حبيبتى انا كنت دخلت اخر النهار انام شوية وشفت حاجة كده خير ....حلمت انى روحت مكان تجمع لموظفين المكان اللى بيشتغل فيه بابا واخويا (هوه زى نادى كده بس كان فى فيلا مقفوله) المهم لقيت روحى قاعدة مع ماما وبعدين لقينا مهندس من الشركة من هناك وقاعد ومش بيبص ناحيتى اصلا فماما قالتلى طب وماله يا ايناس ما شكله شاب كويس فقلتلها لا يا ماما ده مش كويس وبعدين انا مش من نصيبه لانى مرة كنت حلمت انى جيت اقعد جنبه فى العربية قاللى انزلى (وده فعلا حصل) المهم رجعت عشان اقلع الشبشب فى حته مستخبية كده ولبست جزمتى وكان معايا جزمة تانية شبه جزمتى فى شنطة كده وبعدها قلت هروح بقا اقعدمع ماما فى الصالون وكل ده وانا قاعدة افكر فى كلام ماما واقول انا لا يمكن اخد المهندس ده ده حتى اخويا قال عليه مش راجل كده لانى عايزة اتجوز واحد يكون راجل وجه فى دماغى شخص كده بيشتغل فى نفس الشركة بس فى مجال الكمبيوتر ...وانا رايحة لماما لقيت واحد كان معايا فى المدرسة زمااااااااااان اسمه امير الخياط وهوه فى كلية هندسة كمبيوتر فانا قلت لنفسى فى المنام انا هاخد واحد بيشتغل زى امير ده بالظبط فى الكمبيوتر برده وبعدين لقيت امير ده مشى معايا فى نفس اتجاهى وكنا زى ما يكون بتسابق فى الخطوات كده مع بعض لدرجة ان هوه اتضايق انى بسبقه بخطواتى وكان اطول منى اووووووووووووووووى المهم خليته هوه يسبقنى وانا وراه لحد ما وصلنا لماما فى الصالون ولقيت امير ده اتحول لبنت بيضة وسمينة ولا مواخذة شفت صدرها كده كان باين وكان ابيض كد ومليان لا مواخذه وقعدت تقول لماما احنا عايزين ناخد ايناس معانا لمكان كده جنب النادى بس بعيد شوية فماما قالت لا اخاف عليها تروح لوحدها قالتهلها متخافيش هتبقى معانا فماما قالتها خلاص ابوها قاعد هناك اهو روحى كلميه واستاذنيه تاخديها معاكوا ..وانا بصراحة كنت عايزة اروح معاهم بس ماما كانت خايفة عليا اروح مكان بعيد عنها
معلومات تفيد فى التفسير
بصى يا اقمر انتى عارفة انى طبعا كنت بتمنى موضوع احمد وطلع فاشل وعلى فكرة احمد بيشتغل فى مجال الكومبيوتر وزميله اللى كنت حكيتلك عليه ده بيشتغل فى نفس المجال وعموما هما كلهم مش من بلدى يعنى انا من دمياط وفيه منهم اللى ساكن فى القاهرة واسكندرية كده يعنى
