السلام عليكم ورحمة الله وبركاته
حلمى مكون من جزأين لا أدرى أى منهما حدث أولاً
الجزأ الأول كنت نازلة من بيتنا القديم شقتنا كانت فى الدور الثالث والدور الثانى والأول في كل واحد عم من أعمامى لما وصلت للدور الأرضى لقيت صوت بابا وماما وأخوانى (صبيان كلهم) بيضحكوا بصوت عالى ولقيت عمتى هيه متزوجة فى بلد بعيدة عنا بنصف ساعة بالسيارة وأولادها كبار ومتزوجين ما عدا واحد المهم لقيتها هيه وعمى فى الدور الأرضى بيقولولى هما مالهم بيضحكوا أوى كده مش فاكرة هل كانوا مستغربين لضحكهم ولا مضايقين ولا مبسوطين لهم المهم قلتلها مش عارفة يا عمتى أو وجهت الكلامهم الإتنين وقلت مش عارفة ومشيت خرجت
الجزأ التانى كنت ماشية أنا وبنت عمتى هيه أكبر منى بحوالى 15 أو 18 سنة تقريباً وربنا رزقها ببنت عندها أربع أو 5 سنين بعد سنين من الزواج الحمد لله وكنت ماشية أنا وهيه مش عارفة رايحين فين وكان بابا وماما وعمتى (مامتها اللى كانت قاعدة عند عمى) تقريبا كلهم كانوا ورانا أو بعضهم أو مفيش حد ولقيت زى هرم من التراب وكأن بيت فلاحى مبنى من الطين اللبن مهدود والرماد ده أو جزءمنه وقع على بنت عمتى ولحقنا نقذناها بس قنا هنروح للدكتور نطمأن لقيت ركبنا توكتوك أنا وماما وهيه ومرات عمى اللى فى الدور الاول (مش عارفة التوكتوك خدنا إزاى ههههههه أصله صغير واحنا 5 ستات أو يمكن عمتى مش كانت معانا) ولقيت مرات عمى بتقول خلاص بقى مش لازم تروحوا معرفش كنا هنروح فين بالضبط وأنا قلت مش لازم أو كنت لسه هقول مش لازم ولقيت ماما بتقرصنى بمعنى إنى لأ مش أسمع كلام مرات عمى ونروح المشوار ده ونزلنا عند الدكتور ولقيت راجل بيقول أدخلوا كله يدخل العازب والمتزوج والمخطوب تقريباً كان فيه ناس برضه واقفه على الباب لكن لما دخلت لا أظن إن المكان كان عيادة دكتور لا كان زى البيت ولقيت زميلاتى من الكلية بالرغم إنهم منمحافظة بعيدة عن محافظتى كانت واحدة فقط أو اتنين تقريباً من زميلات الكلية والباقى بتوع ثانوى ولقيت واحدة أعرفها أو كانت زميلتى بتنادى لبنت خالى هيه فى تانية إبتدائى وأنا قلتلها تعالى يا أسماء قالتلى انتى تعرفيها قلتلها آه بنت خالى ولقيت أخواتها الصبيان كمان بيلعبوا هما أكبر منها ولدان وكأننا بصراحة كنا فى فرح ومش فاكرة هل دى نهاية احلم ولا فيه حاجة حصلت تانى وانا نسياها
ومش عارفة اي جزء اللى حصل الأول ؟
الحالة الدينية الحمد لله كويسة لكن الحالة النفسية سيئة للغاية ومفيش تركيز خالص حتى فى الصلاة وحزينة لكن دايما بدعى ربنا يفرج كربى ويهدينى الى ما يحبه ويرضاه وقبل النوم قلت تقريباً اللهم إنى أسألك رؤية صالحة لأنى سمعت إن السيدة عائشة كانت بتقول كده تقريبا مش متأكدة بس من ساعة ما سمعت كده وأنا بقولها وأغلب الظن إن قلتها فى اليوم ده
