ازاى حضرتك يا ماما كل سنة وانتى طيبة وربنا يفرح قلبك باولادك ويرزقك الجنة وصحبة النبى عليه افضل الصلاة والسلام - انا حلمت انى بلم هدومى فى شنطة سفر عشان مسافرة السعودية وبقول لواحدة المفروض انها فى الحلم مرات اخوى بقولها عايزة ايه اجيبه ليك راحت قالت حجات مش عجبتنى روحت قلتلها لاء انا هجيبلك عباية حلوة اوى وشيك عشان تلبسيها وبعدين شفت نفسى بلم كراسات وكتب وبكتب فيها وفى واحدة واقفة جنبى بتقولى انتى هتاخدى اكل معاكى قلتلها اكتبى كل حاجة فى اكراسة دى وبعدين شفت نفسى واقفة على السطوح ومعى واحد وعايزين ننط على السطوح اللى قدامنا وانا خايفة اوى لحسن اقع وهو قالى همسك ايديك متخافيش ووبص تحت كدة لاقيت الشارع بعيد اوى لانى السطوح كان عالى روحت خفت اوى راح قالى مش تبصى تحت بصى فوق وركزى فى اللى قدامك روحت شفت ناس طالعين على السطوح اللى مفروض انط عليه روحت اطمنت وقلتله بص فيه عيلة اهى راح قالهم خدوا بايدها لما تنط عشانى هى خايفة وروحت نطيت وهما سندونى وبعدين بقولهم انا المفروض انط تانى عشان اوصل راحوا قالوا هنا فيه سلم بتاع المحل بتاعنا هيوصللك من غير ما تنطى روحت فرحت اوى وقلت الحمدلله انى مش هنط تانى السلم امان واسهل بكتير وبعدين شفت جوزى ماسك ورقة وبيكتب كلام مش عارفة هو ايه بس هو المفروض انه بيعلم حد انه يكتب بخط كويس خط نسخ كدا او زى الخطاط وانا بتفرج على جوزى وبقول ياه بقالى كل السنين دى معه ومش عرفت اتعلم منه الكتابة بالخط الجميل ده بس ان شاء هتعلم راح جوزى قالى لازم تكتبى بسهولة كدة عشان خطك يطلع حلو - وفى نفس الحلم يا ماما شفت نفسى بعمل براز فى طبق وبعدين باخد الطبق وكان فيه حجات مع البراز زبالة وبرميهم فى التواليت وبسحب السيفون عليهم - وخلص الحلم على كدا - معلش يا ماما انى بتقل عليك يا حبيبتى
