ازاى حضرتك يا ماما ربنا يديك الصحة والعافية ويفرح قلبك باولادك ويفرح اولادك - انا حلمت يا ماما انى راكبة عربية مع خالى وهو اللى كان سايق وكان ماشى بسرعة اوى وانا بقوله براحة شوية قالى ما الطريق فاضى اهو وطلعنا كوبرى وبعدين وصلنا عند بيت ماما وانما قلتله ايه ده احنا وصلنا بسرعة اوى ونزلنا من العربية ومشينا عشان يوصلنى لبيت ماما واحنا ماشين سمعت اذان العشاء وكنت بردد الاذان وبعدين طلعت على السلم فى بيت ماما وخالى راح قالى وانا طالعة خدى خلى ال 12 جنيه دول معاكى دول علشانك قلتله ماشى وطلعت عند ماما - وخلص الحلم - خالى اللى فى الحلم اسمه عادل وعلاقتى به كويسة اوى اوى - وفى نفس اليوم يا ماما حلمت انى داخلة عمارة حلوة انا واختى وواقفة عند الاسانسير وبقول للبواب هى الشقة اللى فاضية فى العمارة فى الدور الكام قالى فى التانى تيجى تشوفيها قلتله هستنى اختى عشان نطلع مع بعض وبعدين لاقيت اختى نازلة من على السلم بقولها يلا نطلع نشوف الشقة قالتلى ما انا كنت بشوفها قلتلها ده انا واقفة مستياكة ومش رضيت اطلع من غيرك قالتلى معلشى يلا نطلع تانى وطلعنا دخلنا الشقة لاقيت ناس قاعدين فى الصالة كان بردوا بيتفرجوا على الشقة وانا عجبتنى الشقة اوى وقلت حلوة وواسعة كمان يا سلام لو اخدها وارتاح بقا -وخلص الحلم على كدة يا ماما
