تفسير احلام يوم الاثنين الموافق 1\15 ان شاء الله

حلمت اني معايا سيارة جديدة كبيرة اوى وفارهة جدا ولونها ابيض،وكنت فرحانة اوى بها وكنت بسوقها من غير ما اتعلم سواقة بس كان فيع كام حاجة عايزة اتعلمهم في سواقتي مكنتش عارفة افرمل بالعربية ،والكرسي كنت مش مرتاحة عليه اوى بس كنت متقبلة وفرحانة ومستغربة سواقتي من غير ما اتعلم بس كنت بطيئة في سواقتي عشان الفرامل وكنت متأنية .
وقلت لوالدى علي مشكلة الكرسي راح والدى وسعي لي مكان الكرسي وارتحت جدا وكنت مبسوطة انه حل المشكلة وقلت لاخي علي مشطلة تانية وساعدني برضه،وكل المشاكل كانت بسيطة عندهم ولها حل وكنت فرحانة ،وكان فيه واحدة منتقبة في الحلم كانت عايزة تركب معايا مع انها راكبة عربيتها ،وكنت فاهمة في الحلم انها اختي مع اني معرفهاش ،وناديت عليها تركب معايا عشان متزعلش ،بس اظن انا مشيت ومركبتش معايا  .
انسه ،خريجة ،ملتزمة بفضل الله وبشتغل،فيه شخص ماشي في موضوع طلاقه عايز يخطبني بعد ما ينفصل ،وانا كل يوم بعمل استخارة

حلمت اني واقفة قدام المرايا وبتعطر بثلاث عطور ورشيا من التلاتة عشان كان عندنا ضيوف وناس من اهلي كانوا موجودين ومتجمعين .
حلم تاني :
حلم اني في الشارع وفيه زبالة فيها شعلة نار وواحدة بدأت تطفي النار فانا شوفتها وقلت اطفي النار معاها وفي نفس الوقت قلت دى لسيطة هي هتطفيها،بس قلت هطفيها وجبت جردل ماية وفجأة لقيت النار كترت اوى وكبرت ولقيت البنت اللي بساعدها واطفي معاها مشيت لما النار كترت وبقيت لوحدى اللي بطفي ،وفجأة لقيت الارض اللي واقفة عليها بقت نار والارض شبه الارض البركانية ولكن سبحان الله ولا كأنها نار ومتلسعتش ومحستش بها وكنت عادى،ولمحت اختي في اخر الشارع وكنت بقولها تجرى عشان النار كانت بتكبر لاخر الشارع وكنت خايفة عليها،لكن لقيتها للاسف كلها بقت نار وجسمها كله نار حتى عنيها كان فيها نار ،وانا كنت في النص بس مكنش فيه شئ مأثر عليا ،وفي النهاية اخمدت النار .
معلش حلم تالت :
حلمت بأخي الكبير بيقولي انتي معمول لك ٣٣ عمل  ،ولقيته ماسك ورقة في الحلم شبه اللي بيكتب عليها الساحر ،وقالي ده اول واحد اهه شايفة .
انتهي 
انا انسة ،خريجة ،بحفظ قرآن بفضل الله وملتزمة ،اختي الصغيرة انسة ١٧سنة وبتدرس ،اخى متزوج وزوجته حامل .
من فترة امى اتفزعت من النوم بسبب انهت حلمت ان حد عامل لى سحر برضه ،وكان اكتر من سحر كانوا في اوكرة باب الشقة ومش رتضي يقفل ولكن واحد شالهم في الحلم والباب قفل.انا بحافظ علي الاذكار والقرآن

رقم ٦..حلمت انى دخلت محل جنب بيتى فى الحقيقة بس شكله مختلف شوية فى الحلم.و ذهبت إلى شاب واقف بيبيع و كان فيه ناس واقفين مستنيين الدور حوالى ٣ أشخاص. و قلت للراجل ده عايزة سلطة فواكه ..و شاور لى انه فيه واحد دوره قبل منى ...و بعدين لقيته بيعمل لى سلطة فواكه ..و قلت له عايزة موز و فراولة و برتقال و عايزة عليها كريمة و كمان شوكولاتة ..و اعتقد اخدت منه الحاجة و مش فاكرة اكلت ولا ايه ..شكرا