تفسير احلام يوم السبت الموافق 3\26 ان شاء الله

انا حلمت اني في الحرم و بدعي و بقول يارب ارزفني بالي ينسيني كل القرف الي شفته في حياتي و ساعتها افتكرت عمرو و محمود خطابي السابقين بس فعلا اتظلمت منهم كتير اوي و قلت لماما ادعيلي يا ماما قالتلي يارب يابنتي و بعدين شفت واحد جنسيه تركي راح جمب الشريم و  الشيخ الشريم خلاه  يأوم بالناس و وقع في قلبي ساعتها ان ده الي الي اتمنيت انه يتقدملي  في الحلم 

شكرًا جزيلا 

عمرو سابني عشان مامته مكانش عايز يبعد عنها و محمود كان طمعان في اهلي 

mira hamada كتب:

حلم رقم 1
الحلم ده لاختى ياماما
هى حلمت اللهم اجعله خير انها راحت شقتها لكن هى مش شكل شقتها فى الحقيقة وكاننت الحيطان لونها اخضر ولقيت باب الشقة مفتوح ولقيت هدوم مرمية على الارض وهى عارفة انها هدوم جوزها ولقيت حد بيستحمى فى الحمام وبعدين لقيت جوزها هو اللى طالع من الحمام فبتقوله اننت ايه اللى جابك دلوقتى ده مش معاد نزولك وعلى وشه وجسمه كدمات وبتقوله من ايه دى قالها انه متخانق هناك وسابلهم البلد ورجع
وانتهى الحلم
جوزها حاليا مسافر قطر وهو فعلا حاجز عشان جاى زيارة

لجين كتب:

لسلام عليكم ورحمة الله تعالى وبركاته 

البارحة حلمت اني احمم امي اضن ببيت جدي القديم حمام كامل بس ماشفتها عارية كنت احطلها مية دافئة وكان يمكن ثلاث مواعين بيها مية اخذت من احداهن كانت باردة سكبتها عليها قالت لي لا هاي باردة فرجعت شطفتها بمية دافئة وحطيتلها مناشف ومسحت راسها وغطيته بالمنشفة ابتديت انشفلها قالت لي لا انتضري باقية شوية حنة براسي مااتغسلت مليح قلت لها اشطفي شعرك لوحدك وكأني كنت مشغولة بشي او رايحة اشتغل شيء وخلصت الرؤيا

حبيبتى اذكرى ظروف امك
الوالدة تعبانة صحيا وحالتها غير مستقرة بمعنى في الاونة الاخير ة صارت تتعب كتير .

عتاب كتب:

رقم 3

احمد زوجى شاف فى منامه انه راح محل يشترى قميص وبنطلون جداد ومعاه واحد صحبه ولقى هناك فى المحل عادل زوج عزيزه اخته ولما اختار اللبس سال صحبه رائيه ايه واقلو جمال اوووى وجوز عزيزه زى البص فى اللبس وعجبه اووى واستغلاه واستكترو على احمد زوجى  كان عايز ياخد زيه بس مكنش معاه فلوس او استغلاه لان اللبس كان شيك وقيم

ومن يومين بردو زوجى حلم انه عجبه قميص اوووى لكن مكنش معاه فلوس راح صحبه قالو خدو اشترى يعنى وانا هدفعلك حقه وابقى ادينى الفلوس بعدين 

زوجى ديما مخنوق وملهوش نفس يشتغل واحيانا كتير مبيروحش شغل الحكومى وشغله التانى بيسيبه بالشهور

الحاله الدنيه كويس وبيصلى لكن لما بيتخنق بيسيب حتى الصلاه

عندنا ولد وبنت

وانا حاليا حامل 

ايناس كتب:

4
حلمت اننا في مكان انا وعيلتي وجدو المتوفي كان واقف جنبي وايده ف ضهري وخطيبي وكنا مرصوصين شكل دايره وبنرقص ..الرقصه اللي هي نوسع الدايره ونقدم خطوه برجلنا ونرجعها تاني ... المهم رقصنا وبعدها امي واختي دخلو الحمام وخطيبي دخل بعدهم فانا شديتو قلتلو امي جوه استني لما يطلعو ..جدو المتوفي سالني فين المرايات ..قولتو في مرايا في الحمام ال جنبنا ...راح
جدو وخطيبي كانو لابسين بدل
مش عرفه كنا متجمعين ليه بس كنا مبسوطين
جدو متوفي من 4 شهور .. خطيبي منتظر نتيجه امتحان
لسه محددناش معاد الفرح ...طمنيني بقي

kokoadam كتب:

الحلم 5

حلمت ان اخو جوزي كان بيعمل لخطيبتة وشها بالفتلة وقلت انا كمان عايزة اعمل وبدا يعمل حواجبي بالفتلة ويسرح شعري ومش لاقي حاجة يمسك بيها شعري وخطيبتة جت قعدت وشكلها متضايقة وقالت عايزة انام هاروح قلت لها انتي بتنامي بدري زي الاطفال وشوية وجوزي جة قعد جنبي ويهزر معايا 

علاقتي باخو جوزي وخطيبتة سطحية جدا

نوتى دودى كتب:

الحلم رقم (6)

نوتي دودي

السلام عليكم ورحمة الله 

ازيك يا ماما نجية يارب دايماً في أحسن صحة وأسعد حال

وكل سنة وأنت طيبة بمناسبة عيد الأم

أنا مطلقة متوسطة الالتزام

حلمت حلمين في ليلة واحدة أسفة للاطالة عليكي 

الأول 

أن طليقي خبطته عربية ومات 

وانا نايمة علي سريره وببكي علشان صعبان عليا قوي

والسرير كان مفروش عليه ملاية لونها اخضر فاتح 

وماما كانت قاعدة جنبي بس خلص الحلم كدة

الثاني

ان انا وماما ذهبنا لبيت طليقي وأكلت عنده ملوخية خضراء

ومامته كانت موجودة وبعد شوية حضر واحد صاحبه 

اسمه (محمود)هو في الحقيقة صديقه المقرب

وطلب مني طليقي ان أضع ملوخية لمحمود 

دورت في البيت كله مالقتش غير شوية صغيرين قوي أم طليقي 

كانت شايلاهم فى مكان بس شكلهم حمضانين 

وكان البيت فيه ناس كتير غريبة

دورت علي طليقي نفسه لقيته خارج من غرفة مع

محمود لابسين ملابس داخلية بيضاء

وبص لي ومسك ايدي الشمال شوية ومشي 

وفي بنت صغيرة كانت قاعدة تسرح لي شعري 

كان شعري طويل جدا وجميل في الحلم

شكرا يا ماما على مجهودك معانا

ام حسام كتب:

الحلم رقم (٧)
ماما الله يرضي عنك حلمانه حلم راعبنى ... كلمة راعبنى دى شوية 

حلمت خير اللهم اجعله خير .. انا بابا الله يرحمه بيكملنى بيبلغنى ان ماما تعبانه وهو نقلها مستشفى لازم نروحلها ... فانا جريت على المستشفى عشان اشوف ماما ملقتش بابا هناك بس لقيت ماما نايمه فمسكت سن ابره كده وغزيت ماما حته صغيرة اوى فى ايديها فهى قامت تعيط من الخضه مش من الألم ... وتعيط بشدة فانا عماله اقولها متعيطيش متعيطش انا بس والله قصدى اصحيكي مش اضايقك ... فهى صحيت وقامت قعدت عالسرير كده وقالتلى انا زعلانه من اختك ( شذا ) عشان هى مش راضية تيجيلى  ... فقولتلها معلش ياماما ظروفها .. فانا لسه عاوزة اكلم شذا اقولها تروح لماما لقيت شذا بتكلمنى بتقولى شيرين انا عامله مفجأة لماما انا جايلها بس قوليلها ان شذا جيالك ياماما ... فقولت لماما شذا جايلك اهه .. فقالتلى قوليلها تيجيلنا عن طريق سيناء ... شوية وسيبت ماما وروحت بيتنا لقيت بابا بيغير كل حاجه فيه السيراميك وفيش الكهرباء وبيجدد كل حاجه فيه فبقوله بتعمل كل ده ليه يابابا ... قالى عشان مامتك لما تطلع من المستشفى ان شاء الله تيجي على البيت وهو حلو كده ... 

ماما انا مرعوبة على اختى خصوصا انى كتبت لحضرتك امبارح حلم بنت عمتى اللى الناب بتاعها اتلخلخ وحضرتك قولتيلى انها تستعيذ منه وحلمت الحلم ده انهارده ... الله يرضي عنك طمنينى ولو وحش مش تفسريه ...

رودي طه كتب:

حلم9رايت خيرا ان ماما اشترت ديب فريزر تاني غير اللي موجود بس اكبر فبقول لماما نبيع بقي اللي عندنا راحت قالت لي لا خليه هنحتاجه برده هنخزن هنا وهنا وفعلا القديم كان مليان تقريبا بسلة هي حاجة كان لونها اخضر. والديب الموجود عندنا لونه ابيض واللي اشتريناه لونه ابيض
انسة
اعمل
فعلا عندنا ديب فريزر لونه ابيض

رودي طه كتب:

حلم 10
حلمين لاخويا بعد اذنك
كان معاه علبة شيكولاتة وهو ماشي كان في ناس يعرفهم واقفين من ضمنهم كان في مدير ليه قبل كده في الشغل ادي لكل واحد منهم شيكولاتة وقال لهم كفاية عليكم كداوخد الباقي ومشي
الحلم التاني
كان بيشتري من كشك علبة شيكولاتة فواحدة اللي كانت بتيع هو كان في الحلم يعرفها بس مش فاكر دلوقتي مين فادته علبة شيكولاتة بيفتح واحدة ملقهاش اللي هو عايزة قال لها لا مش دي عايزه راحت ادتله علبة قال لها اه هي دي اللي عايزها

ايناس كتب:

11
حلمت اني لقيت محفظه سوده جلد او حد ادهالي مش فاكره..المحفظه دي كانت بتاع جدي المتوفي فتحتها كان فيها صورته وهو شاب وكانت محفظه جلد وسليمه وبعدين فتحت. سوسته لقيت فيها فلوس كتير بس عمله ورقيه مختلفه عن اللي موجوده ف الحقيقه لونها كان داخل علي الازرق
انا انسه ومخطوبه وعندي كرب معين وبدعي ربنا بالفرج
جدو متؤفي .... الكرب مش ضائقه ماديه للعلم

صوت روح كتب:

حلم 12

السلام عليكم و رحمة الله 

رايت اني في المنزل و كأننا في رمضان و اتى ابي ( جمعه) و سألني ان كنت اريد الذهاب معه لصلاة التراويح  في المسجد فأخذت افكر في الامر و انتهت الرؤيا 

آنسة متدينة و لا اعمل

mira hamada كتب:

حلم13
سلام عليكم ياماما
الحلم ده لصاحبتى 
هى حلمت اللهم اجعله خير انها فى بيت اهل طليقها ومامته بتقولها تعالى نامى جنبى على السرير وصاحبتى قالتلها لا هنام على الارض وحماتها صممت تنام جنبها فصاحبتى قالتلها هتنامى على الحرف ولا جوه فحماتها نامت جوة وبعدين جه طليقها وفضل يهزر معاها وقالها انسى الشقة مش هتاخديها ( فى بينهم قضية على موضوع شقة وهيتحكم فيها قريب) وبعدين لقيت اخت طليقها واقفة فى البلكونة بتنشر الغسيل وحماتها ناشرة ملابسها الداخلية وكان مهلهل وواضح جدا قدام الناس ومقطع فصاحبتى بتقول لاخت طليقها ينفع مامتك تنشر ملابسها الداخلية قدام الناس كده وبعدين نزلت شقتها القديمة اللى هى تحت حماتها وبعدين نامت وراحت فى النوم وجت اخت طليقة التانية صحتها وبعدين صاحبتى راحت محل جزم تشترى جزمة وكلهم كانو شيك اوى لكن مالقيتش مقاسها وجت بنت ماتعرفهاش وكانت لابسة جاكت اخضر وعايزة تشتريله جيبه تليق عليه وفعلا اشترت الجيبة وكانت حلوة 
وانتهى الحلم 
هى فى مشاكل بينها وبين طليقها واهله وقضايا 

mira hamada كتب:

حلم 14
الحلم ده لاختى
هى حلمت انها حامل ورايحة تولد ودخلت اوضة العمليات وكانت عاملة زى السوق فيها ناس كتير اوى وكان بابا معاها وفى طفل بيلعب معاهم وسالت الممرضة الدكتور جه قالتلها لا فقالتلها اومال انا جاية اعمل ايه انا همشى وفعلا مشيت وماما معاها   وبتقول لماما اناا ارفة انى مش حامل مش عارفة الدكتور قال كده ليه وهيولدنى ازاى وانا لسه والدة حذيفة من 4 شهور ازاى هولد دلوقتى وبطنى حتى مش كبيرة ( هى لسه والدة من شهر فى الحقيقة ) وقالت لماما يلا نروح احلل دم  وراحت فعلا حللت وطلعت مش حامل  فبتقول لماما شوفتى طلعت مش حامل ومش كان هينوبنى الا فتح بطنى تانى
وانتهى الحلم ياماما 


وفى حلم ليا 
اللهم اجعله خير انى كنت مع محمد فى مشوار وراجعين وراكبين الميكروباص وكان لسه بيشحن ومحمد مكنش شكله فى الحقيقة كان واحد تانى بلطجى وبيقول كلام غريب وكانن واقف مع السواقين مش قاعد جنبى وانا ببصله ومصدومة ازاى هو عامل كده وبيتصرف بطريقة البلطجية دى وبعدين جه قعد جنبى لكن بشكله الحقيقى اللى اعرفه وانا ساكته بردو وقالى مالك شكلك زعلانة ليه قولتله انا مصدومة من طريقتك واسلوبك انت عمرك ماكنت كده وماردش ليا وبعدين ادانى موبايله وقالى انا مكنتش هجيبه لكنن جيبته عشان مازعليش واداهولى افتحه واشوفه عشان افتحه واطمن من ناحيته
وانتهى الحلم
محمد ده حبيبى اللى ابويا رافضه وهو متقدملى واحنا حاليا متخاصمين

Aya Ahmed كتب:

حلم رقم ١٥

انا حلمت اني في الحرم و بدعي و بقول يارب ارزفني بالي ينسيني كل القرف الي شفته في حياتي و ساعتها افتكرت عمرو و محمود خطابي السابقين بس فعلا اتظلمت منهم كتير اوي و قلت لماما ادعيلي يا ماما قالتلي يارب يابنتي و بعدين شفت واحد جنسيه تركي راح جمب الشريم و  الشيخ الشريم خلاه  يأوم بالناس و وقع في قلبي ساعتها ان ده الي الي اتمنيت انه يتقدملي  في الحلم 

شكرًا جزيلا 

عمرو سابني عشان مامته مكانش عايز يبعد عنها و محمود كان طمعان في اهلي 

ميوش كتب:

الظروف اني بحب بنت وكده وهيا كمان بتحبني وناوي ان شاء الله اتقدملها وكده
الحلم... حلمت بيها ان انا وهيا بنحب بعض زي ما بنحب بعض في الحقيقه وكنا كويسين مع بعض لحد معرفت ان في حد اتقدملها فا كلمتها وقولتلها ايه ده وازاي قالتلي متخفش يا حبيبي فتره وحتعدي ومر الوقت واتخطبتله فعلا وجت تكلمني بعد كده قولتلها انتي ازاي ترضي تتخطبي وانتي فاكره اني حكرر نفس الغلطه تاني واكلم واحده مخطوبه لا وقفلت معاها وكنت زعلان ومضايق بس لقيت نفسي في واحده تانيه دخلت حياتي والبنت الي انا بحبها دي حاولت تتعرضلي تاني بس منعتها وخطبت البنت الي دخلت حياتي دي وفي يوم خطوبتنا لقيت البنت الي بحبها دي هيا وخطيبها في فرحي معرفش ازاي وشافتني وانا برقص مع البنت الي دخلت حياتي وطلعت سلسله حلوه لبستها للبنت الي دخلت حياتي دي الي انا خطبتها يعني والبنت الي بحبها دي قاعده مع خطيبها وبتبصلي وزعلانه ومضايقه

الحلم دة ال مرتبط بها اخويا هى ال حلمتوا