السلام عليكم ورحمة الله وبركاته
ازيك يا ماما نجية اخبارك ايه ، مش هطول عليكي انا حلمت حلمين صغيرين
الحلم الأول : قبل صلاة الفجر مباشرة ان شاء الله قمت على صلاة الفجر اصلي
حلمت احلام كتير بس اخر حاجة شفتها قبل ما اقوم من النوم كانت الاتي ان انا واقفة في مكان للستات المفروض انه كوافير بيوتي سنتر حاجة زي كده واللي قاعدين فيه بنات كتير كلنا لابسين زي لبس المدرسة اللي كنت بلبسه في السعودية (مريلة او عباية لونها رصاصي) وببص لقيت تلات بنات قاعدين (في الحقيقة كانوا معايا في المدرسة) بنت اسمها سعيدة ، وبنت اسمها اريج واريج دي معاها توائم ليها نسخة طبق الاصل بس لون الشعر مختلف التلاتة شعرهم درجات البني الفاتح والغامق .
ببص لقيت بنات واقفين ادام في اول صف بيغسلوا شعرهم قمت انا كمان اغسل شعري
واول ما حطيت الشامبو على شعري يا ماما عمل رغاوي رغاوي رغاوي كتير ررررررررررررر يا ماما وبدات اشطف شعري وانا لبسة هدومي كل ده ، وانا ببدء اشطف شعري لقيت البنت الكوافيرة جاية بسرعة وبتقولي مستنتيش ليع اغسلك شعرك واشطفهولك بدل ما ما تشطفيه لوحدك ممكن تبلي نفسك ، قلتلها ما انا مبلتش نفسي اهه ، والغريب يا ماما كنت بشطف شعري بهدومي لا وانا واقفة كمان وبصب المية من فوق لتحت بس هدومي متبلتش شعري بس وقمت من النوم على كده.
الحلم التاني : بعد صلاة الظهر مباشرة قمت على النوم بعد اذان الظهر بربع ساعة
حلمت ان انا واقفة في مكان زي مدرسة او مبنى في مكان زي الزمالك دخلت المبنى بتاع المدرسة لقيت في شباب كتيرررررررررر سلمت عليهم سلام عليكم بس ودخلت اوضه تانية فيها مدرس وبنت اسمها دعاء المدرس اتبسط اول ما شافني وابتسم دعاء دي كانت كويسة وواقفة بكلم المدرس ودعاء دي ماسكة حاجة شبه الثعبان أو العلقة لونها اسود رفيعة بتلم وتفرد في نفسها مش كبيرة ، انا قرفت منها جدا يا ماما وهي لما لاقتني خفت كده راحت جايبة اتنين من العلقة دي او الثعبان وعملاهم زي الكروس كده عكس بعض وبقت عمالة تحاول تضربني بيهم وانا بجري منها وادافع عن نفسي واصد الضربات على قد ما اقدر بس يا ماما الشئ ده ساب علامات بيضاء على هدومي وايدي ، لغاية ما جت وراحت ضرباني بالقلم على وشي ساعتها انا اتنرفزت يا ماما جدا ورحت مسكاها ورميت القرف اللي هي ماسكاه بعيد ورحت ضرباها بالاقلام على وشها كتير مش فاكرة كام مرة يمكن 3 مرات او 6 مرات وهي بقت مذهولة من رد فعلي، سبتها وكنت همشي فبتتوعدلي انها هتبلغ عني يرفضوني قلتلها الحق معايا انا معايا شهادة المدرس(المستر) ومعايا شهادة الولاد اللي بيلعبوا بره انك اللي بداتي بالضرب مش انا انا دافعت عن نفسي وان اللي انتي مسكاه ده وانتي بتحاولي تضربيني بيه
دا غير الاثار اللي سايبها فالحق معايا ومحدش هيغلطني بصتلي كده واتغاظت مني رحت طالعة من المكان ده ونزلت سلم مش كبير ولقيت تحت مستنياني زي مساعدة ليا خدامة حاجة زي كده ومعاها عربية حمراء حلوة جدا وشيك جدا وسواق فاول ما نزلت بشاور لها وبقولها اركبي جنب السواق وانا هركب ورا وراح السواق فتحلي الباب اركب وكانت يا ماما الكنبة بتاعة العربية عالية اعلي من العادي وانا كنت مبسوطة وكان في حاجة جنبي على الكنبة مش فاكراها زي ما تكون قفص خضار او فاكهة او زي سرير البيبي كده والعربية بدات تتحرك بينا وقمت من النوم على كده .
معلش استحمليني يا ماما ايه الضرب دا كله يا ماما ، انا مخضوضة وخايفة جدا ومش عارفة في ايه دا خير ولا ايه طمنيني الله يكرمك
انا انسة 32 سنة غير مخطوبة ولا متزوجة مقدمة على شغل في الجامعة ومليش رد منهم او بمعنى ادق الموضوع واقف تماما ببدء احضر في الدكتوراه ، قلقانة من تاخر الزواج والشغل ، حالتي الدينية متوسطة بس حريصة على صلاة الفجر يا ماما
