13-الموت فى الحلم يا ماما نجيه

ازي حضرتك يا ماما نجيه يارب تكونى باحسن حال :)


ماما حلمت ان اخويا مات انه كان بيضرب نار على حد وضرب نار عليه ومات (انا اخويا ظابط فى الحقيقه )

وكانت قاعده تعيط جامد اووى ومش مصدقه انه مات اعدت تقول دا عريس دا كان لسه عايز يتجوز و يعمل حاجات كتير

وبتقول لاخوها انا عايزه ابنى رجعلى ابنى وزعلانه انه مات واحنا متخاصمين معاه وكانت بتقول بس انا مسمحاه )فى مشكله بينه وبينى انا وماما ومش بيتكلم معانا بقاله 3 ايام (

وكانت كمان زعلانه من ان خالى والناس اللى موجوده فى العزا كانوا باردين اوى كانه حاجه عاديه حصلت واعدين بيحضروا اكل للناس اللى جايه تعزى ومكنوش عاملين حسابهم فى اكل فحطوا جبنه وبيض

وكانت تيته كمان موجوده فى الحلم مع ماما وهى متوفيه من زمان وماما كانت منهاره من العياط ,فى الحقيقه برده كانت منهاره اوى واعدت اصحى فيها وهى بتعيط جامد بصوت عالى اوى كانه حقيقى وبتقولى اخوكى مات اخوكى مات

اخويا متوسط التدين 27 سنه عازب وبيشتغل ظابط وهو متخانق معايا انا واختى وماما و مش بيتكلم مع حد فينا خالص

ياريت تطمنينا يا ماما عشان ماما قلقانه اوووى وربنا يباركلنا فى حضرتك يارب

ربنا يخليكى لينا يا احلى ماما نجيه وربنا يفرح قلبك زى منتى دايما بتطمنينا وربنا يجعله فى ميزان حسناتك يـــــــــارب