السلام عليكم ورحمة الله وبركاته
جزاك الله كل خير على تفسيرك حلمي السابق وربنا يعينك ويديكي الصحة
اختي حلمت انها قاعدة وجوزها في صالة بيتنا القديم (اصلا الشقة دي بقالنا 10 سنين مش روحناها)
و ماما كانت في المطبخ , خرجت قطة صغيرة بيضاء من اقرب غرفة للمطبخ فماما حطتلها طبق حليب , بعد شوية خرجت قطة اكبر من نفس الغرفة بيضاء وفيها اجزاء مشمشي وماما حطتلها طبق حليب في عيش فينو متقطع , القطة الصغيرة سابت طبقها وجت تاكل من طبق الكبيرة ماما هشتها براحة فرجعت تاكل من طبقها وماما قعدت تبصلهم بحنية وبصت لأختي كأنها بتقول هاخدهم فأختي ضحكت وبصت لجوزها وكانوا فرحانين.
خلص الحلم على كده وربنا يقويكي ويجعله في ميزان حسناتك
