الشقه فى منام

بسم الله الرحمن الرحيم


انا حلمت اني راجل ومتجوز تلاتة واحدة سمراء وواحدة سمينة وواحدة مش فاكرة شكلها وعندي شقة كبيرة
وكل واحدة فيهم نايمة في غرفة و كان في ناس عايزين يقتحموا الشقة ويؤذوا مراتاتي دول فانا جريت وبقيت
ادخل كل غرفة وآخد مراتي اللي فيها وادخلهم على البلكونة وبعد ما دخلتهم البلكونة جاية ادخل وراهم فلقيت
نفسي بنت عادي بعدين لقيت روب لونه سمني منقوش بني فقلت البسه قبل ما ادخل البلكونة علشان
الناس هيبقوا شايفني ....وانا بلبسه لقيته بقى لونه ذهبي وقماشته حرير بس لقيته بنص كم مكشكش
فقلت لو كان بكم كان يبقى احسن علشان يغطي دراعي بعدين قلت خلاص مش مشكلة ولبسته وكان
شكله حلو اوي عليه ودخلت البلكونة......ممكن حضرتك تفسريلي التفاصيل اللي في الحلم علشان عايزة
اعرف معناها ايه؟؟ يعني معناه ايه اني راجل ومراتاتي معناهم ايه والروب اتغير شكله وبنص كم..............
انا طالبة في الكلية آنسة اعيش مع ابي وامي واختاي واخي ربنا يخليهملي
وربنا يجازيكي خير على مجهودك ...