ازاى حضرتك يا ماما ربنا يديك الصحة والعافية ويحبب فيكى عباده الصالحين ويفرح قلبك باولادك ويرزقهم من حيثوا لايحتسبوا - انا حلمت يا ماما انى فى حمام بس الحمام ده قديم شوية وكمان التواليت اللى فيه بلدى زى بتاع زمان اوى ده وانا كنت عايزة اعمل بيبى براز وبقعد بيعيد عن الحمام واول ما احس ان البراز هينزل اقوم بسرعة واقعد على الحمام البلدى ده وكمان كان الحمام مكركب وفيه زى طبق او جردل جنب قاعدة الحمام فيه ميه بصابون وانا كنت بعدى من عليها عشان اروح على القاعدة دى وخلص الحلم على كدة - وبعدها بيوم يا ماما حلمت الحلم ده - حلمت انى واقفة فى البلكونة عندى وفيه غسيل منشور ابيض اوى ولقيت حبلين اتقطعوا بالغسيل ووقعوا فى الشارع وانا شديت الاحبال بالغسيل وطلعتها واختى كانت واقفة جنبى وبعدين انا بقول لاختى انتى هنا وسيبتى باب شقتى مفتوح لى بس قالتلى ما تخافيش وايه يعنى قلتلها لاء ممكن القطط تتدخل وانا مش بحبهم وبخاف منهم راحت قالتلى لاء مفيش حاجة هتدخل روحت وانا بكلمهم شفت قطة تخينة اوى لونها رصاصى فاتح دخلت من باب الشقة وجت عند رجل بنتى فانا قلت لبنتى ما تخافيش ياحبيبتى فى قطة وراكى ورحت هشت القطة لاقتها مش راضية تمشى وعمالة تمشى ورا بنتى وتشم فى كعب رجلها وبنتى خايفة روحت جايبة عصاية وهشيتها مش رضيت روحت ضربت القطة على دماغها بالعصاية راحت دماغها اتقسمت نصفين روحت زقتها بالعصاية ورميتها برا وقلت لاختى شفتى بقا مش قلتلك انا مش بحب الباب يتفتح عشان القطط دى وخلص الحلم يا ماما - بس يا ماما فى نفس حلم القطة ده لمحت دب لون بنى ماسك حاجة فى بقه بياكلها او بيرضع منها - وبس كدا يا ماما - بنتى اللى فى الحلم عندها 5 سنين واختى متجوزة -
