تفسير احلام السبت 3\31 ان شاء الله

حلم رقم ٣ 

ده حلم لواحده صاحبتي 

حلمت اني في شقتنا القديمة وماما بتعمل حاجات في المطبخ و راحت الاوضه البعيده ووصتني اخد بالي وانا قاعده شامه ريحه شياط جامده و عماله أقول عادي ومش عايزه أقوم وسمعت ماما فقولت هي هتشوفها لقيت الشياط زادت اوي فقمت عشان اشوف لقيته حريق صغير زي ما يكون وباعه شغاله وتحت اكياس سوده بلاستيك ف طفيته وروحت لماما كانت نايمه ع السرير قولتلها مفيش حاجه أساسا ده كان حريق صغير و انا طفيته 

هي أنسه و في موضوع شخص كان معجب بيها من سنه وانا حاولت افتح الموضوع تاني 

اليقن بالله كتب:

السلام عليكم ورحمه الله وبركاته
ازيك يا ماما عامله ايه
حلمت اني اتجوزت محمد السعه (ده ابن عمه ماما يعتبر خالي ) وسافرت معاه بره (بلد اجنبي ) وزى ما اكون فى مكان كبير فيه غاز شبه المصانع الكبيره اللي بيبقى فيها مهندسين دي وفيها حاجات كبيره شبه بتاعه البترول والغاز ده اتسرب فالناس قعدت تجري علشان التسريب ده فقعدنا نجري وكل واحد خرج من بابا وكان فى ايدى بنت قال بنت صغيره المفروض انها بنت اختي  الصغيره واختي وبودى ودندونه (دول ولادها )خرجو من باب تاني قولت اطلع أنقذ البنت دي وابقى امر عالبوابات التانيه اجيب بودي ودندونه أشوفهم خرجو منين روحت البنت الصغيره اللي فى ايدى وطلعت أدور علي العيال فى وسط الناس ملقتهمش وانده بصوت عالي يابودى يا دندونه مش لقياهم وأدور فى وسط الناس وطلعت فى مكان عالي وقعدت انده والنَّاس بتبص عليا بس كنت بردد دعاء اللهم ألطف بنا فينا جرت به المقادير

الحلم ده كان امبارح
النهارده حلمت ان بودى ودندونه تيهين وانا بدور عليهم ومش لقياهم لدرجه اني اخدت صورهم علشان أنزلهم عالنت علشان حد يتعرف عليهم ويرجعهم وانا بدور علي صورهم ملقتلهمش غير صور وهما اصغر شويه من دلوقت

مع العلم اني انسه ومش مخطوبه وانتي مامات بودى ودندونه مسافرين بره بلد عربي واختي معندهاش البنت الصغيره اللي انا أنقذتها فى الاول
وبودي ودندونه دول أطفال فى ابتدائي

بوسى 123 كتب:

رقم ٢
حلمت انى فى سريري فى حجرة نومى و معايا بنتى الصغيرة و بعدين بنتى الكبيرة خبطت ع الباب و دخلت و معاها هدوم .تقريبا كانوا حاجتين و متعلقين على شماعات وضعتهم بسرعة و مشت علشان المفروض ان المكوجى جه ع الباب و هى رايحة تفتح له ..و راحت و رجعت معاها كيس فيه هدوم و حاجات تانية على شماعات و قالت لى انه المكوجى قال عدد الشماعات تقريبا ١٠ ...و انا لقيت ٤ شماعات بس و قلت لازم اقوله علشان الحساب يكون مضبوط..و بعدين بصيت جوة الكيس اللى بنتى أعطته لى ..لقيت حوالى ٥ قطع هدوم متطبقين فوق بعض ..منهم ٣ نفس الرسمة و النقش بس لونهم مختلف واحد على احمر و التانى على ازرق و التالت على اسود ..انا فى الحلم عارفة انهم زى عبايات طويلة بتاعتى   ..طلعتهم من الكيس..و فتحت واحدة منهم و لقيت فيها دبابيس عند الكم ..زى الدبابيس اللى بيطبقوا بيها القمصان الجديدة ...بس الدبابيس كانت دبابيس طرح و لها رأس لونها ابيض ..و طلعت حوالى ٤ او ٥ دبابيس و مسكتهم فى ايدى و كان لسه فى دبابيس تانى فى العباية...شكرا

Ghalia كتب:

حلم رقم ٣ 

ده حلم لواحده صاحبتي 

حلمت اني في شقتنا القديمة وماما بتعمل حاجات في المطبخ و راحت الاوضه البعيده ووصتني اخد بالي وانا قاعده شامه ريحه شياط جامده و عماله أقول عادي ومش عايزه أقوم وسمعت ماما فقولت هي هتشوفها لقيت الشياط زادت اوي فقمت عشان اشوف لقيته حريق صغير زي ما يكون وباعه شغاله وتحت اكياس سوده بلاستيك ف طفيته وروحت لماما كانت نايمه ع السرير قولتلها مفيش حاجه أساسا ده كان حريق صغير و انا طفيته 

هي أنسه و في موضوع شخص كان معجب بيها من سنه وانا حاولت افتح الموضوع تاني 

^بكرة أحلى^ كتب:

4
السلام عليكم 
حلمت يا ماما نجيه حلم  خير يارب
اني انا و اختي و صحبتنا في السوق و زي ما يكون بنتسوق و بندور على حاجات عشان نشتريها و دخلنا مكان في السوق و كان فيه دبيحه مطبوخه كبيره ماشاء الله و اختي داقت و اكلت منها و صحبتي اكلت و أكلتني بإيديها منها ,  و كانت دبيحه دجاج مش لحم, و طعمها كان جميل و لونها ابيض و طريه, و بعدين قعدنا نلف تاني عشان بندور على حاجات نشتريها, زي مايكون بندور على حاجات معينه ,   و خلص الحلم 
اختي متزوجه 
و انا و صحبتي آنسات 
و الحمد لله ملتزمين 
جزاك الله خيرا 

رودي طه كتب:

رايت ان انا قدمت علي وظيفة في الحكومة من فترة طويلة وذهبت الان لكي اقدم مرة اخري فاتقبلت ولقتهم بيدوني ثلاث بونبيرات ع اشكال مختلفة واختاروا لي واحدة منهم وقالوا لي هذه بتاعتك وبداخلها مكسرات لم اتذكر ما نوع المكسرات التي بداخلها فقلت كيف اختارتوا لي هذا الشكل قالوا لي انك عندما قدمت قديما احتفظنا بالشكل الذي اختارتيه حتي جاء القبول كي تأخذيه ففرحت انه كان محفوظ لي مثلما اخترته وكان طعم المكسرات ع ما اعتقد عين الجمل جميل
مخطوبة اعمل معلمة لا افكر في العمل
حلم اخر لي
رايت اني في الفصل واضرب بنت بيدي تجلس في نهاية الفصل وفجاة وجدت البوليس منتشر في المدرسة كي يتابع المدرسة وهناك ضابط رآني واتا اضرب البنت بيدي فنادي عليا وكتب في دفتر كبير ما فعلت ومن المفترض ان امضي امام ما كتب ولكن قلت له انا لم اضربها بعصا كان بيدي وتضايقت لاني لم اكن اضرب قبل ذلك وعذه اول مرة اضرب فيها احد وكنت اضربها علشان مصلحتها لكني وجدت المشرف عبد المنعم شطب ما كتبه الضابط وكتب كلمات جميلة جدا في حقي وعملي واتقانه وكلمات كثيرة لدرجة انه اكمل الكلام في خانة اخري امام الامضاء بتاعتي وعرفت ان ما فعلته كان شي بسيط امام الباقي لانه وجد كثيرون يضربون بالعصا وبعنف فما فعلته لا يذكر
مخطوبة اعمل معلمة عادة لا اضرب في الفصل باي شكل يوجد مشكلة اخاف ان تقع ان اخي له جنح فاخاف ان يوثر ع عمل خطيبي وبالتالي لن تتم الخطوبة والزواج

اليقن بالله كتب:

السلام عليكم ورحمه الله وبركاته
ازيك ياماما عامله ايه
ماما انا حلمت اني قابلت واحده صحبتي (كانت صحبتي من ابتدائي وانقطعت علاقتى بيها من زمان) اسمها نرمين مسيحيه شفتها بس فى اسكندريه احنا اصلا بينا وبين اسكندريه نص ساعه فحلمت اني شفتها فى اسكندريه وسلمت عليها جامد وقعدنا نتمشى مع بعض وروحت معاها الكنيسه بتاعتهم
مع العلم اني انسه ومش مخطوبه ومسلمه

ماما اخويا بيحب بنت من عيلتنا وبيكلمها وناوي يخطبها فحلم ان هوه كان فى الاوضه فيها سريرين والبنت دي كانت نايمه علي سرير وهوه كان نايم علي سرير تاني مع بنت عمي اسمها رحمه وكان بيعاشرها والبنت اللي بيحبها نيمه عالسرير التاني وقاعده بتبص عليهم
مع العلم اخويا لسه مش مرتبط ورحمه بنت عمي اللي شاف نفسه بيعاشرها دي ملوش علاقه بيها ولا كلام معاها

صوت روح كتب:

السلام عليكم و رحمة الله 
 رايت اني مع امي رحمها الله في سيارة و كانت تقودها فمررنا بشاحنة عليها بائع فرش
صوفية توقفت بجانبنا فاخذت اتفحص الفرش التي كانت متنوعة
ثم و جدتني امام معروضات : ملابس داخلية اخذت اختار منها ما يناسبني و قد أتى الكثير من الناس للشراء ايضا منها فازعجت لذلك و تراجعت عنهم حينها انفضوا من المكان.
انسة مهمومة بصدد الاستقالة من عملي الحالي

صوت روح كتب:

السلام عليكم ورحمة الله وبركاته 
رايت اني دخلت مطعما فخما و اخذت اتجول به ثم نضرت  إلى أعلى و قلت في نفسي اني ساصعد و اطلب من النادل ما اريده من الطعام الذي كان متنوعا و كنت افكر اي نوع اختار للاكل
ثم وجدت نفسي قد خرجت و كنت اسمع صوت احتفال بالخارج اخذت امشي قليلا في احد الساحات ثم اردت العودة و لكني دخلت باتجاه الاداره و التفت فرايت الممثل الراحل ممدوح عبد العليم يصعد الدرج المؤدي إلى الادارة و كان وجهه عبوسا و انتهت الرؤيا و انا عائدة إلى الداخل
انسة مهمومة

مايان كتب:

السلام عليكم ورحمة الله وبركاته
إزيك يا ماما نجية  هذه الرؤية لزوجى حلم انه فى منزل أمه وكانت تجلس ع الكنبة فى الصالة كعادتها واختاه شيماء ودعاء نائمتان ع الأرض
ثم دق جرس المنزل فقام زوجى لفتح الباب فإذا هناك عاصفة  وغبار واتربة وأخيه سيد يقف فى منتصف العاصفة ولم يصعد السلم ويدخل إلى المنزل فخاف زوجى أن تدخل العاصفة المنزل فحاول غلق الباب بمفرده وكان يريد من اخواته البنات المساعدة لكن لم يهتم أحد فقامت دعاء ولكنها لم  تساعده فحاول بجهد بالغ وأغلق الباب بمفرده  انتهت الرؤية زوجى حالته الإيمانية جيدة وشيماء ودعاء متزوجين وسيد متزوج وهو مريض قلب

بسمه رضى كتب:

حلم رقم ١٠
حلمت خير اللهم اجعله خير ان انا في شقه ماما وماشيه في الطريقه بجيب حاجه وبنضف فا ببص على غرفتها لاقيت بابا الله يرحمه ويغفر له نايم على السرير مكان ما ماما مبتنام بس متغطي بحاجه سودة زي خمار أو عبايه. من بتوع ماما وبابا دقنه بيضا وهو لابس التوب بتاعه الابيض والطاقيه البيضه ومغمض عينه وباين عليه التعب جريت عليه احضنه وابوسه واقوله وحشني يا حبيبي وهو يقولي وانت كمان يا حبيبتي كل ده وهو مغمض عيونه وبعيط وبيقولي اوصيكي يا سارة خالي بالك من امك امك يا بنتي امك يا سارة وساب حضني ونام على السرير وحد بيشدني لورا وانا مش شيفاه ولاقيت بابا اختفي وبقيت اقول لا إله إلا الله والله اكبر يارب واتفكت منهم وقمت على كده

اليقن بالله كتب:

السلام عليكم ورحمه الله وبركاته
ازيك ياماما عامله ايه
ماما اختي حلمت ان حماتها الله يرحمها كان جمبها تلاجه فيها اكل فحماتها بتقولها عندي اكل وعندي وعندي فاختي قالتلها الله يهنيكى بيهم فحملتها قالتلها انتي بنت أصول فاختي سبتها ومشيت وبعد كده اختي قعدت تعمل فى بطاطس واكل وتحطهم فى تلاجتها فجوزها سامح قعد يزعقلها ويشتمها جامد لوحده مش عارفه ليه فراحت أدت الاكل لسلفتها تحطه هيه فى التلاجه وقالت لنفسها كده يا سامح خليت سلفتي تعرف ايه عندي فى التلاجه راح هوه جه يصالحها وخدها هيه وبنتها علي شط بحر وكان فيه مركب فراحت قالتله تعالي نركب فى المركب فقعد يشد فى المركب فقالتله كده غلط انت المفروض متشدش المركب انت المفروض تفتح الباب الاول فوهوه بيشد المركب اتزحلقو كانو هيغرقو فراحت هيه طلعت هيه والبنت من الميه لكن هوه اتزحلق جوه الميه فهيه قعدت تقول ياخرابي الحقوه ده هيغرق فراح عادل اخوه عادل قال انا هغرقه زي ماهوه بهدل مراتي راحت اختي قالتله الحقه قالها انا هطلعه بس هحبسه عشر سنين وصحيت من النوم مفزوعه

مع العلم حمات اختي متوفيه قبل مااختي تتجوز واختي معاها بنت واحده عمرها سنه وأخو جوز اختي عنده مشكله وجوز اختي هوه اللي بيحلهاله

اختي حلمت حلم مشهد واحد بس شافت نفسها بتكلم جوزها فى التليفون وشايله بنتها علي أيديها وبتقوله يلا ياسامح نسافر قالها ماشى انا جى بس أدامي اربع ايام او اربع سنين هيه مش فاكره

صوت روح كتب:

السلام عليكم ورحمة الله وبركاته 
رايت اني مع اختي (نوال) أمام بئر ََتقوم باستخراج أشياء كثيرة منه و كنت انظر إلى قاعه و قد كان به ماء و استخرجت صندوقا كبيرا اسود منه و انتهت الرؤيا
انسة موضفة مهمومة 
اختي انسة موضفة