تفسير احلام يوم الاثنين الموافق 8\14 ان شاء الله

حلمت اني طلعت رحله علميه للفضاء و اخترعنا دوا جديد للسرطان و رجعنا و اتكرمنا كل واحد اخد هديه و انا الراجل الي بيكرمني اداني كوليه ( طوق رقبه ) معجبنيش كان فيه فيونكه كده حسيتها رخيصه رجعتهوله و عجبني واحد تاني فيه فص اخضر او اسود قلت ده ألماس يا ماما و كان شكله جميل 

يارب حل كتب:

حلم رقم 1
حلمت اني معايا رموش اللي بتتركب مع المكياج وانا مش عارفه اركبها فقالت هنزل للكوافير تركبهالي واقولها اني لازم اركبها علشان قرايه فتحتي وبعدين لاقيت فستان سواريه كان عندي من زمان طلعته علشان البسه لاقيته مترب من فوق ومن عند ديل الفستان فرحت غسلت الحتة اللي من فوق واللي من عند الديل بسرعه علشان كنت مستعجله جدا وخايفه ميلحقش ينشف وانا هلبسه في قرايه فتحتي وكنت حاسه كاني قرايه فتحتي جت فجاه
انسه ومفيش عرسان حاليا

sa_ra كتب:

حلم رقم ٢
ماما حلمت اني انا وجوزي في فندق و انا صحيت من النوم لقيت في رجاله قاعده في الاوضه بينضفوها قلتلهم فيين جوزي قلولي بيجيب حاجه واحنا مستنين نغيير السراير .. بعدين شويه قالوا ان في كسوف للشمس و الاوضه وجهتها ازاز قعدت اتفرج علي الكسوف كل شويه القمر يجي مكان الشمس و الشمس مكانه المنظر كان مرعب وانا كنت قاعده هتجنن من الاي شيفاه .. بعدين كان معايا ماما و جددتي و خالي و خالييقلي متركزيش علشان متتعبيش نفسيا .. شويه لقيت جوزي داخل معاه ورد و كيس فشار طولي و جايبهملي علشان مركزش مع اللي بيحصل حوليا ..

انا متوسطه. التدين عندي ولد ومتجوزه
جديتي متوفيه من ٧ شهور  

ايه كتب:

Oحلم رقم ٣ 

حلمت اني طلعت رحله علميه للفضاء و اخترعنا دوا جديد للسرطان و رجعنا و اتكرمنا كل واحد اخد هديه و انا الراجل الي بيكرمني اداني كوليه ( طوق رقبه ) معجبنيش كان فيه فيونكه كده حسيتها رخيصه رجعتهوله و عجبني واحد تاني فيه فص اخضر او اسود قلت ده ألماس يا ماما و كان شكله جميل 

انا أنسه

بوسى 123 كتب:

رقم 4 ...فيه طفل من اقاربنا اسمه أدم عمره حوالى سنتين ..حلمت ان آدم مامته هتسافر و تسببه...و انا شايلة الولد و عمالة احضنه و هو كمان بيحضنى ..و بيلعب معايا و بيغنى اغنية زى بيلاعبنى بالاغنية   ..و طول الحلم نضحك لبعض و نحضن بعض و يغنى  لى..
حلم تانى غريب ..انى فى عمارة و فيه واحد مسيحى زى رجل دين او قسيس يعنى ..و انا لما شفته عملت له تحية كده بالراس .و هو اتبسط بالتحية دى .   و بعدين أعطانى جزمة فردتين مع بعض..و انا اخدتهم و قال لى طلعيهم الدور إللى فوق..مش فاكرة كان عايز اطلعهم فوق ليه بس تقريبا علشان فيه مسيحيين تانيين هيشوفوا الجزمة و يعرفوا حاجة لما يشوفوا الجزمة..انا بصيت لقيت دور تانى فوق و قلت اطلع احط الجزمة..  

مظله كتب:

الحلم رقم (٥)
حلمت خير اللهم اجعله خير ان ابني الصغير (٦ سنين) اخد مفاتيح العربية ونزل دور العربية وساقها وطلع بيها عالطريق وواحد لما شافه صغير ضحك عليه واخد العربية منه وانا فضلت ادور على ابني لقيته بس لقيت العربية اتسرقت منه وفضلت ازعق لابني واضربه وجوزى يقولى فداه .. فجوزى قالى نص العربية اللى قدام موجود مش مهم باقي العربية حناخد الجزء ده ونطلع عالتوكيل نبيعه ليهم وبفلوسه نحطها في مقدم شقة  ... وانا كل اللى هاممنى ارجع العربية كلها واتصلت على شخص في الحلم عشان يساعدنى اعرف مكان العربية وفعلا قالنا ان العربية في المكان الفلاني وهى متسرقتش ...  وانا في الحلم حروح الاقيها مركونة في المكان ده ... بس
متزوجة ومعايا ولد وبنت