السلام عليكم ياماما نجيه اولا انا امبارح فضلت ادعى ربنا كتير عشان موضوع احمد ونمت شفت خير اللهم اجعله خير
ان العمده بتاعنا كانه افتقر جدا ياماما لدره انه باع كل فرش بيته ومبقاش عنه حاجه وزى ميكون اتشل من الصدمه وبنته اسمها نهال جايه على انها مرات ابنه وابنه اصلا صغر ومش متجوز المهم ان مرات ابنه دى جايه على انها لما عرفت انهم افتقرو هاتطلق من ابنهم ورايحه عشان تودعهم وانا كنت معاها لانها صحبتى فضلو ياماما يسلمو عليها ويحضنوها ويعيطو وانا اعيط وبعدين جه شاب كبير على انه ابنهم واسمه على وابنهم زى مقولت لحضرتك اصلا صغير واسمه احمد فى الحقيقه المهم انه جه وقال فيه واحده اسمها ريهام وقال اسمها رباعى قال انها ماتت وكانو بيندهو فى الميكرفو ريهام دىاختى فانا فضلت اعيط كتير اوى لانى بحب اختى دى اوى وكان فيه بنت صغيره فى بيت العمده دى زى متكون مريضه حطيت ايدى عليها لقيتها سنه قولتلهم خلو على يكشف عليها لانها مريضه
معلومه ياماما العمده دا فى الحقيقه ظالمم وبيقبل اى فلوس من اى حد معروف عنه كدا
وكمان انا صحيت من الحلم دا وانا بعيط والفجر بياذن صحيت صليت وفضل بردو ادعى ربنا ان احمد يكون زوج صالح ليا
وشفت خير اللهم اجعله خير
انى انا ماشيه انا ومرات عم بابا دى ست متوفيه من حوالى 15سنه وهيا متوفيه اسفه يعنى كانت مجنونه فانا كنت عارفه كدا وكنت خايفه منها وطول مانا وهيا ماشيه كانت عماله تكلم وتحط ايدها على رقبى فانا قولت دى مجنونه وهاتموتنى المهم انها قالتلى عارفه ابنى زغلول دا انا قبل ماخلفه خلفت قبل سته وماتو فوانا وهيا ماشين قبلنا ولادها ومراتتهم واحفادها قاعدين فى الشارع على سرير كدا فقولتلها تعالى ولادك اهمفمنكنتش راضيه تروح معرفش ليه المهم انى روحت واخدتها بالعافيه فبقولهم خدو امكم فبقو يستغربو مكنوش شايفنها انا بس الى شفتها المهم طلعت انها روح فلقيتها زقتنى على السرير قالتلى ينفع كدا تقوليلهم وكانت عايزه تخنقنى فادونى هما حبايه دوا كا ومبقتش اشوفها وبعدين شفت خالى واسمه السيد جاى على انه شاب صغير فى السن وجاى على شكل الشخص الى كنت مرتبطه بيه قبل كدا والى هو كان سبب ظلمى فقالى تعالى وركبنا العربيه واخدنى مول كبير اوى على انه بتاعه وكان قاعد كدا وعمال كل محد يبصلى يقولهم لمو نفسكم دى بنت اختى وبعدين قولتله خلينى معاك عشان انا نفسى ابعد عن الى فى البيت قالى لو بقيتى معايا يبقى لازم تسيبى شغلك قولتلهم ماشى وبعدين قولتله هو المول دا كله بتاعك انت قالى لا المول كله بتاع عماد وانا ليا فيه جزء كبير اوى وكان فيه ناس فى الحلم عمالين يقولوبنت اخته جميله اوى وكمان شفت صورت الشخص الى قولت لحضرتك انى كنت مرتبطه بيه والى هو سبب ظلمى شفت صورته هو وخطيبته كان حد بيورهانى شفت صورت خطيبته كات حلوه رغم انى اصلا معرفهاش بس هو مكنش وشه باين كان حاطط وشه فى قفاها وكمان خالى قالى هو عملك اي عشان تحبيه كدا وتعملى فى نفسك كل دا فضلت اعيط بقى فى الحلم بردو
اسفه طولت عليى ياماما
