السلام عليكم ورحمه الله وبركاته
ازيك يا ماما نجيه وحشتينى والله ووحشنى تفسيرك لاحلامى ....... كنت مفتقداكى جدا لحد م البنات قالولى على المكان الجديد
ربنا يخليكى لينا يا ماما
انا حلمت حلم وعايزه افسره
"" حلمت انى فى مكان وفى شخص معجب بى وعايز يتقدملى واسمه ابراهيم ،، وكان هذا الشخص على صوره المطرب رامى عصام ،، وكان معاه أهله كتير أوى مامته وخلاته واخواته البنات وستات كتير كده ،،، وكانوا قاعدين يتكلموا معايا وبيضحكوا معايا
وبيطلبوا ايدى ليه ،،، بس هو كان جالس بعيد ومكسوف يتكلم معايا ،،
وبعدين كان فى راجل كبير كده كأنه جده أو والده أخدنى ودخلنا بيت كبير فى السيده زينب ،، كأنه بيتهم وكان البيت قديم قوى وتاريخى كده من بيوت زمان
وفضل الراجل ده يفرجنى على البيت كله وكان من جوه تاريخى برضه
وطلعنا على السطح عشان يفرجنى على المنظر من فوق ،،،، فشوفت من فوق السطح بحر اسكندريه... ههههههههه متعرفيش ازاى
هو كده
وكان فى شخص اخر عايز يتقدملى برضه فى نفس الوقت وكان بيتنافس مع ابراهيم ده ،،، وكان قاعد يغيظه انه هيخدنى منه
وأل دخلت انا والشخص ده وواحد تانى تبعه كافيه عشان يكلمنى عن نفسه ويقنعنى بنفسه
وقعد يطلعلى اوراق كده وحاجات عاشن اعجب بيه
وكان أهل ابراهيم ده عمالين يعدوا علينا كل شويه عشان يشوفوا اقنعنى ولا لأ
بس انا حسيت انى مقبوضه منه وسبته وفتحت الباب وخرجت
ولقيت أهل ابراهيم كلهم بره وهو كان قاعد لوحده على كرسى كده
زى الكراسى اللى بتكون فى الجناين وكان بيبصلى وزعلان
فروحتله وقولتله انا مش هسيبك ابدا وبوست ايديه ( ههههههههه فى الحلم يا جماعه ،،، أوعوا تفهمونى صح ههههههههه)
بس ابراهيم ده انا كنت مستريحاله جدا فى الحلم ""
معلش طولت عليكى اصلى اليوم ده نمت كتير
الحاله ( انسه - طلبه جامعيه - بعد صلاه الفجر - بدعى ربنا على طول يرزقنى زوج صالح ويكون راجل كده ومحترم ونفسى يكون اسمه محمد على اسم الرسول عليه الصلاه والسلام - علما ان مفيش حد على الحقيقه اصلا اسمه ابراهيم ده شخصيه كانت فى الحلم.)
ربنا يخليكى يا ماما والف شكر على تعبك معانا
