السلام عليكم ورحمة الله وبركاته
انا حلمت يا ماما في العشر الاواخر من رمضان غالبا ليلة 25 او ليلة 26 ، حلمت ان انا واقفة في حوش مكان غالبا مدرسة ، واقفة ورا عمود العمود لونين النص اللي فوق اخضر فاتح واللون اللي تحت اخضر غامق ، وانا وفقفة ورا العمود يا ماما، سمعت ضرب نار كتيرررررررر وشفت ناس كتير حواليا بتقع تموت ستات ورجالة وكان فيه طفلين اة تلاتة من اللي ماتوا ، انا استغربت جدا ، وقلت للناس اطلبوا البوليس اطلبوا الاسعاف ، وبعدين قلت بصوت عالي في الحلم الناس دي ماتت بقصد مش غصب عنهم ، الناس دي ماتت مقتولة اللي قتلهم قصد يقتلهم مش غصب عنهم .
وبعدين يا ماما قلت بصوت واطي شوية والله لادافع عن الحق مهما حصل ، وبعدين قلت في سري عشان اخد حق الناس دي لازم اكون صحفية رغم اني مش بحب الصحافة . وبعد كده لقيت نفسي مجمعة اهل الناس اللي ماتت وبخطب فيهم واحثهم انهم يخدوا حق الناس اللي ماتت ، وقعدين حواليا في مربع تلات اضلاع والضلع الرابع انا وقفتي ، وقعدت اخطب فيهم وقعدت انادي على ناس منهم كاني عرفاهم ، قعدت اقول حضرتك جوز فلانة ، وواحد تاني حضرتك ابن فلانة ، وحد تالت حضرتك ابن اخت فلانة ، وقلتلهم انتم متعرفونيش بس انا عارفة معظمكم ،معظم الناس اللي قاعدة كانت لابسة ملابس غامقة يا ماما ، لكن في واحد فكراه مش نسياه قمحي مش ابيض ولا اسمر وعنده دقن وشنب لونهم اسود شعره على جنب اسود تقيل ولابس قميص اسود ، وقاعد بيسمعني وانا بخطب في الناس وبيبصلي وهو مبتسم جدا وفرحان . قوليلي بالله عليكي يا ماما دا ايه بقى ، احلامي هتجنني يا ماما خلالالاص .
انا انسة 32 سنة ، جدتي مريضة جدا ، حالتي النفسية سيئة جدا جدا من تاخر الزواج وشغل مقدمة فيه متعطل بتحصل فيه مشاكل غريبة ، حالتي الدينية متوسطة .
