كل سنه وانتى طيبه يا ماما
ازيك وحشانى اوى والله
انا حلمت انى عند حماتى وشقتها متربه اوى اوى وانا بحاول انظفها
فطلعت على كرسى ووقفت امسح النيش وكان فاضى ومليان تراب بشكل وحش
فبنت حماتى اسمها هبه قالت لى مش مهم تمسحيه قلت لها يا سلام ونحط الحاجات فيه على وساخه كده ومرضتش وقعدت انظفه
وبعدين لقيت حماتى طالعه من جوه ومسكه قماشه كبيره وعماله تنفض الصاله والحيطان
الدنيا اتعفرت جامد اوى واتملت تراب وانا اتخنقت وقلت لزوجى صدرى قفل ومش عارفه اخذ نفسى من التراب
فزوجى اخدنى وقال ليه كده يا ماما ده صدرها بيقفل من التراب وراح واخدنى ومطلعنى بره الشقه علشان اعرف اخذ نفسى فانا خرجت وقلت له هو محمد زوج هبه جوه قالى لا اصل انا فى الحلم كنت بشعرى وخايفه ليكون شافنى من غير ما اخد بالى وانتهى الحلم
(علما يا ماما ان كان فيه مشكله قريب ما بينى انا وحماتى ودائما بحس ان حماتى ظلمانى وان انا مهما اتقرب منها والله يا ماما وربنا الى اعلم بالى بعمله معاها برده بحس انهاعامله حاجز ما بينى وبينهاوالكلام ده من زمان يمكن من قبل ما اتزوج ولسه عندها الفكره دى لحد الان علما بانى والله بحاول ارضيها لدرجه انى زوجت اخى لبنتها علشان لقيتها قلقانه عليها ونفسها تزوجها لانها الاخيره والصغيره ونفسها تطمن عليها لقيت انها شايله اخويا من على الارض شيل ولكن معايا زى ما هيه مفيش تغير والله يا ماما انا بصبر نفسى وبقول والله المعامله الحسنه منى دى لربنا مش ليها وربنا يدى لكل واحد على قد نيته يا رب جايز انا ظلماها والى فى بالى ده وهم ولكن تيجى الاحوال وتبيلنى الحقيقه وان انا صح مش عارفه اعمل ايه معلش طولت عليكى يا ماما يا رب تكونى فهمنتينى )
