السلام عليكم ورحمة الله وبركاته
ازى حضرتك يا امى الغالية
احنا لنا عم هو الكبير والراجل ده غنى اوى اغنى واحد فى عمامنا كلهم وعنده ولد وبنت والولد لسه مخلف بنوته صغيرة الشهر اللى فات بعد 13 سنة زواج من غير حمل
امى حلمت انه عمى ده اعطى لبابا اوضة نوم كاملة من عنده بس حلوة اوى اوى وكمان طربيزة صغيرة شكلها لذيذ وكمان طربيزة صالون
فبابا قال لماما انه هياخد اوضة النوم بس لما يوسع الشقة بتاعتنا 1(ملحوة شقتنا اللى فى البلد لسه هتتوسع بزيادة ان شاء الله) علشان يفرشها لانه ملهاش مكان فى الشقة لانه الشقة صغيرة فبابا قال لماما خليهم عند خالى فى بيته 1(بيت تيته القديم) لحد ما يوسع الشقة فماما قالت له ماشى بس هناخد الترابيزة الصغيرة علشان نتعشى عليها وخلى ترابيزة الصالون فى اوضة المسافرين عند تيته
ايه راى حضرتك ياماما فى الحلم ده
ملحوظة اخرى بابا مش غنى اوى زى عمى كده احنا مستورين و الحمد لله
احنا 3 بنات الكبيرة متزوجة ومعاها بنت واحنا الاتنين لسه باقيين
بابا لسه محجش وماما عملت عمرتين
