ماما حبيبتى انا حلمت بمنام اغرب من الغرابة نفسها وبجد حاسه ان له معنى وبينى وبينى مكسوفة احكيه بس فضولى هيجننى لانى قمت من النوم مستغربة جداااااااا المهم عشان مطولش انا عايزة اوضحلك كذ حاجة قبل الحلم دلوقتى بسيونى ده بيشتغل فى نفس شركة بابا بس فى فرع الشركة اللى فى القاهرة وبييجى دمياط يشتغل برده يعنى بين هنا وهناك بس الاصلى بيبقى فى القاهرة وفيه كمان توضيح بالنسبة للوالد قبل ما احكى الحلم دلوقتى الوالد معدى ال 60 سنة والشركة دى قطاع خاص وبعد ما عدى السن ده بقوا بيمدولوا سنة بسنة يعنى بيجددوا عقده كل سنه وبصراحة كان فيه خوف كده السنة احسن ادارة الشركة مش تمدله لا قدر الله السنة دى كمان وبقالنا يومين قلقانين انا بس بذكر التفاصيل دى عشان ليها علاقة بالحلم
شوفت خير اللهم اجعله خير انى فى القاهرة وزى ما يكون فى شقة مدير فرع الشركة اللى فى القاهرة وبعدين شوفت بنته جت سلمت عليا وبتقولى مش فاكرانى قولتها اه معلش مش واخده بالى بس افتكرتك ( وبالفعل انا كنت اعرف بنت مدير الفرع ده قبل كده ومش عارفة اذا كانت هى دى اللى كانت فى الحلم ولا لا ) وبعدين كنت عندهم فى البيت وجت تقعدنى فى الانتريه اللى عندهم لقيت بسيونى قاعد والبنت دى قاعد بتتمحك فيه جاااااااااااامد وتحاول انه تلزق فيه وتلفت نظره وهوه مش طايقها تماما وكان بينفر منها بطريقة تكسف بصراحة وانا وال ما دخلت معاها لقيته ركز معايا قوى وكنا بيبصلى جداااااااا وكان زى ما يكون نظرات اعجاب واللى جالى فى الحلم انه معجب بيا عشان انا قاعدة هادية اما البنت دى فرامية روحها عليه اوى وفعلا طول ما احنا قاعدين كان بينفر منها ويحاول يركز معايا انا وبعدين البنت خدته وخرجت بيه من البيت وكان خارج معاها زى ما يكون غصب عنه فانا مشيت وراهم بحجة انى رايحة اجيب مناديل من عربية بابا وكنت ماشية كده جنبهم او سابقاهم قدام بحاجة بسيطة وسمعت بسيونى بيقولها بطلى بقا التلازيق والتماحيك بتاعتك دى وبرده كان بسيونى ولا كانه معاها رغم عمايلها دى وقاعد يبص عليا وبعدين وانا رايحة اجيب المناديل لقيت العربية اللى الشركة بتاعة بابا مديهاله راكنة كده وهى يا ماما اصلا عربياتهم بتبقى زى عربيات السفارى او عربيات النقل اللى باتنين كبينه عشان دى عربيات المصنع وبابا المسئول عن الامن فيه وعلى فكرة بتبقى عربيات مؤجرة المهم لقيت واحد معرفة لينا وهوه يبقى ابن واحد فى الشركة دى بس معرفة سطحية مش قوى يعنى بيغسل عربية الشغل دى بتاعة بابا بالماء والصابون والعربية راحت متحولة لعربية 128 ملاكى بيضا ونضيفة وزى الفل (ممكن تكون الجزئية دى ليها علاقة بالتجديد العقد بتاع بابا؟) فجبت المناديل ووانا راجعة تانى بيت المدير ده وانا قاعدة بقول فى نفسى اااااااه يبقى هوه ده حلم الماتش اللى شفته قبل كده انى بتنافس مع حد على بسيونى بس انا فى الاخر جبت الكورة و دخلت الجون وسجلت الهدف على اخر لحظة وطول ما انا ماشية بقول الرك على الوفق الوفق الوفق وقاعدة بكرر الكلمة دى كتييييييير والوفق هيحصل معايا انا بدليل انه بيبصلى انا اهو ورجعت بيت المدير ده ولقيت بابا قاعد معاه فى البلكونة كده وكانت اختى واخويا موجودين فاختى قالتلى متخافيش اخوكى هديكى وصف عن بسيونى لما لقيتنى قلقانة كده فبفتح الورقة اللى اختى اديتهالى لقيت زى ما يكون مفسرة احلام بترد على احلام واحدة تانية الظاهر باعتاهلها احلام تخص بسيونى والبنت التانية دى مش انا خالص كان جايلى فى المنام انها واحدة تانية فردت المفسرة عليها وقالتلها بيهرب منك ومستقيم فى نفس الوقت وبعدها جيت ابص من الشباك لقيت بسيونى راجع مع البنت وهى بتجرى وراه وهوه مش مديها ريق حلو وقاعد بيتهرب منها الغريب بقا اللى فى المنام انى لما كان بسيونى بيبص عليا فى المنام ومركز معايا كده لقيت شغااااااااااال فى ودانى من غير ما حد يسمعها غيرى كلمات اغنية بتقول "وتعالى احنا بقينا لبعضنا كنا اتنين وهنبقى واحد طول عمرنا " وبعدها قمت من النوم وانا والله العظيم يا ماما فاتحة بقا من قمة الاندهاش لانى اقسم بالله العظيم متدينة جدااااااااا ومداومة على الاستغفار اينعم انا ساعات بسمع اغانى بس بهدف انى اروح عن نفسى والله العظيم يعنى من قبيل روحوا عن القلوب ساعة مش اكتر لكن والله الحمد لله متدينة بس مش عارفة كلمات الاغنية لما تجيلى كده معناه ايه ؟!!!!!!!! ....اه كمان استفسار لما العربية بتاعة الشركة بتاعة بابا اتحولت لعربية 128 بيضة ومغسولة وبتلمع وملاكى ده معناه حلو ولا ايه خصوصا ان الماركة قديمة وبابا كان بيركبها زمااااااان بس غيرها حتى قبل ما يدخل الشركة ما علينا يعنى اقصد المعنى فى الماركة ولا فى الرقم وهل ده له علاقة بموضوع التجديد ولا ايه خير يااااااااارب
بعد كده يا ماما بعد ما قمت من النوم مزهوله
ودخلت الحمام ورجعت نمت تانى شفت خير ان اختى قاعدة بتكلمنى على احمد اللى محصلش معاه نصيب ولقيت بررررررررررده وهى بتكلمنى كلمات اغنية بتتردد فى ودانى انا بس وكانت بتقول " تعب قلبى بيظلمنى بيجرحنى بيتعبنى وبيسبينى ولو بعته بيرجعلى ومن تانى يغلبنى " اقسم بالله العظيم والله والله والله ويمين اتحاسب عليه وبغض النظر انها اغنية هى دى شخصية احمد بالظبططططططططططططططططططط وده سر تعبى معاه فعلا انه بالوصف ده بالظبط علاقته معايا كلها شد وجذب واستغربت جدااااااااا ان حتى كلمات الاغنية اللى كان ممكن اعتبرها ملهاش تاويل بتوصف شخصيته جااامد كده وقمت من النوم وانا بجد حاسة انى هيجرالى حاجة من الزهووووووووووول .....انا بقا سوالى هل مدام الكلمات بتاعة الاغنية هنا منطبقى على احمد يبقى فى الحلم الاولانى تنطبق على بسيونى ولا ايه اغنية تقول كنا اتنين وبقينا واحد والتنية اللى حكيتهالك دى يا ماما نورينى يا ماما احسن انا قايمة من النوم بخبط كف على كف ده حتى الاغنية اللى فى حلم بسيونى دى انا ايام ما كان نفسى فى موضوع احمد كان ممكن اتخيلها عليه لكن جاتلى على بسيونى مش احمد خااااااااالص ...ربنا يستر لانى بجد حاسة ان الكلمات دى ليها معنى ومطكانتش بطبل ولا زمر ولا حاجة كانت هادية وبصوت حلو وفى ودانى انا طول الحلم
