تفسير أحلام الثلاثاء 23/1/2011

الحلم رقم 5

السلام عليكم ماما نجيه انتي كمان وحشاني جداً وحضرتك ذكرتي ليا اكتر من مرة ان عليه ندر وانا مش فاكرة والله خالص اي حاجة سبحان الله ربنا يستر

انا يا ماما شفت النهاردة الصبح الأول انا نقلت شقة جديدة جميلة ماشاءالله هنا بس شفت النهاردة كأن وفاء اختي زارتني واختي التانية ايناس وايناس دايما بنخاف من عينها لاتها قوية وهي عارفة كده عن نفسها فعلا وبتاخدها بهزار المهم شفت انها واقفة جنبي في المطبخ بس على فكرة الشقة مش نفسها خالص في الرؤيا

شفت انها واقفة جنبي وانا بعمل حاجة في المطبخ مش فاكرة وبتقولي على زرار فبقولها هنا كل حاجة اتوماتيك يعني زرار واحد يشغل كل حاجة في البيت مش زي مصر المهم طلعت بره المطبخ وايناس اختفت ولقيتني قاعدة جنب زوجي على كنبه ووفاء على كنبه اخرى خالص وفي وشنا سرير النوم ببص لقيت عليه نمل كتييييييييييييييييييييييييييييييييير قوي والسرير في جنب منه لازق على الحائط بس اغلب النمل الكتير في الجنب الي عند الحائط وبيزيد وبيزيد وانا بقول الحق يا سامي شوف انا عارفة عينها انا عارفة كلنا عارفين بس تحسدني انا ليه دي حتى دايما اقولها ماشاءالله ظروفك احسن من ظروفي على الاقل عندك مركز في شغلك وعندك بيتك انا مكانش عندي اي حاجة ولا اعمل اي حاجة تحسدني انا ليه وزعلانة قوي وببص لقيت عند عتبة المكان ناحيه الباب وكان مفتوح النمل بينتشر قلت مش ممكن حينتشر في البيت كله ولا ايه حقعد بقى ارش فيه ولا ايه الغريب ان وفاء اختي كانت قاعدة زي ما هي ومتحركتش ولا اتكلمت وزوجي هو الي كان بيتحرك بيحاول يشوف حل وسامعني وبيبصلي وساكت وشوية لقيت كاننا نمنا وبعد ما قمت قلت ايه ده ازاااااااااااااي نمنا والسرير عليه نمل انا مش شايفه حاجة وازاي سامي نايم في المكان الي اكتر كان متجمع فيه ومش خايف ؟؟ انا بقول كده وزوجي نايم وفي الجنب الي عند الحيط ومتغطي كامل ومطمن وهو نايم وانا واقفه ببص عليه وعلى مكان نومي اني ازاي نمت صحيح ونسيت حكاية النمل ده ؟؟

حلم رقم 9

ازيك يماما نجية يارب تكونى بخير يارب


الحلم ده لوالد صحبتى

واحد صديقه كان فى الحج وحلم ان رسول الله جاله فى المنام وقاله سلمى على صحبك فلان ( اللى هو والد صحبتى )

اللى حلم عنده 50 سنة متزوج

والد صحبتى عنده 51 سنة متزوج وعنده ولد وبنت والبنت فرحها الصيف الجاى ان شاء الله