السلام عليكم ورحمة الله وبركاته
انا حلمت انى رايحه انا وماما واخويا الكبير لاستديو تصوير عشان اتصور وكنت لابسه جيبه وبوليرو فى الحقيقه عندى وكان شكلى حلو بس مكنتش حاطه مكياج فلما رحت الاستديو ببص فى المرايه قلت لو كنت حطيت مكياج كان هيبقى احسن عشان الصوره تطلع حلوه ففكيت الطرحه عشان اظبطها تانى وبعد ما فكتها سبتها على شعرى مفكوكه ودخلت اوضه كده فى الاستديو وكان فيها بنت كبيره نايمه صحيتها وكنت بسألها وبقولها فين الدكتور وانا قصدى على المصور قالتلى هو مش جاى انهارده تعالوا بكره ان شاء الله فخرجت لماما واخويا وقلت احسن عشان ابقى البس طقم تانى واحط مكياج وبعدين تقريبا كان فيه هدوم فاخويا كان عاوز ياخد برمودا ليه فدخلت اسألها على سعره قالتلى32 جنيه فخرجتلهم وقلتلهم وبعدين اخويا قالى ده شكله هيطلع صغير قلتله طيب ادخل قيسه وماما قالتله اهو ممكن ينفعك انت او اختك او اخوك الصغير فدخل اوضه عشان يقيسه ودخلت معاه ولقيته طلع 20 جنيه وحطها على اساس انها تمن البرمودا فقلتله ده تمنه 32 مش 20 وصحيت على كده ومكنش لسه لبسه
انا انسه واخويا عازب وزي ما قلتلك قبل كده يا ماما ان اخويا عاوز يسافر وبيسعى وانا مش عوزاه يتغرب
طمنينى ربنا يطمنك ويجازيكى خير
