السلام عليكم امى يارب اخبارك ايه يارب تكونى بخير حبيبتى دائما
انا كنت حلمت انى عملت عيد ميلادى فى بيتنا وكنت اتفاجئت ان فى ناس حضرت العيد ميلاد فى ناس اعرفهم وناس لاه بس منهم 2 بنات كانوا زمايلى فى الشغل قبل مسيبوا (مع العلم ان الاتنين دول مكنتش بحبهم اوى ) والحمد لله الخير كان كتير والناس كلها اكلت وشبعت وكنا مستعدين كويس للعيد ميلاد (مع العلم ياامى ان انا اصلا مش بعمل عيد ميلادى وكده)
وجه عيد ميلادى التانى بس المرادى كان فى شتا وكنت شفت وحدة من البنتين كنت انا وهيه بس تحت المطرة شفتها قبل متيجى يعنى العيد ميلاد يعنى (البنت دى انا وهيه متخاصمين حاليا) وبصيت فى شنطة كده بتاعتى كانت قدامى شبه شنط المدرسة شويه لقيت فيها فلوس وكل مدور فيها اكتر الاقى فلوس عشرينات وميات وخمسينات كانى كنت نسياهم فيها
وبعد كده بدا العيد ميلاد بس مكنتش مستعدياله اوى المرادى بس انا واختى ظبطنا بسرعه بحيث يعدى كويس بس عدى بسرعة ولقيت شاب معرفوش فى الحقيقه بس اعرفه فى الحلم كان قاعد فى البلكونه عندنا وجايبلى هدية لوحة خشب لعبة عجبتنى اوى ولقيت العيد ميلاد خلص بسرعة وملحقتش اقعد مع الناس اوى عشان اتاخروا بسبب الشتا
25 سنة - انسة - غير مخطوبة - لا اعمل
