1-الفلوس فى الحلم

انا دايما ببعت لحضرتك
واقولك ان انا متقدملى واحد وبابا معارض جدا فى الموضوع رغم انه اتقدم مرة
واتنين وكانت الدنيا ماشية وفجأة الدنيا اتغيرت تماما وبدأ يفرض طلبات
كتيرة عليه جدا فى الجهاز والشقة وحاجات اكتر من المفروض واللى متقدملى
مهندس لسه فى بدايه حياته ولسة بيبدأ فكان بينى وبين بابا وسطاء فى الموضوع
امبارح بقى فتح الموضوع معايا وفضل يقولى تفكيرك اتغير وانه مستحيل يوافق
عليه وهو فى ميزة ايه عشان تتجوزى بعيد كدا هو من بلد وانا من بلد فرق بينا
ساعتين وانا حاليا شغلى بالجامعه فى السعوديه وهو مهندس فى القاهرة وبنزل
طبعا فى اجازة الصيف المهم فضلت اعيط جدا امبارح وانا بكلمه واحاول اقنعه
ويقولى مستحيل اوافق عليه وكان اتقفل الموضوع لية يتفتح تانى انا مش عارفة
ايه حصل لتفكيرك ودماغك ومش بيقبل اى كلام منى خالص فطبعا طول الليل قعدت
ابكى وقومت على 4 وربع صليت قيام ليل وصليت قضاء حاجة وقرأت سورة البقرة
واستغفرت ربنا وقمت قبل الفجر بدقيقيتن اصلى صلاة استخارة تانى فى الموضوع
وحلمت ان بابا وافق على خطوبتى ليه بس كان زعلان ونادى عليه وان كان فيه
شريط الشخص اللى متقدملى دا مسجل ليه عليه حاجات وهو بابا كان بيدور علية
وانا بقولهم محدش يديهوله عشان هيكسرة قالوا لية لاء دا بيدور على مسامير
عشان يقفله ويرجعه زى ما كان المهم هو نادى علية وانه موافق على الشخص دا
بس طبعا زعلان وانا كنت فرحانه بس مش مبينه وفجأة خرت عند بابا شقتنا ولقيت
الشخص اللى متقدملى واخدت منه 500 جنية وقولتله هرجعهملك تانى قالى خديهم
وانا يادوب اللى معايا 12 جنية وكان مش زعلان وانا باخدهم منه ورجعت عند
بابا وقولتله اخدت منه 500 جنيه وسيبتله 12 جنية وفجأة طلع الشخص اللى
متقدملى على سلم السطوح عندنا وفى ايده كتاب ولاقيته مش بقى هو الشخص دا
لاء لاقيته ابن عمى اللى انا موسطاه بينى وبين بابا فى الموضوع وهو دكتور
ومتزوج ومعاه اولاد وبعدين لاقيت معايا كتب كتيرة فى ايدى وان انا نازلة
الجامعه ومحتارة اشيل اية واسيب ايه ففضلت اقلل فى الكتب واختار منها عدد
بسيط بس اشيله على ايدى دا كل اللى حلمت بيه


الحمد لله علاقتى بربنا بزيد فيها
والحاله الاجتماعيه انسة
27 سنه