ازيك الاول ياماما ربنا يخليكى ويباركلك لنا فيكى وفى منتداكى
بصى ياماما انا حلمت خير ان زوجى بيتصل بى وبيعيط فانا قلت له ايه يا مصطفى مالك قال لى انا طلع عليه فى الطريق ناس مسكين مسدس واخذوا منى 500جنيه والموبايل قلت له فى داهيه فداك اهم حاجه انت كويس قالى اه بس ايديهم كانت فيها دم ومسكين المسدس منظر صعب قلت له بس تعالى بالعربيه بسرعه وفغلا جاء وانا كنت مستنياه وسالته تانى ايه اللى حصل وقال لى نفس الكلام وقلت له طب اخذوا كمان 2000جنيه والبضاعه قال لى لا هم اخذوا بس 500 جنيه والموبايل لكن 2000جنيه ما شفهمش انا قلت له لوكنت اعطيتهم 50جنيه بس كانوا سبوك ليه اعطيتهم 500 قال لى اللى حصل واحنا بنتكلم لقيت الدنيا بتشتى بسيط ثم زادت لحد اما المطر زاد قوى قوى والسماء عماله تنور وانا بنظر للسماء وعماله ادعى بحرقه شديده اللهم انصرنا على من ظلمنا لدرجه ان انا اغمى عليه فى الحلم من كثرة الدعاء واحساسى بالظلم وكان فى دماغى وقتها الناس اللى اخذوا من زوجى الفلوس بالغصب وكمان موضوع فى الحقيقه فيه ظلم ليه ولزوجى من اقرب الاقارب لينا(انا متزوجه وعندى ثلاث اولاد وابن متوفى ومنتقبه ومتدينه انا وزوجى والحمد لله بس زوجى ياماما دائما متساهل فى حقه جدا وعمره ما بيطالب بيه وكل اما اقوله ده حقك بيقولى اما ابقى مظلوم احسن ربنا بيعوضنى اكتر من اللى راح اضعاف مضاعفه لكن انا بختلف معاه دائما وبقوله ربنا قال لاتظلمون ولا تظلمون وكمان المؤمن القوى خير من المؤمن الضعيف انا مش عارفه مين فينا اللى صح)
