السلام عليكم يا حبيبتى يارب تكونى بخير وفى احسن حال
انا كنت حلمت خير اللهم خيرا ان وحده زميلتى كانت معايا فى الشغل جت وحضنتنى جامد اوى كانها بتسلم عليه او بتودعنى قبل متسافر (مع العلم انى من اسبوعين كنت حلمت ان الدنيا كانت بتشتى وانا وهيه كنا وقفين فى مبنى وشيفين الشتا من ورا الزجاج وقلتلها تعالى نمشى بره ده المطر حلو وهيه مكنتش رضية المهم اقنعتها وطلعنا مشينا بره فى المطر وانا كنت مبسوطه ومنطلقة وهيه كانت قلقانه شوية وفضلت اقلها شفتى مش قلتلك انه خير وفجاه لقيت وحده صحبتنا تالته كانت معانا فى الشغل بقت معانا وكلنا مشينا تحت المطر وخلص الحلم على كده-- المهم ان فى الحقيقه صحبتى دى مكتوب كتابها وهتتجوز وتسافر وتعيش بره فى نفس البلد اللى صحبتنا التالتة اتجوزت وعاشت فيها وهتسكن جنبها وصحبتنا التالتة اوشكت على الولادة
انا مش فهمه ده معناه ايهارجوكى تطمنينى
انسة-لا اعمل-25 سنة-غير مخطوبة
وكنت عيزة استازنك ياامى فى حلم تانى
انا كنت حلمت خير اللهم اجعله خيرا ان انا ووحده صحبتى (اسمها وسام) ركبين تاكسى بالليل والتاكسى كان حلو ونضيف اوى من جوة المهم بعد كده لقيت التاكسى فجاة دخل بينا على ممر خشب فى البحر لحد مالممر خلص قام مشى على مية البحر وانا كنت قلقانه وببص يمين وشمال وصحبتى والسواق يقولولى عادى متقلقيش هنوصل البر التانى وكان فى ضوء خافت كده منورلنا السكة المهم فى الاخر وصلنا لقيت نفسى فى شقة كده او اوضة معرفهاش بس كانت امان ولقتهم بيقولى الحمد لله وصلنا
مع العلم ياامى ان انا وصحبتى دى فى احداث كتيرة متشابهة بينا فى الحقيقة مثلا يتقدملنا عريس فى نفس الوقت وتكون شخصيتهم متقاربة كده يعنى
ياريت تطمنينى يا قمر
