السلام عليكم ياماما نجيه
انا حلمت خير الهم اجعله خير
انى فمحل كوافير بس هو كان شبه اوضتى وان فى بنتين هما اللى بيعملولى شعرى وكان شعرى فالحلم طويل عن شعرى الحقيقى وكله طول واحد وغزييييييييييييير جدا واسود قوى وشكله جميل جدا وكان غزير وناعم جدا يعنى الشويه الصغيرين منه قد شعر بنات كتير -وانا الحمد لله فالحقيقه شعرى الحمد لله غزير بس مش زى اللى فالحلم ولا بحلاوته وسواده الجامد-
المهم وكانوا البنتين اللى بعملولى شعرى مدايقين من غزر شعرى وتاعبهم قوى فعميله وهما مقسمينه من كتره وكل خصله يعملوها كحكه عشان يعرفوا يعملوه فانا كنت كل مالاقيهم مدايقين ومش عارفين يعملوه اخد المشط انا واسرح واظبت فيه وتقريبا هما معملوش حاجه وكانوا مدايقين منى
وكانت معايا اختى منى وهى كانت بتلم شنطتى وحاجتى عشان انا خلصت
فمنى بتسأل البنت الحساب كام قالتلها 24 جنيه وانا قعدت اتنرفزت ليه يعنى دانا اللى سرحته وهما معرفوش يعملوا حاجه وهما كانوا عارفين انى بتكلم صح وانا قعدت اقولهم وانا بلبس الطرحه عشان امشى
انتوا ميرضكوش ادفع وانتو اساسا معملتوش حاجه المهم قالولى عند حق
الكلام كله كان مع واحده من البنتين والتانيه كانت متغاظه ومتدايقه من شعرى هى عايزه زبونه سهله شعرها خفيف مايتعباش وتخلص بسرعه وتقبض المهم واحنا ماشين انا ومنى اختى البنت دى مكان مكانت قاعده بلف دماغى لقيتها راجل وقعد يقولنا خلو بالكو من نفسكوا وانتو مروحين وفالمواصلات خدوا بالكم ولاد الحرام كتير ربنا يحفظكم وكده بس وصحيت
ياااااااااااااااااااااارب يكون خير ان شاء الله
انا انسه واختى كمان انا اكبر منها بسنتين
الحاله الينيه الحمد لله ملتزمين
