوجة وعندها ابن وغالية تبقى مرات ابن اختها معلش هى كانت عايزة تعرف اية الى فى الحلم يخص غالية واية يخصها هى وزوج اختها الثانية وجزاكى اللة خيرا على تعبك معنا
حبيبتى هذا الشخص نيته مش كويسه وهياذى غالية ممكن بالكلام وهذه السيدة هتدافع عن غالية وهتقف بجوارها ولكنها فيه عندها كلام قيل عنها وهى مش قدرة تتخلص منه وهتنصح غالية بالجوء الى الله والتقرب اليه لكى تحل مشاكلها وعليها بالحرص من هذا الشخص
متفائله خير كتب:
الحلم رقم 17 اذيك يا ماما نجيه يارب تكونى بخير
انا امبارح حلمت خير اللهم اجعله خير ههههه
انى معايه سلاسل دهب كتير حوالى 5
وانا كنت بوزعهم على اصحابى واعطيت لواحده صحبتى سلسله ولبستها وكانت شكلها حلو اوى فى صدرها وكانت مبسوطه بيها لكن معرفشى صحبتى دى
وفى نفس الحلم ده
حلمت انى بطلع لى لبس داخلى من الدولاب على اساس انى راحه الكوافير عشان هتجوز وطلعت الاندر وقلت ده قديم والبرا برده وقلت هطلع جديد من الشنط لازم يكون لبسى جديد
وانتهى هذا الحلم
انا انسه غير متزوجه
23 سنه
الحلم الثانى السلام عليكم ورحمه الله وبركاته
ماما نجيه انا كنت معجبه بشاب معين هو كان معيد عندى فى الجامعه لكن عمرى ما كلمته لانى الحمد لله ملتزمه ومتدينه واعرف ان الصحوبيه حرام وهوا كمان محترم وعمرة ما كلمنى لكن كان بينظر لى كتير ومهتم بى
انا بقالى سنتيسن مشفتوش خالص ولا متعلقه بيه عادى يعنى لكن اتمنى انى اتجوزه
دايما بحلم بيه
وامبارح حلمت بيه ان انا وهو فى شقه زى ما تكون لسه بتجهز ومعنا ناس فيها وانا روحت اصلى الظهر لاننا زى ما نكون كنا بنشتغل حاجه فى الشقه وهو كمان كان بيصلى وبعد ما صليت ملقتشى الشبشب بتاعى وضاع منى ودورت عليه ملقتوش ورحت سالته عليه قالى دورى عليه اكيد هتلاقيه روحت ادور تانى ولقيته وحمد ربنا انى لقيته ولبسته
وانا بساله كان واقف فى بلكونه او شباك وعمال يلعب فى صوابعه
ديما احلم بيه ؟
انا انسه غير متزوجه
الحلم الثالث
انا دايما يا ماما احلم انى فى امتحان لغه عربيه والاسئله طويله جداااااااااا
وانا عارفه كل الاجابات لكن مش بقدر اخلص فى المعاد او الوقت المحدد للاجابه وببقى متعصبه جدا
الحلم ده اتكرر جدااااااا معايه
انا خريجه من سنتين وبتقدير جيدجدا
لكن مش بشتغل وانسه
ودايما احلم انى بمشى حافيه القدمين والحذاء بيقع منى او يتسرق وامشى فى الشارع حافيه
ارجوكى طمنى نى ربنا يكرمك يارب
الاول ان شاء الله هتصادقى زميلة جديدة وان شاء الله ربنا هيسترها معك وهتخطبى قريبا والله يسعدك اما الثانى ان شاء الله فيه اخبار سوف تعرفيها عن هذا الشخص وهتجديه مرة اخرى وربنا يسهل ويقربكم من بعض اما الثالث الامتحان هو امتحان الحياة تقربى الى الله اكثر حتى تنجحى فى الامتحانات وتنالى مرادك اما المش حافية فهى هموم وحبة تعب وان شاء الله يزولوا وتخطبى وتنالى مرادك والله يسعدك
بحب مامه اووي كتب:
حلم رقم 18
كاكا حلمت خير اللهم اجعله خير النهارده انها واقفه برا بيت عمها ( بيت عمها جنب بيت باباها يعتبر بيت واحد يعني بس بيت عمها علي الشارع ) وان في جيران واقفين برا ومرات عمها (عزيزه) وواحده جرتهم من زمان خالص (عزيزه بردو) وهي واقفه مطبقه ايدها وبتقولهم اللي هايقولي ضايع منه فلوس قد ايه وايه امارتهم هاديله الفلوس اللي لقيتها الفلوس كانت 305 جنيه عباره عن 200 ج عباره علي 100 و100ج
و100 عباره عن 50 و 50 ج
و5جنيه لوحدها بس بعدها ركبت العربيه مع بابا
وانا حلمت النهارده لو ينفع تفسريلي الحلم لو مش ينفع خلاص مش مشكله اني واقفه في ميدان طلعت حرب وجنبي ميدان التحرير ومعايا اختي (دعاء ) وانا بوقي ملوح وشفتي اللي تحت كبيره ورما في الحلم (وانا اصلا شفايفي صغيره) وعماله اقوول لاختي باينه قعدت ادعك فيها جامد لحد ما راح لوحت البوق واختي قالتلي لسه الشفه اللي تحت كبيره وبعدها روحنا زي نكان حجز للسفر ولقينا ناس جيران هما وباباهم ومامتهم ( شيماء دي انسه في سني ومامتها ماجده وباباها عبدالرحمن) وبعد كده قالول يلا نطلع نشتري مع بعض روحنا طلعنا كلنا وفجاءه ملقتهمش قولت للدعاء اختي انا عارفه انهم هايعملو كده (لانهم في الحقيقه مش كويسن اوي ) بس واحنا مشينا وجيت عند طلعت حرب قولت لدعاء صوريني بس متصورتش عشان كان في كوبري
ماما متجوزه والحمدلله الحاله كويسه 45سنه وملتزمه
وعندها بنت 22سنه واختي 19سنه واخويا ثانويه عامه
بس ممكن تبقي مشغوله نفسها تفرح بيا
وجزاكي الله كل خير ياماما علي تعبك معانا وربنا يسعدك
حبيبتى انا مش عافة مين كاكا عموما هى عندها مشكلها لكن ربنا هيحلها وهتنصر باذن الله اما الثانى قلت فيه مشكلة ولكنها هتعدى على خير ان شاء الله بس انتى هتتكلمى كلام مش صح فى وسط الناس وفيه ناس كتير هتعرف هذا الكلام وهتحاولى لم الامر ولكن فيه ناس هتزعل بس ربنا هيعدى الامر على خير ان شاء الله
بنوته كتكوته كتب:
الحلم 19
ماما نجيه ازيك وربنا يديكي الصحه يااارب
انا حلمت بالامس اني خالتي جت عندنا البيت وشايله خروف مذبوح ومنزوع عن الفرو وبطنه مفتوحه وقالت لي قطعيه وحطيه في التلاجه قولت لها من غير فلوس كده قالت لا دا ب 7.650تقريبا وقاعدت تحاسب مع اخويا وانا اخدته ودخلته الثلاجه وكان في ايديها عظمتين كبار حطهم هي في الصاله واقعدت افكر اعمل ايه بالعظمتين دول ومعلهش هتقل عليكي انا برضه حلمت بقطط كتيير بيضاء وعينها زرقه بتجري ورايا انا واختي وبتكلم وبتززغ في رجلي وانا بضحك بس خايفه منهم وبنجري بفزع
انا انسه 23 سنه
واختي انسه 16سنه
استعيذى بالله من الشيطان الرجيم
فرفوشة روشة كتب:
الحلم 20
حلمت انني في بيت جديد ويوجد نساء يسكنون معنا وامراة فلبينية بالظلام اعطتني نور مثل لمبة وكانت مبتسمة والنافذة رايت ظل قط وكان احدا يريد فتح نافذتني وانا اغلقتها ثم لبست ملابس السباحة وخرجت للبحر وكنت منسدحة على البحر وارى اناس جنبنا كثيرون وبعضهم بسياراتهم .
حبيبتى انت محتارة فى امر وعندك قلق منه ولكن فيه واحدة غريبة عنك هتوضح لك هذا الامر و وان شاء الله ربنا هيهديك للصح والله معك
عمري 21 عزباء موظفة
ربى إغفرلى كتب:
الحلم ( 21)
حلمت خير ان شاء الله
ان اخت جوزى(هى مخطوبه) كانت عندى ولابسه جيبه قصيره وتحتها بنطلون بصيت كده بأستغراب عشان ده مش طريقه لابسها وكنا شكلها عبيط فاببص لاقيت بقع منن قدام روحت قولتلها راحت ماشيه كده فاببص قولتلها ده فيه كمان ورا راحت ماشيه ومغيره الجيبه ولابسه واحده طويله بنى وديه طريقه لبسها
حبيتى اخت زوجك هتفهم امر خطا وانت هتنبهيها له وهتستجيب لك وهتغير رايها وتصلح من امرها والله يوفقها
harty كتب:
معلشى يا ماما اا عارفه انى متقله على حضرتك بس صاحبتى حلمت ان العريس اللى كان متقدملى رجع تانى و انى كنت بقولها انى موافقه عليه وبعدين شافته عندنا فى البيت
ربنا يسهل يا حبيبتى وتصدق رؤيتك ويعود لك ما تتمنى والله يصلح حالك
DR_MIRO كتب:
الحلم رقم 22
ازيك يا ماما نجية ايه اخبارك وحشاني جدا ، المرة دي يا ماما مش حلمي انا دا حلم ولحدة صحبتي ، حلمت انها بتملم جوزها في التليفون وفجاة راح مزعق وقالها انتي حرة اعملي اللي انتي عيزاه ، انتي طالق المهم ارجع البيت ملقكيش فيه تاني ، وصحيت من النوم على كده .
هي متزوجة 28 سنة ، حالتها النفسية تعبانة جدا جدا ، خناق ومشاكل مع جوزها على طول ، حلمت الحلم ده الساعة 7 مساءا . ياريت يا ماما تقوليلنا دا معناه ايه . وان شاء الله هكلمك قريب في التليفون .
حبيبتى انا تحت امرك اولا مكالمة التليفون بتحدث كما هى ولكن هندعوالله ان يغير حالهم الى الافضل باذن الله وعليها بقراءة سورة طه يوميا وتصلى صلاة قضاء الحاجة 12 ركعة يوميا وتدعوا الله كثيرا ان ربنا يصلح حالها
الحمد لله اداريـــــة
عدد المساهمات : 1523 تاريخ التسجيل : 07/09/2011 العمر : 38
موضوع: رد: تفسير أحلام الثلاثاء 29/11/2011 الثلاثاء 29 نوفمبر - 23:04
