السلام عليكم ورحمة الله وبركاته
ازيك ياماما نجيه يارب تكونى بخير
انا حلمت انهارده انى فى محل اسمه هديه وشفت قمصان نوم فدخلت البروفه اقيس قميص وقيسته وكان قصير وعريان من ضهرى كده بس كان جميل اوووى عليا المهم انا سألت على سعره بس قلت لاء ده غالى فقمت قلعته ولبست الاسدال اللى كنت لابساه قبل ما اقيس القميص مع انى فى الحقيقه مش بلبس اسدال وبعدين لقيت فى نفس المحل ترابيزه كده وعليها مانجه وفيه بنت بتسأل الراجل المانجه دى بكام قالها ب 9 جنيه فانا قلت للبنت دى المانجه دى مش حلوه ده احنا جايبينها من السوق ب 9 جنيه برده بس جميله وفعلا احنا كنا جايبين من السوق مانجه فى الحقيقه بنفس السعر
وكان فيه فى الحلم مشاهد تانيه ملخبطه بس مش فكراها
انا انسه حالتى النفسيه الى حد ما عاديه بس فيه شوية تفكير وقلق بسبب موضوع ارتباط مع قريبى بس الموضوع مفيش فيه حاجه بتتم وكان بيقولى ان فيه حاجه بتمنعه وبتوقفه وكل يوم مشكله وبصراحه انا خلاص زهقت وسيبتها لله
