ماما انا دايما بحلم احلام بيا وباخويا غريبة شوية شفت خير ان اخويا دخل السجن وانا كمان دخلت معاه وكل واحد فينا بقا فى السجن والعجيب انى كنت فى السجن بتاع ابو غريب وكان شاق وكنت عارفة انى مش هخرج بس بالرغم من كده كنت مرتاحة فيه ومبسوطة بس زى ما يكون جه ميعاد الدراسه وكانت الدراسة هتبدا فلقيت اختى بتقولى خليكى فى السجن احسن من الدراسه او خدى اجازة اسبوع منها ولقيت اخويا بيقنعنى وبيقولى انتى مش جربتى القاعدة فى السجن زى ما انا جربتها وارتحتى فيها خليكى قاعدة هنا وفعلا قعدت ولقيت ان انا واخويا كنا زى ما يكون فى يوم صوم ومستنيين المغرب تدن عشان نفطر ....طبعا يا جميل حضرتك عارفة انى ممكن اكمل دراسات عليا لو لقيت روحى فاضية ...................................................
ماما حلم كمان ومش هعمل كده تانى بليييييييييييييييييز
شوفت خير انى كنت فى اسكندرية وعايزة اروح القاهرة وبعدين جيت اركب تاكس عشان يودينى لقيت السواق بتاعه بنت شكلها مش مريح فجه اتوبيس ولقيت فجاة الناس طلعت تجرى عليه وقلت يستحيييييييييل هعرف ادخل وسط الزحمة دى والاقى مكان وفضلت واقفة مكانى وقلت مش هعرف اركب نهااااائى فلقيت راجل بيقولى يا بنتى ما تركبى بسرعة ده الاتوبيس فاضى فقولت هجرب وانا مستهترة كده بس العجيب انى عرفت اركب وطلعت لقيت كراسى فاضية وركبت وطلعت الاجرة مش غالية كمان ........
طبعا يا امى الجميلة انتى عارفة ان احمد اللى محصلش معاه نصيب كان من اسكندرية والتانى اللى بتمناه الغريب طلع من القاهرة بس انا الصراحة مستبعدة موضوعه شويه عشانه بعيد عن بلدى وسايباها لله تماما ومش حيلتى غير الدعاااااااااااء انا قلت اوضح لعل يفيد فى التفسير
