حلمت انى زى ما يكون واقفة فى بلكونة وكان شعرى مكشوف وبعدين لقيت احمد اللى مش حصل معاه نصيب معدى تحت البلكونة بعربيته وكان زى ما يكون شعر راسه فيه بياض وذقنه طالعة وفيها شيب برده (على الرغم انه مش مربى دقنه فى الحقيقة)ولما انا اتفاجئت انه معدى وحاولت ادارى وهوه لاحظ انى بحاول اتدارى منه عشان مش يشوف شعرى وكنت قاصدة ادارى منه واوريله انه يستحيل يشوفنى كده لافيته بيضحك وبيسخر منى ويشاور عليا ويضحكككككككك عشان حاولت ادارى منه فانا زعلت كده بينى وبين نفسى وقلت هوه بيسخر منى ليه كده هوه انا شعرى وحش !!! فلقيت واحد قريبه كده فجاة جه من ورايا روحت بصاله كده وروحت حاطة راسى تحت حنفية المية وغسلت شعرى بالكامل وبقا حلو ونااااااااااااااااعم مفرود على ظهرى كده وطويل ولقيتنى بقول لقريبه ده هوه ليه يضحك عليا كده هوه انا شعرى وحش لا قدر الله فقالى لا انا عن نفسى شايفة حلو جداوكنت قاعدة وحاسة ان شعرى حلو ومش يستاهل انه يتريق عليا كده....على فكرة قريبه ده مرتبط وملوش علاقة بيا من اى نوع بس هوه كان جايلى كده فى الحلم وخلاص
وعلى فكرة شفت احمد من قريب من يومين باين فى النادى الاجتماعى بتاع الشركة ومش حصل كلام وولااااااااااااااا عبرته وولا كانى شايفاه خااااااااااالص وهوه لما جه يسلم عليا سلمت عليه بطريقة باااااااااااااارداااااااااااااا وكنت متجاهلاه تماما وكان شكله ساعتها هيموت من الغيظ لانه كده طبيعته لما حد يتجاهله يتضايق هوه على طول عايز يلفت الانظار دايما ...دى طبيعته اصلا من زمان مع اى حد ...لدرجة ان لما حد يبقى متجوز وزميل بابا فى الشغل بحكم اننا كنا قاعدين فى نادى اجتماعى ييجى يكلمنى عادى جدا كان هوه يتضايق مووووووووووت ولما ييجى حد يحاول يكلمنى يدخل زى الصاروخ فى الكلام و يقاطعه ومعرفش ارد على الناس من قله زوقه ولا زى ما يكون مراته ومش عايزها تكلم ولا ترد على حد ... وفعلا حصلت جه واحد متجوز يا نااااااااس يسالنى عن حاجة لقيته زى المكوك اتدخل فى النص وراح قاعد يقاطع ويلفت النظر وخلاص ...اتجنن ده ولا ايه وانا مش هفضل مستخبية ومدارية ده نادى وكل الناس بتروحعه وهوه مش هيحرمنى انى اروحه
