السطح فى الحلم ماما نجية

ماما نجية حبيبة قلبى ازيك يا سكرة وازى صحتك

يارب تكونى بالف خير وصحة يارب

والله يا ماما اخر احلام انتى فسرتيها كل كلمه قلتيها فيها فربنا يبارك فيكى يارب ويعطيكى الصحة ويخليكى ليا يااارب


ووالله بجد انتى وحشانى جدا

انا قبل ما انام يا قمر بدعى استخارة للواد الى مطلع عينى جاتة خابيط فى معاميعه فحملت حلم نونو

بصى يا ست الكل حلمت باية بقى


حلمت انى زى ما يكون فى بيت والبيت دة اللى فية عروسة ابن خالتى وابن خالتى دة مسافر برة وجوازة خلاص كمكان اسبوعين

فانا طالعه نازلة على السلالم وفى شقة منهم لقيت الشخص اللى بكلمه دة مهند زى قاعد على سرير ولابس جلبيية بيضا وزى راكن كدة على السرير وحاطت ايدة على خدة قاعد

ولا ببصلة ولا شافنى ولا اى شئ

مع العلم انه مافيش بينا كلام دلوقتى


وبعدين طلعت قعدت فوق السطح بتاع بيت العروسة لقيت هند اللى هى عروسة ابن خالتى باستنى وبالاحضان وكدة وانها شارية حاجات جديدة وكدة

وزى ما يكون عندهم او عاملين هيصة تحت البيت وانا فوق انا ولقيت خالتى ام العريس قاعدة 6فوق معايا على السطح ولقيتها رايحة جاية بتقلى فى بطاطس

بس كل شوية قاعدة على السور بتاع السطح

وانا ببص من فوق خايفة من السطح والعلو لانى انا اصلا فى الحقيقة بخاف من الاماكن العالية وهى خالتو قاعدة على السور ومش خايفة وعادى

لقيت العروسة اللى هى هند بتقول انها نفسها فى طقم تانى تشترية بس مش لاقياة

وحد لابسة او كدة

ولقيتنى انا ماسكة طقمين ليها فوق السطح وقاعدة عمالة اقلب فيهم واتفرج عليهم

وخالتى مش موجودة على السطح فلو مؤاخذة لقيت نفسى اطلقت ريح يعنى فزى ما يكون هند قالت اة انا عاوزة من دة فا مو فاهمه تقصد لما اطلقت الريح حاجة زى كدة

خالتى لقتها جات وقعدت تقول اية الارف دة انتى عملتى ريح قلتلها لاء يا خالتو واتحجتتلها بحجة تانية خاالص عشان اتكسفت طبعا
وهى قاعدة وعمالة تتمطع على سور السطح وانا عمالة اصوت فيها بردوة عشان تدخل خايفة لتقع

وانا ببص من على السور وانا تانية ركبى واقفة عليها عشان بخاف انا من الاماكن العالية

وصحيت من النوم عليا وانا ماسكة اطقم هند الاتنين وقاعدة فى وسط السطح بتفرج عليهم وخالتى بقلها انه هند عاوزة او نفسها تشترى طقم معين


اللى هى عروسة ابن خالتى وهى بنت تدينها كويس ومحترمه


والعريس ابن خالتى طيب وغلبان ويتيم


وخالتى متدينه بس حنبلية شويتين وزوجها متوفى من 20 سنه طبعا


وانا انتى عرفانى حبيبتك انا بقى

والواد اللى مجننى بردوة انتى عرفاة بس هو قاعد حاطت ايدة على خدة بس دة اللى شوفتة


هاااااااااااااا حبيبة قلبى بقى

وربنا يجعلة خيررررررررررررررررر




.,

تم حذف المشاركة الاولى ياقمر

وخلينا المشاركة الي عدلتيها