السلام عليكم ياماما نجيه انا شفت خير اللهم اجعله خير ابن عمى هو مسافر السعوديه اسمه فوزى حلمت انه اتوفى وقالو اننا هاندفنه فى بلد مراته دمياط وهو اصلا فى الحقيقه مجوز من عندنا من الشرقيه واخدوه يدفنوه وانا وامى ومرات عمى الى هيا امه وابن عمى صغير اسمه محمد معاق ركبنا عربيه عشان نروح وراهم بس فى الحلم محدش كان بيعيط ولا حاجه امى اسمها امينه مرات عمى اسمها فتحيه المهم بعد شويه شفت بابا فى غرفته نايم على سريريه وعمال يقولى انى ضفت شباب على الميل بتاعى قولتله والله ابدا مفيش غير واحد بس ودا انا مرتبطه بيه وبحبه وهو متعصبش عليا ولا حاجه كنت حساه راضى وكدا وبعد شويه لقيت نفسى فى مكان ورا بيتنا واسع كدا وفيه رجاله كتير معاقه وقاعدين على كراسى متحركه المهم ان كان فيهم شاب صغير يعنى معاق بردو راكب عربيه فقولت انى انا هالازمه وازقه بالعربيه دى اى مكان يحب يروحه وامشى معاه المهم انى رحت معاه مره امشيه وكدا وبعدين غبت عليه تانى يوم فهو فكر انى مش عايزه اعمله حاجه فانا مرحتش عشان قولت يمكن ميكنش عايزنى لو عايزنى هايقولى واستنيته لحد مبعتلى انه عايزنى امشيه وانا بعمل كدا كنت عماله اقول فى نفسى انى نفسى اعمل خير واكيد دا شىء لله عشان ربنا يفك كربى واكيد دا شىء ربنا هايجزينى عليه
اولا انا انسه ومش مخطوبه بس تقريبا ممكن يكون فيه مشروع خطوبه من انسان انا احسبه عند الله يحبنى ويقدرنى حد كويس بس انا وهو زعلانين مع بعض شويه الناحيه الدينيه الحمد لله
الحلم دا ياماما نجيه صحيت منه لقيت قران الفجر شغال وكمان الحلم كان فيه حاجات تانيه كتير لما كنت صاحيه الفجر كنت فكراها انما دلواتى نسيتها كمان انا فى الحلم كنت كانى بقص عليكى الحلم الى انا نسياه وزى مانتى عارفه انى بمر بظروف كرب يعنى ربنا يفك كربى والله اتظلمت فيه كتير الحمد لله
